2 Kɔrɛntinyɛje 8:9 - Dɔnɔn kə̂ Siki: Tar kə̂ aw arə təbbə

⁹ Mba ə-gərəje mə-maji lə Əbbəjeje Jeju-Kristə kə̂ to nje-nɛ̂n-kinga, bba təl dda rɔɛ̂ to nje-ndoo mba tar ləse, bba karə ndoo laa dda arə ə-ddeeje to njê-nɛ̂n-kingaje.

2 Kɔrɛntinyɛje 8:9 Iomraidhean Croise

Matiye 17:27

A ta karə jula wungu məde tə̂ ang a, aw baâ aw ila kii. Dɔngɔr kanji kə̂ a kɔrɛ̂ njaa ə-təəyn tɛɛ̂ a, â kinga kandə narɛ. Unn kandə narɛ le aw nɛ̂n arəde to lambo ləm ddəm ləi ddəm.»

Matiye 20:28

Ddəw kâra baa, Ngonn lə dəw ddee karə dəwje ddaje kula arɛ̂ ang. N̂-ddee ta dda kula karə dəwje, ta kunn rɔɛ̂ to nɛ̂n-kuka dɔ dəwje tokə banya.»

Matiye 8:20

Jeju ilɛ̂ tə̂ nan: «Mulaje, buwa tode to ngaâ əəlje kə̂ darâ kəy tode to, a Ngonn lə dəw, kəy dɔɛ̂ goto.»

Marke 6:3

Nje-dda kula kakə le â nəənn ang wa? N̂-to ngonn lə Mari ang wa? Ngakɔɛ̂nje â toje to Jakə kə Joje kə Judə kə Simɔn ang wa? Ngakɔn-nannɛ̂ â isije kə̂ je nəənn ang wa?» Nɛ̂ɛnn le dda arə n̂-mbətəje ta kunn məde karɛ̂.

Luku 16:11

Bbo nɛ̂n-kingaje kə̂ nangə̂ nəənn le ə-ddaje nɛ̂n nɛ̂n kə dɔgɔlɛ̂ ang a, nân a kinya yeje kə̂ tɔkɔrɔ jise tə̂ wa?

Luku 2:7

Nuju ngonn-dəre to dingaw. N̂-kiri ngonn le kə kubbu ngaâ nilɛ̂ mə nɛ̂n-kusa-nɛ̂n tə̂ lə daje, mba lo-to goto kəy-to-mbaje tə̂.

Luku 8:3

kə Jani dɛnɛ̂n lə nje-ngəm nɛ̂n-kingaje le tɔkə mbay Erodə kə̂ ria nan Kuja, Sujann kə marə dɛnɛ̂nje nya kə̂ aw unnje nɛ̂nje ləde aw umanje nɛ̂n Jeju kə njê-njaje goe tə̂.

Luku 9:58

Jeju ilɛ̂ tə̂ nan: «Mulaje, buwa tode to ngaâ əəlje kə̂ darâ kəy tode to, a Ngonn lə dəw, kəy dɔɛ̂ goto.»

Tar kə̂ Maji kə̂ Jan dda makəturu tə̂ 1:10

Tar le to duninya tə̂ nəənn. Ngaâ duninya to ddəw tə̂ laa. A duninya le gəre ang.

Tar kə̂ Maji kə̂ Jan dda makəturu tə̂ 1:14

Tar le təl to dəw ngaâ dda bbe horoje tə̂. Mə-maji laa kə tar kə̂ tɔkɔrɔ laa uta dɔɛ̂. Joo piti laa kə̂ in rɔ Lubba tə̂.

Tar kə̂ Maji kə̂ Jan dda makəturu tə̂ 1:17

Lubba arəje Ndu ləw ddəw tə̂ lə Mɔyijə, a mə-maji kə tar kə̂ tɔkɔrɔ ddeeje ddəw tə̂ lə Jeju-Kristə.

Tar kə̂ Maji kə̂ Jan dda makəturu tə̂ 12:30

A Jeju pa arəde nan: «Ndu nəənn le bbar mbase bbo mbam ang.

Tar kə̂ Maji kə̂ Jan dda makəturu tə̂ 16:15

Nɛ̂nje lə Bɔmje tɔyn to nɛ̂nje ləm tɔ. Mba yeenn bba, m-pa nan, nâ kunn nɛ̂nje tɔyn kə̂ m-tɔjuse ta pa karəse.

Tar kə̂ Maji kə̂ Jan dda makəturu tə̂ 17:19

Ngaâ, m-ngəm rɔm dang mbade, bba karə dede kara n̂-ngəmje rɔde dang ddəw tar tə̂ kə̂ tɔkɔrɔ.

Rɔmɛnje 11:12

Mbal dɔ majang kə̂ ngann Ijarayɛlje ddaje â dəwje kə̂ toje to Jiipije ang ingaje nɛ̂n nɛ̂n kə̂ maji ngaâ koso ləde dda arə dəwje kə̂ toje to Jiipije ang ingaje nɛ̂nje kə̂ maji. Bbo Jiipije tɔyn ooje məde tə̂ kə Jeju a, nɛ̂nje kə̂ maji kə̂ a ddeeje goe tə̂ a bo nya.

