2 Timɔte 1:10 - Dɔnɔn kə̂ Siki: Tar kə̂ aw arə təbbə

¹⁰ N̂-tɔju mə-maji laa le bbasinɛn ddəw tə̂ lə Nje-kajije Jeju-Kristə kə̂ ddee. Jeju njaa guru singa yo ngaâ tɔju təbbə kə̂ to kə ndɔ kə ndɔ kə ddaka ddəw Tar kə̂ Maji tə̂.

Maketuru le Lubba ke tar kabba

¹⁰ N̂-tɔju me-maji laa le bbasine ddew te le Nje-kajije Jeju Kiriste ke ddee. Jeju njaa guru singa yo ngaa n̂-tɔju tebbe ke to ke ndɔ ke ndɔ ke ddaka ddew te le Tar ke maji.

2 Timɔte 1:10 Iomraidhean Croise

Luku 11:36

Bbo da-rɔi tɔyn njaa to dann lo-karɛ tə̂ ngaâ marə dəbbe ngaji to lo ndul tə̂ ang a, da-rɔi tɔyn a to dann lo-karɛ tə̂ tokə lə lambe kə̂ uru ndoko laa dɔi tə̂.»

Luku 13:7

N̂-pa narə nje-kula laa nan: ‹Dda bbal mota ngaa kə̂ m-ddee ta kuja kandə pigə nəənn a, minga ang. Ə-tukɛ̂ kə ddang nan naw taa lo baa.›

Luku 2:11

Bbokənɛn, duju Nje-kaji-dəwje darəse bbe tə̂ lə Dabbiti, n̂-to Kristə, Əbbə-dəwje.

Tar kə̂ Maji kə̂ Jan dda makəturu tə̂ 1:9

Tar le to lo-karɛ kə̂ tɔkɔrɔ. N̂-ddee dɔ nangə tə̂ ngaâ n̂-ndoko dɔ dəwje tə̂ tɔyn.

Tar kə̂ Maji kə̂ Jan dda makəturu tə̂ 14:6

Jeju ilɛ̂ tə̂ nan: «M-to ddəw, m-to tar kə̂ tɔkɔrɔ, m-to təbbə. Dəw kâra a kasə tee rɔ Bɔ tə̂ kə ddəw kə̂ dang ang, ddəw tə̂ ləm kâra baa.

Tar kə̂ Maji kə̂ Jan dda makəturu tə̂ 20:31

A n̂-dda nɛ̂nje nəənn makəturu tə̂ karə ooje nɛ̂n məse tə̂ to Jeju to Kristə, Ngonn lə Lubba. A bbo ooje məse tə̂ a, â kisije kə təbbə ddəw tə̂ laa.

Tar kə̂ Maji kə̂ Jan dda makəturu tə̂ 4:42

Ngaâ, n̂-paje darəje dɛnɛ̂n le nan: «Bbasinɛn, joo məje tə̂ saa mba tarje ləi kə̂ ə-pa le njaa ang ngaa. Joo məje tə̂ mba jeje njaa joo tarje kə̂ tɛɛ̂ tə̂ ngaâ n-gərə to, ne njaa n̂-to Nje-kaji-dəwje kə̂ duninya tə̂.»

Tar kə̂ Maji kə̂ Jan dda makəturu tə̂ 5:40

A ə-ndikije ta ddee rɔm tə̂ ta kinga təbbə kə̂ tɔkɔrɔ ang.

Kulaje 13:23

Mə nuju tə̂ lə Dabbiti â duju Jeju kə̂ to Nje-kaji-dəwje kə̂ Ijarayɛl tə̂, ddəw kâra baa kə ndu Lubba kə̂ unn.

Kulaje 5:31

Lubba le unnɛ̂ undɛ̂ dɔ ji-kɔlɛ̂ tə̂ to mbay ddəm Nje-kaji-dəwje ddəm. Baann bba karə ngann Ijarayɛlje ingaje ddəw ta turu məde ddəm karə tar majang ləde ɔru dɔde tə̂ ddəm.

