2 Kɔrɛntinyɛje 9:2 - Dɔnɔn kə̂ Siki: Tar kə̂ aw arə təbbə

² M-gərə kəjə kə̂ maji kə̂ to məse tə̂ arə maw munda nɛ̂n gum marə dəwje kə̂ Maseduwann, m-pa nan, kaal baa njaa, Egilisije kə̂ Akay gɔlje rɔde ta karə nɛ̂n. Ngaâ bbo karə nɛ̂n kə̂ to məse tə̂ le dda arə nya lə Egilisije ddaje bbo ta karə nɛ̂n tɔ.

2 Kɔrɛntinyɛje 9:2 Iomraidhean Croise

Kulaje 18:12

Bbal tə̂ kə̂ Galiyɔn to ngonn mbay kə̂ Akay, Jiipije ooje ta naan ngaâ mbətəje Pɔl. Dawje saa lo gangə sariya tə̂.

Kulaje 24:17

«M-tee Jerujalɛm ang bbal banya nya. Yeenn bba m-ddee ta karə nɛ̂n mba kuman nɛ̂n dəwje kə̂ mə bbe tə̂ le ddəm ta karə nɛ̂n-polo Lubba ddəm.

Rɔmɛnje 15:26

Mba njê-mə-kunnje kə̂ Maseduwann ddəm njê kə̂ Akay ddəm ndikije ta mbɔn nɛ̂n kuman nɛ̂n njê-mə-kunnje kə̂ Jerujalɛm kə̂ toje to njê-ndooje.

1 Kɔrɛntinyɛje 16:15

Ngakɔnʼmje, ə-gərəje to Ɛstepanas de kə njê kə̂ kə̂y laa n̂-toje to dəwje kə̂ Akay kə̂ dɔngɔr kə̂ ooje məde tə̂ ngaâ dumanje njê-mə-kunnje nya.

2 Kɔrɛntinyɛje 1:1

Əman Pɔl kə̂ Lubba ndiki tə̂ karə m-ddee to nje-kaw-kula lə Jeju-Kristə, əman kə ngokɔnje Timɔte, n-dda makəturu nəənn jarə Egilisi lə Lubba kə̂ to Kɔrɛntə ddəm jarə dəwje lə Lubba kə̂ isije nangə tə̂ kə̂ Akay tɔyn ddəm.

2 Kɔrɛntinyɛje 7:14

Mba gum kə̂ munda ngaji mbase kəmɛ̂ tə̂ le təl to nɛ̂n-rɔ-kul ləm ang. Jeje jaw pa tar kə̂ tɔkɔrɔ kə ndɔ tɔyn jarəse, yeenn bba guje kə̂ jaw junda mbase kəm Titə tə̂ le ddee to nɛ̂n kə̂ to kə dɔgɔlɛ̂ njaa.

2 Kɔrɛntinyɛje 7:4

Munda məm tɔyn kə dɔse tə̂. Maw munda gum mbase nya. Wurum oso pɔn ddəm maw minga rɔ-nəəl nya ddəm mə nɛ̂n kəm-to-ndooje tə̂ ləje.

2 Kɔrɛntinyɛje 8:10

M-ndiki ta pa kəjə ləm kə̂ dɔ tar tə̂ nəənn. To tar kə̂ a ddase maji. Kaal nɛ̂n, sese â ə-toje to dəwje kə̂ dɔngɔr kə̂ ndikije ta mbɔn nɛ̂n ngaâ ə-toje to dəwje kə̂ dɔngɔr kə̂ mbɔnje nɛ̂n le.

2 Kɔrɛntinyɛje 8:11

Yeenn a, bbasinɛn nəənn maji karə ə-ddaje kula nəənn le ə-tungaje. Maji karə bbo kə̂ to məse tə̂ ta dda nɛ̂n nəənn le njaa ə-ddaje nɛ̂n kula le ə-tungaje. Ə-ddaje arə asə guse.

2 Kɔrɛntinyɛje 8:19

Uta tɔyn, Egilisije â unnɛ̂ karə naw kə je nja tə̂ ləje, karə n-dda kula mə-maji nəənn. To kula kə̂ darəje n-dda karə arə piti Əbbə-dəwje njaa ddəm karə tɔju kəjə ləje kə̂ maji ddəm.

2 Kɔrɛntinyɛje 8:24

Yeenn bba, maji karə ə-tɔjuje ndiki kə̂ ə-ndikijede kəm Egilisije tə̂, karə n̂-gərəje to guje kə̂ jaw junda mbase le to kə ddəwe.

2 Kɔrɛntinyɛje 8:8

To ndu â munn marəse ang. Â bbo m-pa tar bbo dda kula kə̂ to mə marə dəwje marəse a, yeenn to ddəw â marəse karə sese kara ə-tɔjuje ndiki ləse kə̂ tɔkɔrɔ kə ddaka.

1 Tesalonisinyɛje 1:7

Yeenn a, ə-ddeeje to nɛ̂n-kɔju-marɛ̂ lə njê-mə-kunnje kə̂ Maseduwann kə lə njê kə̂ Akay tɔyn.

Ebərəje 10:24

Maji karə jundaje kəmje dɔ naan tə̂, jarə ndiki to məje tə̂ ddəm n-ddaje nɛ̂nje kə̂ maji ddəm.