Rɔmɛnje 15:3

Mba Kristə le, nɛ̂n kə̂ nəəle â sangə ang. A Makəturu lə Lubba pa nan: «Nɛ̂n-tajije kə̂ dəwje aw tajije oso dɔm tə̂.»

Rɔmɛnje 5:8

A Lubba tɔjuje ndiki kə̂ n̂-ndikije tokə be: Kar tə̂ kə̂ n-naynje mə nɛ̂n-ddaje tə̂ kə̂ maji ang bbay le, Kristə oy mba tar ləje.

Rɔmɛnje 8:32

Lubba kə̂ ɔku Ngonnɛ̂ ang, a unnɛ̂ ulɛ̂ ji dəwje tə̂ arə tɔlɛ̂ mba tar ləje tɔyn le a karəje nɛ̂n tɔyn kâra baa kə ngonnɛ̂ le ang tokə baânn wa?

1 Kɔrɛntinyɛje 1:4

Kə ndɔ tɔyn maw marə wooyo Lubba ləm ɔju dɔse mba mə-maji kə̂ n̂-dda kə se ddəw tə̂ lə Jeju-Kristə.

1 Kɔrɛntinyɛje 15:47

Lubba dda Adam kə̂ dɔngɔr kə əbaburu nangə. A Adam kə̂ joo laa in darâ bba ddee.

2 Kɔrɛntinyɛje 6:10

Dəwje aw ddaje arə rɔje nəəlje ang, a jaw jisi kə rɔ-nəəl kə ndɔ tɔyn. Dəwje aw oojeje to njê-ndooje, a jaw dda jarə dəwje nya aw ddeeje to njê-nɛ̂n-kingaje. Dəwje oojeje to marə nɛ̂n ləje goto, a jee kə nɛ̂n tɔyn.

Epɛjinyɛje 2:7

Yeenn a, ddəw mə-maji tə̂ kə̂ n̂-dda kə je ddəw tə̂ lə Jeju-Kristə le, Lubba ndiki ta tɔju maji laa kə̂ uta dɔɛ̂ kə ndɔ kə ndɔ.

Epɛjinyɛje 3:19

Ngaâ â gərəje ndiki lə Kristə kə̂ uta nɛ̂n-gərəje tɔyn. Baann bba karə nɛ̂nje lə Lubba ddususe tɔyn.

Epɛjinyɛje 3:8

Əman, m-to tɛn baa nya horo dəwje tə̂ lə Lubba tɔyn. A n̂-dda səm mə-maji karə mila mbər tar lə Kristə, kə̂ to nɛ̂n-kinga kə̂ uta nɛ̂n-kingaje tɔyn marə dəwje kə̂ toje to Jiipije ang.

Kolosinyɛje 1:24

Bbasinɛn maw dda rɔ-nəəl mba ndoo kə̂ maw moo mba tar ləse. Ngaâ, maw moo kəsə ndoo lə Kristə mba Egilisi kə̂ to da-rɔɛ̂.

1 Timɔte 6:18

Maji karə ə-pa arə n̂-ddaje maji, n̂-ddaje kula kə̂ maji nya, arə dɔsuje ngar kə mə-kâra ngaâ n̂-kaynje dəwje dəbbə nɛ̂n-kingaje ləde.

Ebərəje 1:2

A bbasinɛn, ddutu ndɔje tə̂ nəənn, Lubba pa kə je tar ddəw tə̂ lə Ngonnɛ̂. Ddəw tə̂ lə Ngonnɛ̂ le â n̂-dda nɛ̂nje tɔyn ngaâ nunn ngonnɛ̂ le karə ddee to nje-nɛ̂nje tɔyn.

Jakə 2:5

Ngakɔnʼmje kə̂ m-ndikise nya, ooje tar nəənn: Lubba mbərə dəwje kə̂ dəwje kə̂ duninya tə̂ nəənn oojede to njê-ndooje, ta karə n̂-ddeeje to njê-nɛ̂n-kingaje ddəw mə-kunn tə̂ ddəm ta karə Bbe-kɔn kə̂ Lubba unn ndue ta karə dəwje kə̂ ndikeje le ddee to ləde ddəm.

Apokalisi 2:9

M-gərə nɛ̂n-singaje kə̂ aw ingai kə ndoo kə̂ ə-ndoo. A kə̂ tɔkɔrɔ tə̂, ə-to nje-nɛ̂n-kinga. M-gərə tarje kə̂ maji ang kə̂ dəwje kə̂ toje to Jiipije ang, a aw ddaje rɔde to Jiipije aw paje dɔi tə̂. N̂-toje to dəwje kə̂ mə mbɔn-naan tə̂ lə Satan.

Apokalisi 21:7

Dəw kə̂ tətə ddɔ a, mâ karə nɛ̂njeenn le ddeeje to laa. Mâ to Lubba laa ngaâ nâ to ngonnəm.

Apokalisi 3:18

Mba yeenn bba, m-pa mari karə ə-ndoko andə kə̂ n̂-ləkə purô darə yərəw goto tə̂ jim tə̂, karə ə-ddee to nje-nɛ̂n-kinga kə̂ tɔkɔrɔ. Ə-ndoko kubbuje kə̂ nda ula, mba bbo rɔi to baa a, rɔ-kul a ddai. Ə-ndoko kuman kə̂ to maannɛ̂ ila kəmi tə̂ ta ə-təl oo lo.