2 Timɔte 1:7 - Dɔnɔn kə̂ Siki: Tar kə̂ aw arə təbbə

⁷ Mba to Ndil bbəəl â Lubba arəje ang. To Ndil singa, ndiki kə tɔ bbo kə̂ da-rɔje tə̂.

Maketuru le Lubba ke tar kabba

⁷ Mba Ndil ke dda are n̂-bbel a Lubba areje ang. A Ndil le to Ndil ke areje singa, dda are n̂-ndikije ngamarejeje ngaa dda are n̂-gere dɔjije.

2 Timɔte 1:7 Iomraidhean Croise

Luku 10:19

Ooje: Marəse singa karə ə-njaje dɔ lije tə̂ ddəm dɔ nyije tə̂ ddəm dɔ singa-mɔngu tə̂ lə nje-baan tɔyn ddəm ngaâ marə nɛ̂n kâra kə̂ a kasə ta ddase maji ang goto.

Luku 15:17

Nəjə tar məɛ̂ tə̂ ngaâ n̂-pa nan: ‹Njê-kulaje tokə banya aw usaje nɛ̂n kə majɛ̂ kəy lə bɔmje, a əman, maw moy yo bbo lo tə̂ kə̂ nəənn wa?

Luku 24:49

Əman, mâ kula nɛ̂n kə̂ Bɔy unn ndue ta karəse le dɔse tə̂. Sese, maji karə ə-naynje Jerujalɛm nəənn ndərəng ndɔ kə̂ â kingaje nɛ̂n singa-mɔngu kə̂ in darâ.»

Luku 8:35

Dəwje awje ta koo nɛ̂n kə̂ to le. N̂-ddeeje rɔ Jeju tə̂ ngaâ dingaje dingaw kə̂ ndilje teeje məɛ̂ tə̂ kə ddang le, nisi nangə̂ kɔ gɔl Jeju tə̂. Kubbu to rɔ dingaw tə̂ le ddəm kəjə laa təl to kə majɛ̂ ddəm ngaâ bbəəl uta dɔde.

Tar kə̂ Maji kə̂ Jan dda makəturu tə̂ 14:27

«Marəse mə-wul-lɔm. Mə-wul-lɔm ləm njaa marəse. Marə mə-wul-lɔm le nayn kəse tokə mə-wul-lɔm lə dəwje kə duninya tə̂ ang. Əjəje tar ang ddəm arəje bbəəl ddase ang ddəm.

Kulaje 1:8

A, â kingaje singa-mɔngu ddəw tə̂ lə Ndil-mə-nda kə̂ a ddee dɔse tə̂. Ngaâ â təlje to njê-tar-najije ləm mə bbe tə̂ kə̂ Jerujalɛm, dɔ nangə Jude tə̂ tɔyn, dɔ nangə Samari tə̂, ndərəng kɔyn nangə tə̂ tɔyn.»

Kulaje 10:38

Ə-gərəje ddəw kə̂ Lubba ula nɛ̂n singa-mɔngu kə Ndil-mə-nda dɔ Jeju kə̂ Najarɛtə tə̂ kə majɛ̂. Narə n̂-dda maji kə dəwje tɔyn kə lo lo ddəm naji dəwje tɔyn kə̂ Əsu uwade bbərə tə̂ ddəm mba Lubba ee saa.

Kulaje 20:24

Moo təbbə ləm to nɛ̂n kəmʼm tə̂ ang. Nɛ̂n kə̂ m-ndiki njaa to ənga dda kula kə̂ Əbbə-dəwje Jeju inya jim tə̂ ndərəng kɔsu kɔnyɛ̂. Kula le to kula kila mbər Tar kə̂ Maji kə̂ to mə-maji lə Lubba.

