2 Timɔte 1:14 - Dɔnɔn kə̂ Siki: Tar kə̂ aw arə təbbə

¹⁴ Maji karə ə-ngəm nɛ̂nje kə̂ maji kə̂ Lubba inya mə jii tə̂ le ddəw singa tə̂ lə Ndil-mə-nda kə̂ isi məje tə̂.

Maketuru le Lubba ke tar kabba

¹⁴ E-ngem ne-tɔju ke maji ke n̂-tɔji ddew singa te le Ndil-me-nda ke isi meje te.

2 Timɔte 1:14 Iomraidhean Croise

Luku 16:11

Bbo nɛ̂n-kingaje kə̂ nangə̂ nəənn le ə-ddaje nɛ̂n nɛ̂n kə dɔgɔlɛ̂ ang a, nân a kinya yeje kə̂ tɔkɔrɔ jise tə̂ wa?

Tar kə̂ Maji kə̂ Jan dda makəturu tə̂ 14:17

To Ndil tar kə̂ tɔkɔrɔ. Dəwje kə̂ duninya tə̂ nəənn asəje ta tɛɛ̂je məde tə̂ ang, mba dooeje ang ddəm n̂-gəreje ang ddəm. A sese, ə-gəreje, mba nee mbɔrse tə̂ ngaâ nâ to məse tə̂ kə ndɔ tɔyn.

Rɔmɛnje 3:2

Nɛ̂n kə̂ maji to mə nɛ̂nje tə̂ nya njaa. Dɔngɔr njaa kara, Jiipije â Lubba inya tarje laa mə jide tə̂.

Rɔmɛnje 8:11

Bbo Ndil lə Lubba kə̂ ndol Jeju kə̂ oy le dda bbe məse tə̂ a, da-rɔse le a koy njaa. A Lubba kə̂ ndol Kristə kə̂ oy le a karə təbbə da-rɔse le ddəw Ndil tə̂ laa kə̂ dda bbe məse tə̂.

Rɔmɛnje 8:13

Mba bbo ə-njaje ddəw da-rɔ tə̂ a, â koyje. A bbo ə-njaje ddəw tə̂ lə Ndil-mə-nda ngaâ arəje nɛ̂n-ddaje kə̂ maji ang kə̂ rɔse tə̂ oyje a, â kisije kə təbbə.

Rɔmɛnje 8:9

A sese, aw njaje ddəw bbo tə̂ kə̂ da-rɔse tə̂ ang. Aw njaje ddəw tə̂ lə Ndil-mə-nda, mba Ndil lə Lubba dda bbe məse tə̂. Dəw kə̂ Ndil lə Kristə to məɛ̂ tə̂ ang, to dəw laa ang.

1 Kɔrɛntinyɛje 3:16

Ə-gərəje ang wa? Ə-toje to kəy-polo Lubba ngaâ Ndil lə Lubba isi məse tə̂.

1 Kɔrɛntinyɛje 6:19

Wase ə-gərəje ang wa? Da-rɔse to kəy-to Ndil-mə-nda kə̂ to rɔse tə̂. Ndil-mə-nda kə̂ in rɔ Lubba tə̂. Da-rɔse to ləse njaa ang.

1 Kɔrɛntinyɛje 9:17

Bbo əman njaa m-dda kula le kə dɔm baa a, asə karə minga kuka ləm. A to kula kə̂ darəm kə singa arə maw dda to kula kə̂ dinya to kinya jim tə̂.

2 Kɔrɛntinyɛje 5:16

Mba yeenn bba, bbasinɛn nəənn jaw joo dəw kə kəm kə̂ to dang kə kəm kə̂ jooe nɛ̂n ddəw da-rɔ tə̂ ngaa. Bbo ləw, jaw joo Kristə ddəw da-rɔ tə̂ a, bbasinɛn nəənn, jaw jooe tokə baann ang ngaa.

Galatəje 2:7

A dooje a, n̂-gərəje to Lubba inya Tar kə̂ Maji le jim tə̂ karə mila mbəre marə dəwje kə̂ ujaje ganja ang, tokə ninya ji Piyɛr tə̂ karə ila mbəre arə dəwje kə̂ ujaje ganja le.

Epɛjinyɛje 2:22

Ddəw mə-kâra tə̂ kə̂ ə-ddaje kə Kristə le â, sese kə kəseje ə-ddeeje tokə kəy lə Lubba kə̂ Ndil-mə-nda isi məɛ tə̂.

Epɛjinyɛje 5:18

Ayje koto arə ddase ang. Mba koto aw kə dəw arə tuju. A arəje Ndil â ddususe.

Kolosinyɛje 4:11

Jeju, kə̂ daw bbarɛ̂ nan Justus ddase lapiya tɔ. Horo Jiipije tə̂ tɔyn kə̂ ooje məde tə̂ kə Jeju, dede kə̂ mota nəənn le â daw dumanʼmje kula tə̂ mba Bbe-kɔn lə Lubba. Dede â minga nɛ̂n singa.

1 Tesalonisinyɛje 5:19

Maji karə ɔkuje ddəw Ndil-mə-nda karə dda kula ang.

1 Timɔte 1:11

Nɛ̂n-tɔju kə̂ tɔkɔrɔ le to mə Tar kə̂ Maji tə̂, Tar kə̂ Maji le arəje ddəw karə n-gərə Lubba kə̂ piti to laa. Lubba kə̂ ndiki ta karə jisi kə majɛ̂ le njaa inya Tar kə̂ Maji le jim tə̂.

1 Timɔte 6:20

Timɔte, maji karə ə-ngəm nɛ̂n kə̂ Lubba inya mə jii tə̂ le kə majɛ̂. Ə-mbətə bulaje kə̂ baa baa kə̂ aw tila kəm tar lə Lubba. Nɛ̂njeenn le inje ddəw nɛ̂n-gərə tə̂ kə̂ dəwje ooje to nɛ̂n-gərə kə̂ tɔkɔrɔ.

2 Timɔte 1:12

Gəle kə̂ nəənn le bba maw moo nɛ̂n ndoo. A rɔ-kule ddam ang, mba m-gərə dəw kə̂ munn məm marɛ̂ le kə majɛ̂ ngaâ m-gərə kə majɛ̂ to nee kə singa ta ngəm nɛ̂n kə̂ ninya mə jim tə̂ ndərəng ddutu ndɔ tə̂.

2 Timɔte 2:2

Tar kə̂ tee tam tə̂ kəm njê-tar-najije tə̂ kə̂ banya le, ə-pa arə njê-mə-kunnje kə̂ unda məi dɔde tə̂, karə dede njaa kara dasəje ta pa karə marə dəwje kə kete tɔ.

1 Piyɛr 1:22

Maji karə ə-ddaje nɛ̂n ddəw tar tə̂ kə̂ tɔkɔrɔ, arəje nɛ̂n-yərəw ɔruse ang mba ndiki nɛ̂n ngakɔnse tokə tɔkɔrɔ tə̂ njaa. Yeenn a, maji karə ə-ndikije naan kə mə-kâra kə ndɔ tɔyn.