Rɔmɛnje 16:26

Nɛ̂n kə̂ to lo-kiyɛ̂ tə̂ le bbasinɛn tee lo-karɛ tə̂ ddəw makəturuje tə̂ lə njê-kilaje mbər tar lə Lubba. Lubba kə̂ nje-kisi kə ndɔ kə ndɔ unn ndu tokə baann karə gəl-dəwje tɔyn ooje məde tə̂ saa ngaâ ooje tɛɛ̂.

Rɔmɛnje 2:7

Marə dəwje sangəje ddəw ta dda maji kə ndɔ tɔyn mba karə Lubba pitide, karə n̂-walde ngaâ karə narəde təbbə kə̂ a tuju ang. Lubba a karəde təbbə kə̂ to kə ndɔ kə ndɔ.

Rɔmɛnje 3:31

Yeenn a, bbo jooje məje tə̂ a, Ndu ddee to marə nɛ̂n ang ngaa wa? Baann ang. Yeenn dda arə Ndu təl ddee to nɛ̂n kə̂ maji nya kəm dəwje tə̂.

Rɔmɛnje 6:6

N-gərəje kə majɛ̂ to da-rɔ nɛ̂n-dda kə̂ maji ang le oy kə Kristə dɔ kakə-dəsə tə̂ mban. Yeenn a, bbo kə̂ da-rɔje tə̂ oy mban ngaa arə ja naynje to bbərəje le majang ang ngaa.

1 Kɔrɛntinyɛje 15:26

Yo a to dɔbɔyn nje-baan kə̂ nâ tuje.

1 Kɔrɛntinyɛje 4:5

Yeenn a, ə-gangəje sariya dɔ dəw tə̂ kete bba karə ndɔɛ̂ asə ang. N-nginanje ndɔ təl lə Əbbə-dəwje. Ne â nâ tee kə nɛ̂n kə̂ iya rɔɛ̂ lo ndul tə̂ kə ddaka ngaâ nâ tɔju kəjəje kə̂ mə dəwje tə̂ kə ddaka. Baann bba dəw kâra kâra a kinga piti kə̂ asə kəm kula laa ji Lubba tə̂.

2 Kɔrɛntinyɛje 5:4

Mba, kar tə̂ kə̂ n-naynje mə da-rɔ tə̂ nəənn kə̂ to kəy-kam bbay le, jaw sɔmje tokə nɛ̂n-koto â aw ɔɔyje nya. A n-ndiki ta kɔru da-rɔje kə̂ nangə̂ nəənn le kə ddang ang. N-ndiki ta kula marɛ̂ dɔɛ tə̂, karə təbbə taa turu nɛ̂n kə̂ a ta koy to koy le.

Galatəje 5:4

Sese kə̂ aw sangəje ta ddee gatə gatə kəm Lubba tə̂ ddəw Ndu tə̂ le ə-tinje naan kə Kristə mban. Mə-maji lə Lubba to mbase ang ngaa.

Epɛjinyɛje 1:18

M-duju karə Lubba ɔru kəmse arə ə-gərəje nɛ̂n kə̂ aw undaje məse dɔɛ tə̂, kə̂ n̂-bbarse mbɛɛ̂ le karə ə-gərəje nɛ̂n-kingaje kə̂ to nɛ̂n piti kə̂ narə dəwje laa ingaje, sese ddəm njê-mə-kunnje ddəm.

Epɛjinyɛje 1:9

Narə n-gərə nɛ̂n kə̂ nayn lo-kiyɛ̂ tə̂ kə̂ n̂-gɔl ta dda kə mə-maji laa njaa baa le ddəw tə̂ lə Kristə.

