2 Timɔte 2:10 - Dɔnɔn kə̂ Siki: Tar kə̂ aw arə təbbə

¹⁰ Mba yeenn bba maw tɔ wurum nɛ̂nje tə̂ tɔyn mba dəwje kə̂ Lubba mbərəde, mba karə dede njaa kara dingaje kaji kə̂ Jeju-Kristə aw arə dəwje. Baann bba dâ kingaje piti kə̂ a to kə ndɔ kə ndɔ.

Maketuru le Lubba ke tar kabba

¹⁰ Mba yeenn bba maw m-tɔ wurum neje te tɔyn wɔju dɔ dewje ke Lubba mberede, mba kare dede njaa kara dingaje kaji ke Jeju Kiriste aw are dewje. Baann bba da kingaje piti ke a to ke ndɔ ke ndɔ.

2 Timɔte 2:10 Iomraidhean Croise

Matiye 24:22

Bbo Əbbə-dəwje təl kə ndɔ nɛ̂njeenn le arə gɔju ang a, dəw kâra a kinga kaji ang. A n̂-təl nɛ̂n narə gɔju, mba dəwje kə̂ n̂-mbərəde tokə kete le.

Matiye 24:24

Mba kristəje kə̂ tɔkɔrɔ ang kə njê-kilaje mbər tar kə̂ tɔkɔrɔ ang a ddeeje. Dâ ddaje nɛ̂n-mɔrije kə nɛ̂nje kə̂ dum dɔ dəwje, ta bbo ddəw to a, njê kə̂ Lubba mbərəde kara dâ kərəjede tɔ.

Matiye 24:31

Tɔkə təbbə-narɛ a bbar ngaâ Ngonn lə dəw a kula anjəje laa karə n̂-mbɔnje dəwje kə̂ n̂-mbərəde kɔyn nangə tə̂ kə̂ sɔ tɔyn ndərəng kɔyn dara tə̂.»

Luku 18:7

Lubba a gangə sariya lə dəwje laa kə̂ n̂-mbərəde kə̂ aw nɔnje nɔn gɔlɛ̂ tə̂ til kə kar ang wa? Nâ karə n̂-ngəbbə nya wa?

Luku 22:57

A Piyɛr mayn nan: «Dɛnɛ̂n, m-gəre ang.»

Tar kə̂ Maji kə̂ Jan dda makəturu tə̂ 11:52

Nâ koy mbade kə karəde baa ang. Nâ koy mba mbɔn ngann lə Lubba kə̂ sarɛnje naan kâra kâra, karə n̂-ddeeje to dəwje kə̂ kâra baa.

Tar kə̂ Maji kə̂ Jan dda makəturu tə̂ 17:24

Bɔy, əi â arəm dəwje le, yeenn bba m-ndiki karə deeje səm lo tə̂ kə̂ mee tə̂. Baann bba karə dooje piti kə̂ ə-pitim, mba ə-ndikim kete bba ə-dda duninya.

Tar kə̂ Maji kə̂ Jan dda makəturu tə̂ 17:9

«Dede â maw duji mbade. Maw duji mba dəwje kə̂ duninya tə̂ nəənn ang, a maw duji mba dəwje kə̂ ungude mə jim tə̂, mba n̂-toje to dəwje ləi.

Rɔmɛnje 2:7

Marə dəwje sangəje ddəw ta dda maji kə ndɔ tɔyn mba karə Lubba pitide, karə n̂-walde ngaâ karə narəde təbbə kə̂ a tuju ang. Lubba a karəde təbbə kə̂ to kə ndɔ kə ndɔ.

Rɔmɛnje 9:23

Lubba ndiki ta tɔju piti laa kə̂ bo nya kəsə dəwje, dede kə̂ noo kəm-to-ndoo ləde kə̂ n̂-gɔlde tokə kete mba karə dingaje piti saa.

1 Kɔrɛntinyɛje 1:21

Lubba dda ddəw kəm-karɛ tə̂ laa arə dəwje kə̂ duninya tə̂ nəənn asəje ta gəre ddəw kəm-karɛ tə̂ ləde njaa ang. Yeenn bba Lubba oo maji ta kaji dəwje kə̂ unnje məde ddəw tar tə̂ kə̂ jaw jila nɛ̂n mbər kə̂ to tokə tar mbəjeenn le.

1 Kɔrɛntinyɛje 9:22

Bbo misi kə dəwje kə̂ mə-kunn ləde sangə ang a, m-dda tokə dəw kə̂ mə-kunn laa sangə ang, mba kinga nɛ̂n de. M-dda rɔm tokə lə dəwje tɔyn marə dəwje tɔyn karə bbo ddəw to a, marɛ̂je kâra kâra ingaje kaji.

