2 Timɔte 1:13 - Dɔnɔn kə̂ Siki: Tar kə̂ aw arə təbbə

¹³ Maji karə tar kə̂ tɔkɔrɔ kə̂ m-pa mari le unn to nɛ̂n-ndaji. Ə-dda nɛ̂ɛnn le ddəw mə-kunn tə̂ kə ndiki ddəw mə-kâra tə̂ kə̂ n-dda kə Jeju-Kristə.

Maketuru le Lubba ke tar kabba

¹³ E-nja turu ndu te ke tɔkɔrɔ ke m-pa mari ddew me-kunn te, ddew ndiki te ke e-ndikije naa ddew te le Jeju Kiriste.

2 Timɔte 1:13 Iomraidhean Croise

Rɔmɛnje 2:20

Oo rɔi to nje-tɔju nɛ̂n dəwje kə̂ gərəje nɛ̂n ang ddəm nje-tɔju nɛ̂n ngannje kə̂ ngaji ddəm. Tɔkɔrɔ oo to Ndu unn ddəw arə ə-gərə nɛ̂n ddəm ə-gərə tar kə̂ tɔkɔrɔ ddəm mban.

Rɔmɛnje 6:17

A wooyo arə Lubba, mba sese kə̂ ləw ə-toje to bbərəje lə majang le bbasinɛn ə-ddaje kula kə mə-kâra ddəw nɛ̂n-tɔju tə̂ kə̂ maji kə̂ n̂-tɔjuse.

Pilipinyɛje 1:27

A maji karə pa-nja ləse dda mə-kâra kə Tar kə̂ Maji lə Kristə le. Baann bba karə bbo m-ddee ta koose wase mee horose tə̂ ang njaa kara, moo tamse. Maji karə dəwje paje arəm nan aw uwaje arəje ngəng ddəw kəjə tə̂ kə kâra baa. Ngaâ məse to kâra baa bba aw ddaje nɛ̂n ddɔ tokə dəwje kə̂ kâra baa, mba mə-kunn kə̂ ddee ddəw Tar tə̂ kə̂ Maji le.

Pilipinyɛje 4:9

Nɛ̂n kə̂ m-ndose, nɛ̂n kə̂ ingaje wase nɛ̂n kə̂ m-dda kə̂ ooje tarɛ̂ kə mbise ddəm kəmse ddəm le, maji karə ə-ddaje. Lubba kə̂ Nje-mə-wul-lɔm a nayn kə se.

Kolosinyɛje 1:4

Joo tar məse kə̂ unnje arəje Jeju-Kristə kə tar ndiki kə̂ aw ndikije dəwje lə Lubba tɔyn le.

1 Tesalonisinyɛje 5:21

Nɛ̂nje tɔyn njaa, maji karə ə-tənnje kə majɛ̂ ooje bba ta ə-ngəmje yeje kə̂ maji.

1 Timɔte 1:10

njê-ddaje lo-to-majang kə dingawje kə̂ aw toje kə dingaw marədeje kə njê-labbəje dəwje to bbərəje kə njê-ngəmje, njê kə̂ aw undaje-yo baa wase dəwje kə̂ ddaje nɛ̂n tɔyn kə̂ to dang kə nɛ̂n-tɔju kə̂ tɔkɔrɔ.

1 Timɔte 1:14

A Əbbəjeje Lubba dda səm mə-maji kə̂ bo nya. Narə moo məm tə̂ ngaâ narə m-ndiki ngamarəmje ddəw mə-kâra tə̂ kə̂ m-dda kə Jeju-Kristə le.

1 Timɔte 6:3

Bbo dəw tɔju nɛ̂nje kə̂ to kə dɔgɔlɛ̂ ang kə̂ to dang kə tarje lə Əbbəjeje Jeju-Kristə kə̂ to tar kə tɔkɔrɔ le ddəm to dang kə tar mə-kunn a,

2 Timɔte 1:1

Əman Pɔl, m-to nje-kaw-kula lə Jeju-Kristə, mba Lubba njaa ndiki tə̂ ngaâ bbarəm karə mila mbər tar təbbə kə̂ nunn ndue ta karə dəwje ddəw tə̂ lə Jeju-Kristə.

2 Timɔte 1:14

Maji karə ə-ngəm nɛ̂nje kə̂ maji kə̂ Lubba inya mə jii tə̂ le ddəw singa tə̂ lə Ndil-mə-nda kə̂ isi məje tə̂.