2 Tesalonisinyɛje 2:8

Yeenn ngaâ nâ tɔju rɔɛ̂ kə ddaka ngaâ Əbbə-dəwje Jeju a tɔlɛ̂ kə ləl tɛɛ̂, nâ tuje kə ndoko laa kə̂ nâ ddee nɛ̂n.

2 Timɔte 1:1

Əman Pɔl, m-to nje-kaw-kula lə Jeju-Kristə, mba Lubba njaa ndiki tə̂ ngaâ bbarəm karə mila mbər tar təbbə kə̂ nunn ndue ta karə dəwje ddəw tə̂ lə Jeju-Kristə.

2 Timɔte 1:8

Yeenn bba, maji karə ə-dda rɔ-kul ta pa tar-naji lə Əbbə-dəwje karə dəwje ang ddəm ə-dda rɔ-kul ləm, əman kə̂ dilam kəy-kula tə̂ mbɛɛ̂ le ang ddəm. A maji karə oo səm ndoo mba Tar kə̂ Maji ddəw singa tə̂ kə̂ Lubba arəje.

2 Timɔte 4:1

Maw duji kəm Lubba tə̂ kə kəm Jeju-Kristə tə̂ kə̂ a gangə sariya dɔ dəwje tə̂ kə̂ isije kəm baa ddəm dəwje tə̂ kə̂ oyje ddəm, maw duji kə ri Kristə kə̂ a təl ddee kɔn-mbay,

2 Timɔte 4:8

Bbasinɛn, Lubba ngəm nɛ̂n kə̂ maji mbam to kuka ləm, nɛ̂n kə̂ maji kə̂ to mba dəwje kə̂ gatə gatə. Əbbə-dəwje kə̂ to nje-gangə sariya kə̂ gatə gatə a karəm nɛ̂n kə̂ maji le ndɔ gangə sariya tə̂. Nâ karəm kə karəm baa ang, nâ karə dəwje tɔyn kə̂ aw ndikije tar ddee laa le tɔ.

Titə 2:11

Mba Lubba tɔju mə-maji laa kə̂ to ddəw kə̂ dəwje tɔyn asəje ta kinga nɛ̂n kaji.

Titə 2:13

N-ddaje tokə baann n-nginanje nɛ̂n ndɔ kisi kə rɔ-nəəl ləje kə̂ jundaje məje dɔɛ̂ tə̂ le. To ndɔ kə̂ tɔkə Lubba ləje kə̂ to Nje-kajije Jeju-Kristə a ddee kə piti laa.

Titə 3:4

A kar tə̂ kə̂ Lubba kə̂ to Nje-kajije tɔju maji laa kə ndiki kə̂ n̂-ndiki dəwje a,

Ebərəje 10:32

A maji karə oleje məse dɔ nɛ̂n tə̂ kə̂ ingase ləw. Go kəmse tə̂ kə̂ Lubba dda arə uja le, ə-maanje gɔlse nangə̂ ə-ddaje nɛ̂n ddɔ arəje ngəng.

2 Piyɛr 1:1

Əman Simɔn Piyɛr kə̂ m-to bbərə-kula lə Jeju-Kristə ddəm nje-kaw-kula lə Jeju-Kristə ddəm m-dda makəturu nəənn marə dəwje kə̂ ingaje mə-kunn kə̂ ngəng kə̂ kâra baa kə̂ jinga le. Dingaje mə-kunn le ddəw nɛ̂n-dda tə̂ kə̂ gatə gatə lə Jeju-Kristə kə̂ to Lubba ləje ddəm Nje-kajije ddəm.

2 Piyɛr 1:11

Baann bba Lubba a kɔru ddəw karə tatə karə andəje nɛ̂n mə Bbe-kɔn tə̂ kə̂ a to kə bbal kə bbal, kə̂ to Bbe-kɔn lə Jeju-Kristə kə̂ to Əbbəjeje ddəm Nje-kajije ddəm.