Kulaje 21:13

A Pɔl ila tə̂ nan: «Mba ddi bba aw nɔnje ngaâ aw ddaje arə məm aw gangə maann wa? Bbo n̂-tɔm kə kula wase n̂-tɔləm Jerujalɛm mba ri Əbbə-dəwje Jeju njaa kara m-ndiki tə̂.»

Kulaje 26:11

Maw mandə kəy mbɔn-naan tə̂ tɔyn kə ndɔ ndɔ maw mula kəmde ndoo tə̂. Maw muwade kə singa marə n̂-tajije ri Jeju. Bbo wungu ɔnʼm nya a, m-ndole gode ndərəng dɔ bbe tə̂ kə̂ dang.»

Kulaje 26:25

A Pɔl pa nan: «Pestus, dəw kə̂ bo, mayn wooy ang. Tar kə̂ tɔkɔrɔ kə tar kəm-karɛ â maw pa.

Kulaje 6:8

Mə-maji lə Lubba kə singa-mɔngu laa to dɔ Etiyɛnn tə̂ arə n̂-dda nɛ̂n-mɔrije kə nɛ̂nje kə̂ dum dɔ koo dang dang horo dəwje tə̂.

Kulaje 9:22

A Sɔl le aw ubba singa kə kete kete ddəw tarje tə̂ kə̂ naw tɔju ngaâ Jiipije kə̂ Damas ooje tar kâra ta pa ang, kar tə̂ kə̂ naw pa kə ddaka nan Jeju to Kristə njaa le.

Rɔmɛnje 5:5

Məje kə̂ jundaje dɔ Lubba tə̂ le a dda karə rɔje wul ang, mba Lubba arə Ndil-mə-nda kə̂ narəje le ula ndiki laa məje tə̂ tokə bo.

Rɔmɛnje 8:15

Mba Ndil kə̂ Lubba arəse le to Ndil kə̂ aw ddase bbərə tə̂ ang ddəm aw ula bbəəl məse tə̂ ang ddəm. To Ndil-mə-nda kə̂ ddase to ngannje lə Lubba ngaâ arəje ddəw karə juru əkii kə rɔ Lubba tə̂ nan: «Aba! Bɔy!»

1 Kɔrɛntinyɛje 2:4

Tarje ləm kə nɛ̂n-tɔjuje ləm to tokə lə dəwje kə̂ aw unnje tar kəm-karɛ lə dəwje bba aw buje nɛ̂n njê-marədeje ang. Lubba â tɔju ddəw singa-mɔngu tə̂ lə Ndil-mə-nda to tarje ləm toje to tar kə̂ tɔkɔrɔ.

Galatəje 5:22

A nɛ̂nje kə̂ Ndil-mə-nda aw ddee nɛ̂n to: Ndiki naan, rɔ-nəəl, mə-wul-lɔm, tɔ-wur, mə-maji, dda maji kə dəwje, mə-kunn,

Kolosinyɛje 1:8

N̂-pa tar ndiki kə̂ Ndil-mə-nda ula məse tə̂ le narəje.

Ebərəje 2:15

nɔru dəwje kə̂ bbəəlje yo arə isije to bbərəje njaa nyɔm le kə ddang.

1 Piyɛr 1:22

Maji karə ə-ddaje nɛ̂n ddəw tar tə̂ kə̂ tɔkɔrɔ, arəje nɛ̂n-yərəw ɔruse ang mba ndiki nɛ̂n ngakɔnse tokə tɔkɔrɔ tə̂ njaa. Yeenn a, maji karə ə-ndikije naan kə mə-kâra kə ndɔ tɔyn.

1 Jan 4:18

Bbəəl goto mə dəw tə̂ kə̂ ndiki to məɛ̂ tə̂. A ndiki kə̂ tɔkɔrɔ tubba bbəəl mə dəw tə̂. Bbo bbəəl dda dəw a, tɔju to sariya to dɔɛ̂ tə̂. Dəw kə̂ bbəəl to məɛ̂ tə̂, ndiki laa to tɔyn ang.