2 Timɔte 1:8 - Dɔnɔn kə̂ Siki: Tar kə̂ aw arə təbbə

⁸ Yeenn bba, maji karə ə-dda rɔ-kul ta pa tar-naji lə Əbbə-dəwje karə dəwje ang ddəm ə-dda rɔ-kul ləm, əman kə̂ dilam kəy-kula tə̂ mbɛɛ̂ le ang ddəm. A maji karə oo səm ndoo mba Tar kə̂ Maji ddəw singa tə̂ kə̂ Lubba arəje.

Maketuru le Lubba ke tar kabba

⁸ E-dda rɔ-kul ta pa tar-naji le Ebbe-dewje kare dewje ang ddem e-dda rɔ-kul lem, ema ke dilam key-kula te wɔju dɔe ang. A oo sem ndoo wɔju dɔ Tar ke maji ddew singa te ke Lubba areje.

2 Timɔte 1:8 Iomraidhean Croise

Marke 8:38

Dəw kə̂ dda rɔ-kul ləm kə rɔ-kul tar ləm kəm dəwje tə̂ kə̂ bbokənɛn nəənn, Ngonn lə dəw a dda rɔ-kul laa ndɔ tə̂ kə̂ nâ ddee kə anjəje laa kə̂ majije tɔyn mə piti tə̂ lə Bɔɛ̂je. Mba dəwje kə̂ bbasinɛn nəənn le toje to njê-nɛ̂n-ddaje kə̂ maji ang ddəm dəwje kə̂ pa-nja ləde to kə dannâ ang ddəm.»

Luku 9:26

Tɔkɔrɔ, dəw kə̂ dda rɔ-kul ləm kə rɔ-kul tar ləm a, Ngonn lə dəw a dda rɔ-kul laa ndɔ tə̂ kə̂ nâ ddee kə piti laa kə piti lə bɔɛ̂je kə lə anjəje kə̂ maji tɔyn.

Tar kə̂ Maji kə̂ Jan dda makəturu tə̂ 15:27

Ngaâ sese kara, â kɔruje naji ləm, mba eeje səm ləw baa kunn-kute tə̂.»

Tar kə̂ Maji kə̂ Jan dda makəturu tə̂ 19:35

Dəw kə̂ oo nɛ̂nje nəənn le kə kəmɛ̂ â aw ɔru gəle nəənn. N̂-gərə to tar kə̂ tɔkɔrɔ â naw pa. N̂-pa baann karə sese kara ooje məse tə̂.

Kulaje 5:41

Njê-kaw-kulaje le inje lo gangə sariya tə̂ lə Jiipije le teeje ddaka kə rɔ-nəəl, mba Lubba oode to dəwje kə̂ asə karə dula kəmde ndoo tə̂ mba ri Jeju.

Rɔmɛnje 1:16

Rɔ-kul kila mbər Tar kə̂ Maji le ddam ang. Mba to singa-mɔngu lə Lubba kə̂ aw aji nɛ̂n dəwje tɔyn kə̂ ooje məde tə̂, Jiipije dɔngɔr, goe tə̂ a, Gɛrɛkəje.

Rɔmɛnje 16:25

Piti to lə Lubba kə̂ asə ta dda karə ubbaje singa ddəw mə-kunn tə̂, ddəw Tar kə̂ Maji tə̂ lə Jeju-Kristə kə̂ m-ddee mila mbəre marəse le. Ddəw Tar kə̂ Maji tə̂ le bba Lubba dda arə n-gərəje nɛ̂n nɛ̂n kə̂ to lo-kiyɛ̂ tə̂ ləw baa.

Rɔmɛnje 8:36

Ddəw kâra baa tokə n̂-dda tarɛ̂ Makəturu tə̂ lə Lubba nan: «Kar tɔyn njaa jaw jaw ngɔsi kə yo mbai, dəwje aw oojeje tokə lə batəje kə̂ daw duja gɔsude.»

Rɔmɛnje 9:33

tokə Makəturu lə Lubba pa nan: «Ooje, mila marə ər kə̂ dəwje a tukaje gɔlde tə̂ tɔkə bbe tə̂ kə̂ Sinyɔ, tɔkə ər kə̂ a dda karə dəwje tosoje, dəw kə̂ unn məɛ̂ arɛ̂ a, rɔ-kul a kɔru kəmɛ̂ ang.»

1 Kɔrɛntinyɛje 1:6

Tar lə Kristə kə̂ n̂-pa darəse le ungu ngirɛ̂ nangə̂ horose tə̂ kə majɛ̂.