2 Piyɛr 1:3

Ddəw singa-mɔngu tə̂ lə Lubba, Lubba le arəje nɛ̂n tɔyn karə n-naynje nɛ̂n kəm baa bba karə junn rɔje jarɛ̂. Narə n-gəre ne kə̂ n̂-bbarje karə jinga piti laa ddəm n-dda nɛ̂n-ddaje laa kə̂ maji ddəm.

2 Piyɛr 2:20

Dəwje kə̂ gərəje Jeju-Kristə kə̂ to Əbbəjeje ddəm Nje-kajije ddəm teeje mə nɛ̂n-yərəwje tə̂ kə̂ duninya tə̂ nəənn kə ddang ngaa. A bbo n̂-təlje dulaje rɔde mə nɛ̂n-yərəw tə̂ le bbay darə taa singade a, kisi ləde kə̂ guku a maji ang kuta ye kə̂ kete bbay.

2 Piyɛr 3:18

A maji karə ə-sangəje kə kete kete ddəw mə-maji tə̂ lə Əbbəjeje kə̂ Nje-kajije Jeju-Kristə ddəm ddəw gərə tə̂ kə̂ ə-gəreje ddəm. Maji karə piti to laa, bbasinɛn nəənn nyɔm kə ləw. Amɛnn!

2 Piyɛr 3:2

Maji karə oleje məse dɔ tarje tə̂ lə njê-kilaje mbər tar lə Lubba kə̂ unnje rɔde tɔyn arɛ̂je, oleje məse dɔ ndu tə̂ kə̂ Əbbə-dəwje kə̂ to Nje-kaji-dəwje unn ngaâ njê-kaw-kulaje pa arəse le.

1 Jan 1:2

Mba təbbə le tɔju rɔɛ̂ kə ddaka ngaâ jooe. N-to njê-pa tar-naji lə təbbə le ngaâ jaw jila mbər tar təbbə kə̂ to kə ndɔ kə ndɔ le jarəse. Təbbə kə̂ to kə ndɔ kə ndɔ le to mbɔr Bɔ tə̂ ləw ngaâ n̂-tɔjɛ̂ kə ddaka narəje.

1 Jan 4:14

Jooe kə kəmje ngaâ n-pa tar-naji laa jarə dəwje nan Lubba kə̂ Bɔ ula Ngonnɛ̂ to Nje-kaji-dəwje kə̂ duninya tə̂.

Apokalisi 18:1

Goe tə̂ a, moo marə anjə dang in darâ aw ddisi. Nee kə singa kə̂ ngəng ngaâ ndoko laa uru dɔ nangə tə̂.

Apokalisi 2:7

«Dəw kə̂ mbia to a, maji karə oo tar kə̂ Ndil-mə-nda pa arə Egilisije. «Dəw kə̂ tətə ddɔ a, mâ karɛ̂ kandə kakə kə̂ aw arə dəw təbbə karə nusa. Kakə le to mə paradis tə̂ lə Lubba.»

Apokalisi 20:14

Goe tə̂ a, dungu yo kə lo lə dəwje kə̂ oyje le mə ndakə puru tə̂. Ndakə puru le to yo kə̂ gɔl joo laa.

Apokalisi 22:14

Maji arəde, de dəwje kə̂ daw tokoje kubbuje ləde, ta kinga ddəw kusa kandə kakə kə̂ aw arə dəw təbbə ddəm ta kandə kə ta-ndoko mə bbe tə̂ le ddəm.

Apokalisi 22:17

Ndil de kə dɛnɛ̂n kə̂ nje-ngaw le n̂-paje nan: «Ə-ddee!» Maji karə dəw kə̂ oo tar nəənn pa tɔ nan: «Ə-ddee!» Maji karə dəw kə̂ kunda ɔɛ̂n ddee. Dəw kə̂ ndiki a, taa maann kə̂ aw arə təbbə dəw le baa njaa ay!