2 Kɔrɛntinyɛje 1:6

 bbo jaw joo ndoo a, jaw dda karə məse wul ngaâ karə ingaje kaji.  bbo məje wul a, to mba karə məse wul tɔ. Yeenn le aw dda arə asəje ta tɔ wurse mə nɛ̂n kəm-to-ndooje tə̂ kə̂ kâra baa kə̂ aw ingajeje le.

2 Kɔrɛntinyɛje 12:15

Əman, m-ndiki ta tuju nɛ̂nje ləm ddəm ta tuju singam ddəm tɔyn mbase. Â ndikimje nya ang, mba ndiki kə̂ m-ndikise nya le wa?

2 Kɔrɛntinyɛje 4:15

Nɛ̂nje tɔyn kə̂ aw ingajeje, ingajeje mbase. Baann bba karə bbo Lubba aw dda mə-maji nya nya kə dəwje a, dəwje arəje wooyo Lubba nya tɔ ngaâ piteje.

2 Kɔrɛntinyɛje 4:17

Mba nɛ̂n kəm-to-ndooje kə̂ aw ingajeje mba gɔju kar le, turude goto. A piti kə̂ a to kə ndɔ kə ndɔ kə̂ nɛ̂njeenn le a karəje a to piti kə̂ bo nya.

Epɛjinyɛje 3:13

Mba yeenn bba, m-dujuse karə rɔse oy njururu mba ndoo kə̂ maw moo mbase le ang. Yeenn to nɛ̂n kə̂ a karəse piti.

Kolosinyɛje 1:24

Bbasinɛn maw dda rɔ-nəəl mba ndoo kə̂ maw moo mba tar ləse. Ngaâ, maw moo kəsə ndoo lə Kristə mba Egilisi kə̂ to da-rɔɛ̂.

Kolosinyɛje 1:27

N̂-ndiki ta dda bba karə dəwje laa le gərəje nɛ̂n kə̂ n̂-ngəm lo-kiyɛ̂ tə̂ le kə̂ to nɛ̂n-piti ddəm nɛ̂n-kinga ddəm horo dəwje tə̂ tɔyn. Nɛ̂n kə̂ n̂-ngəm lo-kiyɛ̂ tə̂ le â nəənn: Kristə kə̂ to məse tə̂ le, asəje ta kunda məse to â kingaje piti lə Lubba tɔ.

1 Tesalonisinyɛje 5:9

Mba Lubba mbərəje karə wungu laa oso dɔje tə̂ ang. N̂-mbərəje karə jinga kaji ddəw tə̂ lə Əbbəjeje Jeju-Kristə.

2 Tesalonisinyɛje 2:14

Mba yeenn bba Lubba bbarse ddəw Tar tə̂ kə̂ Maji kə̂ jila mbəre jarəse karə ingaje piti lə Əbbəjeje Jeju-Kristə.

2 Timɔte 1:1

Əman Pɔl, m-to nje-kaw-kula lə Jeju-Kristə, mba Lubba njaa ndiki tə̂ ngaâ bbarəm karə mila mbər tar təbbə kə̂ nunn ndue ta karə dəwje ddəw tə̂ lə Jeju-Kristə.

2 Timɔte 2:1

Əi ngonnəm, maji karə inga singa ddəw mə-maji tə̂ kə̂ Lubba dda kə je ddəw mə-kâra tə̂ kə̂ n-dda kə Jeju-Kristə le.

2 Timɔte 2:3

Maji karə oo səm ndoo tokə nje-ddɔ lə Jeju-Kristə kə̂ tɔkɔrɔ njaa.

Titə 1:1

Əman Pɔl, m-to bbərə-kula lə Lubba ddəm nje-kaw-kula lə Jeju-Kristə ddəm. Lubba unnum to nje-dda karə dəwje kə̂ Lubba mbərəde unnje məde arɛ̂ ngaâ karə n̂-gərəje tar kə̂ tɔkɔrɔ bba ta n̂-ngəmje rɔde mba Lubba.

1 Piyɛr 2:10

Ləw, ə-toje to dəwje lə Lubba ang, a bbasinɛn, ə-toje to dəwje lə Lubba ngaa. Ləw, Lubba oo kəm-to-ndoo ləse ang, a bbasinɛn, Lubba oo kəm-to-ndoo ləse ngaa.

1 Piyɛr 5:10

A kooje ndoo mba gɔju kar bbay. A Lubba kə̂ to nje-dda mə-maji nya kə̂ bbarse ddəw tə̂ lə Jeju-Kristə karə ingaje piti kə̂ to kə ndɔ kə ndɔ le, a dda karə ə-təlje ə-ddeeje maji uta, nâ karə gɔlse uwa nangə, nâ karə ubbaje singa ngaâ nâ karə marə nɛ̂n yəkəse ang.