2 Timɔte 2:2

Tar kə̂ tee tam tə̂ kəm njê-tar-najije tə̂ kə̂ banya le, ə-pa arə njê-mə-kunnje kə̂ unda məi dɔde tə̂, karə dede njaa kara dasəje ta pa karə marə dəwje kə kete tɔ.

2 Timɔte 3:14

A əi, maji karə nɛ̂n kə̂ n̂-tɔji ngaâ oo a, to tɔkɔrɔ bba ə-ndiki tə̂ le uwa arə ngəng, mba ə-gərə dəwje kə̂ tɔjije nɛ̂n le kə majɛ̂.

2 Timɔte 4:3

Mba marə kar aw ddee, karɛ̂ tə̂ənn le, nɛ̂n-tɔju kə̂ maji tɔyn a nəəl dəwje ang ngaa. Dâ kaaje lo kə bbo kə̂ da-rɔde tə̂, bbo koo tar kə̂ məde ndiki ta koo â a ddade kə ndɔ tɔyn ngaâ dâ bbarje njê-nɛ̂n-tɔjuje kə dɔ naan tə̂ dɔ naan tə̂.

Titə 1:9

Maji karə n̂-nayn ddəw tar kə̂ tɔkɔrɔ tə̂ tokə ye kə̂ n̂-tɔjɛ̂ le njaa. Yeenn bba nâ kasə dda karə dəwje ubbaje singa ddəw nɛ̂n-tɔju tə̂ kə̂ maji tɔyn ngaâ dəwje kə̂ aw mbətəje nɛ̂n-tɔju laa, nâ kasə ta tɔjude nɛ̂n kə̂ ulade naan tə̂ le.

Titə 2:1

A əi Titə, maji karə ə-tɔju nɛ̂n kə̂ to ddəw kâra baa kə nɛ̂n-tɔju kə̂ to gatə gatə.

Titə 2:8

Maji karə tar-pa ləi to kə ddəwe bba karə dəw asə mayn səi ang. Baann bba karə rɔ-kul dda njê-baanje ləje, mba dâ kingaje marə nɛ̂n kə̂ maji ang tɛn ta pa dɔje tə̂ ang.

Ebərəje 10:23

Maji karə nɛ̂n kə̂ jundaje məje dɔɛ̂ tə̂ ngaâ jaw paje tarɛ̂ kə ddaka le jinyaje ddəwe ang. Mba Lubba kə̂ unn ndue le aw turu ndue ndɔ kâra ang.

Ebərəje 3:6

A bbasinɛn, Kristə dda kula kə dɔgɔlɛ̂ to Ngonn lə Lubba njaa kə̂ undɛ̂ karə ɔn dɔ kəy laa. Jeje, bbo n-naynje jaw jundaje məje dɔ nɛ̂n tə̂ kə̂ jaw nginanje ngaâ jaw ddaje nɛ̂n rɔ-nəəl le a, n-toje to kəy lə Lubba njaa.

Ebərəje 4:14

Tɔkə nje-polo Lubba ləje to. Ne kə̂ nuta kəseje tɔyn, kə̂ naw ndərəng n̂-tee nɔn Lubba tə̂ darâ: To Jeju Ngonn lə Lubba. Yeenn bba joo nɛ̂n məje tə̂ mban arə maji karə juwaje jarə ngəng.

Judə 1:3

Ngakɔnʼmje, m-ndiki nya ta dda makəturu karəse ɔju dɔ kaji kə̂ Lubba ajije tɔyn kâra baa. A bbasinɛn, moo maji ta kula kə makəturu nəənn mba karə arəse singa, karə ə-ddaje ddɔ mba ngəm nɛ̂n tar mə-kunn kə̂ Lubba arəje nyɔm le.

Apokalisi 2:25

A maji karə uwaje arə ngəng ndərəng ndɔ kə̂ mâ ddee nɛ̂n.

Apokalisi 3:11

Maw ddee bbasinɛn baa. Maji karə uwa nɛ̂n kə̂ ee nɛ̂n le arə ngəng nan karə marə dəw in taa əjɔkudɔ ləi jii tə̂.

Apokalisi 3:3

Maji karə ole məi dɔ tar tə̂ kə̂ n̂-pa darəse kə gusu kə̂ ooje nɛ̂n tar le. Ə-ngəm tar le ta ə-turu məi. Bbo ə-ndol ang a, mâ ddee kuwai dɔ jii tə̂ tokə lə nje-bboko. Â gərə gɔl kar kə̂ mâ ddee kɔsi nɛ̂n busu ang.