2 Kɔrɛntinyɛje 6:7

n-pa tar kə̂ tɔkɔrɔ, Lubba arəje singa-mɔngu laa. Junn nɛ̂n-dda kə̂ gatə gatə to nɛ̂n-dda ddɔ ləje ddəm to dər ləje ddəm.

Epɛjinyɛje 3:1

Mba yeenn bba, əman Pɔl, dilam kəy-kula tə̂ mba tar lə Jeju-Kristə kə̂ maw mila mbəre marəse, see dəwje kə̂ ə-toje to Jiipije ang.

Epɛjinyɛje 3:13

Mba yeenn bba, m-dujuse karə rɔse oy njururu mba ndoo kə̂ maw moo mbase le ang. Yeenn to nɛ̂n kə̂ a karəse piti.

Epɛjinyɛje 4:1

Yeenn bba, əman kə̂ dilam kəy-kula tə̂ mba Əbbə-dəwje, m-dujuse nya karə pa-nja ləse to pa-nja lə dəwje kə̂ Lubba bbarde njaa.

Epɛjinyɛje 4:17

Mba yeenn bba, nɛ̂n kə̂ m-dujuse nya kə ri Əbbə-dəwje â nəənn: Dəwje kə̂ gərəje Lubba ang le arəje pa-nja ləse to tokə ləde ang. Kəjəje ləde aw aw kə de nɛ̂nje tə̂ kə̂ baa.

Pilipinyɛje 1:7

To kə dɔgɔlɛ̂ karə kəjə ləm to dɔse tə̂ tokə baann njaa, mba m-ndikise. Əsese tɔyn njaa umanʼmje ddəw mə-maji tə̂ kə̂ Lubba dda səm kar tə̂ kə̂ mee nɛ̂n kəy-kula tə̂ bbasinɛn nəənn ddəm kar tə̂ kə̂ maw mɔru nɛ̂n naji Tar tə̂ kə̂ Maji marə ngəng le ddəm.

Pilipinyɛje 3:10

Nɛ̂n kə̂ m-ndiki kâra baa njaa to gərə Kristə kə gərə singa-mɔngu kə̂ noy, a ndole, ta koo ndoo saa ngaâ ta ddee tokə laa ddəw yo tə̂ kə̂ noy.

Pilipinyɛje 4:13

Masə ta dda nɛ̂n tɔyn ddəw tə̂ lə Kristə kə̂ aw arəm singa.

Kolosinyɛje 1:11

Lubba a dda karə ingaje singa mə nɛ̂nje tə̂ tɔyn ddəw singa-mɔngu tə̂ laa kə̂ to nɛ̂n-piti. Baann bba â tɔje wurse ngaâ â kuwaje karə ngəng mə nɛ̂nje tə̂ tɔyn.

Kolosinyɛje 1:24

Bbasinɛn maw dda rɔ-nəəl mba ndoo kə̂ maw moo mba tar ləse. Ngaâ, maw moo kəsə ndoo lə Kristə mba Egilisi kə̂ to da-rɔɛ̂.

1 Tesalonisinyɛje 3:4

Kar kə̂ n-nayn rɔse tə̂ le, n-pa jarəse to ja kooje ndoo nya njaa. A nɛ̂n kə̂ n-pa le njaa tee arə sese kara ə-gərəje kə majɛ̂.

1 Timɔte 2:6

kə̂ unn rɔɛ̂ uka nɛ̂n dɔ dəwje tɔyn. Yeenn bba karɛ̂ asə a, Lubba dda nɛ̂ɛnn le ta tɔju to n̂-ndiki ta kaji dəwje tɔyn.

2 Timɔte 1:10

N̂-tɔju mə-maji laa le bbasinɛn ddəw tə̂ lə Nje-kajije Jeju-Kristə kə̂ ddee. Jeju njaa guru singa yo ngaâ tɔju təbbə kə̂ to kə ndɔ kə ndɔ kə ddaka ddəw Tar kə̂ Maji tə̂.

2 Timɔte 1:12

Gəle kə̂ nəənn le bba maw moo nɛ̂n ndoo. A rɔ-kule ddam ang, mba m-gərə dəw kə̂ munn məm marɛ̂ le kə majɛ̂ ngaâ m-gərə kə majɛ̂ to nee kə singa ta ngəm nɛ̂n kə̂ ninya mə jim tə̂ ndərəng ddutu ndɔ tə̂.

