2 Kɔrɛntinyɛje 9:1 - Dɔnɔn kə̂ Siki: Tar kə̂ aw arə təbbə

¹ Nɛ̂n kə̂ ta kuman nɛ̂n dəwje lə Lubba le, to marə nɛ̂n kə̂ ta dda makəturu to dda mbɛɛ̂ karəse ang.

2 Kɔrɛntinyɛje 9:1 Iomraidhean Croise

Matiye 22:31

A tar kə̂ ɔju dɔ ndol lə dəwje kə̂ oyje le, ə-turaje tar kə̂ Lubba pa arəse ang wa? N̂-pa nan:

Kulaje 24:17

«M-tee Jerujalɛm ang bbal banya nya. Yeenn bba m-ddee ta karə nɛ̂n mba kuman nɛ̂n dəwje kə̂ mə bbe tə̂ le ddəm ta karə nɛ̂n-polo Lubba ddəm.

Rɔmɛnje 11:28

Jiipije toje to njê-baanje lə Lubba, mba n̂-mbətəje Tar kə̂ Maji. Baann bba karə Lubba dda mə-maji kə see dəwje kə̂ ə-toje to Jiipije ang. A Lubba mbərə Jiipije to dəwje laa ngaâ naw ndikide ɔju dɔ kadedeje.

Rɔmɛnje 12:13

Maji karə umanje njê-mə-kunnje kə̂ nɛ̂n dude, ə-taaje njê-mbaje kə̂ awje rɔse tə̂ kə rɔ-nəəl.

Rɔmɛnje 15:31

bba karə moso mə ji dəwje tə̂ kə̂ Jude kə̂ mbətəje Kristə le ang. Ə-dujuje Lubba arə njê-mə-kunnje taaje nɛ̂n kə̂ maw nɛ̂n kə Jerujalɛm ta karəde nəənn le kə rɔ-nəəl.

Galatəje 2:10

A nɛ̂n kə̂ n̂-dujujeje â to karə jole məje dɔ njê-ndooje tə̂. To nɛ̂n kə̂ to məm tə̂ ta dda njaa.

Galatəje 6:10

Yeenn a, kar kə̂ jee kə ddəw bbay nəənn, maji karə n-ddaje maji kə dəwje tɔyn. Uta tɔyn, n-dda maji kə ngakɔnje njê-mə-kunnje.

1 Tesalonisinyɛje 5:1

Ngakɔnje, nɛ̂n kə̂ ɔju dɔ kar wase ndɔ ddee lə Əbbə-dəwje le, to nɛ̂n kə̂ ta dda makəturu tə̂ kula nɛ̂n karəse ang ngaa.

1 Jan 2:27

A sese, Ndil-mə-nda kə̂ Kristə arəse nayn kə se le, marə dəw kə̂ dang a tɔjuse nɛ̂n ang ngaa. Ndil-mə-nda kə̂ Kristə arəse le aw tɔjuse nɛ̂nje tɔyn. Naw tɔjuse tar kə̂ tɔkɔrɔ mba n̂-to Ndil tar kə̂ tɔkɔrɔ bbo nərə ngəm ang. Yeenn bba, maji karə ə-naynje ddəw mə-kâra tə̂ saa tokə Ndil-mə-nda tɔjuse.