2 Timɔte 1:16

Maji karə Əbbə-dəwje oo kəm-to-ndoo lə njê kə̂ kə̂y lə Onejipɔr, mba n̂-dda narə minga singa kə ndɔ tɔyn ngaâ n̂-dda rɔ-kul mba kila kə̂ dilam kəy-kula tə̂ le ang.

2 Timɔte 2:3

Maji karə oo səm ndoo tokə nje-ddɔ lə Jeju-Kristə kə̂ tɔkɔrɔ njaa.

2 Timɔte 2:8

Ole məi dɔ Jeju-Kristə tə̂ kə̂ oy a, ndol. N̂-to ngonn-ka Dabbiti tokə Tar kə̂ Maji kə̂ maw mila mbəre le pa.

2 Timɔte 2:9

Tar kə̂ Maji le â moo ndoo mbɛɛ̂ ndərəng n̂-tɔm dilam kəy-kula tə̂ tokə lə nje-nɛ̂n-dda kə̂ maji ang. A tar lə Lubba â n̂-tɔ ang.

2 Timɔte 4:17

A Əbbə-dəwje njaa umanʼm ngaâ arəm singa, mba karə mila mbər tar laa nya marə dəwje ngaâ ta karə dəwje kə̂ toje to Jiipije ang kara tar laa oso mbide tə̂ tɔ ngaâ nɔrum ta ənam tə̂.

2 Timɔte 4:5

A əi, maji karə ə-gərə dɔ jii ddəw nɛ̂nje tə̂ tɔyn, ə-tɔ wuri mə nɛ̂n kəm-to-ndooje tə̂, ila mbər Tar kə̂ Maji. Ə-dda kula lə Lubba kə majɛ̂.

1 Piyɛr 1:5

sese kə̂ naw ngəmse ddəw singa-mɔngu tə̂ laa mba mə-kunn ləse karə ingaje kaji nəənn le. Ddutu ndɔje tə̂ a, nâ tɔju kaji kə̂ najise le kə ddaka karə dəwje tɔyn ooje.

1 Jan 4:14

Jooe kə kəmje ngaâ n-pa tar-naji laa jarə dəwje nan Lubba kə̂ Bɔ ula Ngonnɛ̂ to Nje-kaji-dəwje kə̂ duninya tə̂.

Judə 1:24

Maji karə piti, tɔkə-mbangə, singa-mɔngu kə kɔn-mbay to lə Lubba kə̂ kâra baa kə ndɔ kə ndɔ. Ne kə̂ narə Əbbəjeje Jeju-Kristə ajije, Ne kə̂ nasə ta ngəmje karə joso mə majang tə̂ ang, nâ dda karə jar nɔɛ̂n tə̂ kə nɛ̂n-yərəw kâra ang, a jar nɔɛ̂n tə̂ kə rɔ-nəəl ndɔ pitii tə̂ laa. Amɛnn!

Apokalisi 1:2

Jan pa tar-naji nɛ̂nje tɔyn kə̂ noo le. N̂-pa nan, nɛ̂n kə̂ noo le to tar lə Lubba njaa â Jeju-Kristə tee nɛ̂n kə ddaka.

Apokalisi 1:9

Əman ngokɔnse Jan, moo ndoo kə se kâra baa. Əman kə sese tɔyn n-ddeeje to dəwje kə̂ mə Bbe-kɔn tə̂ lə Jeju ngaâ jaw juwaje jarə ngəng ddəw tə̂ laa. Duwam dulam dɔ dərə-ba tə̂ kə̂ ria nan Patəmos mba tar lə Lubba kə̂ mila mbəre ddəm mba tar-naji lə Jeju kə̂ maw pa ddəm.

Apokalisi 12:11

A ngakɔnje le təteje kə ddɔ ddəw məsə Ngonn Batə tə̂ kə ddəw tar tə̂ lə Lubba kə̂ n̂-paje tar-najɛ̂. Kisi ləde kəm baa nəəlde ang ngaa arə yo â n̂-ndingaje.

Apokalisi 19:10

M-tee moso kɔ gɔlɛ̂ tə̂ ta pole, a n̂-pa narəm nan: «Ə-dda nɛ̂ɛnn ang! M-to nje-kula mari ddəm nje-kula mar ngakɔinje kə̂ aw ngəmje tar-najije lə Jeju ddəm. Lubba â maji karə ə-pole!» Tar-najije lə Jeju toje to tarje kə̂ ddeeje dɔ njê-kilaje mbər tarje tə̂ lə Lubba bba aw paje.