2 Kɔrɛntinyɛje 8:7 - Dɔnɔn kə̂ Siki: Tar kə̂ aw arə təbbə

⁷ Nɛ̂nje tɔyn toje rɔse tə̂ nya mban. Nɛ̂nje tokə lə mə-kunn, gusu pa tar, nɛ̂n-gərə dang dang, bbo kula kə ndiki kə̂ ə-ndikijeje. Yeenn a, maji karə ə-ddaje kula mə-maji nəənn le nya nya tɔ.

2 Kɔrɛntinyɛje 8:7 Iomraidhean Croise

Matiye 25:22

Ne kə̂ narɛ̂ kandə narɛ kɔr joo le n̂-ddee tɔ ngaâ n̂-pa nan: ‹Əbbəmje, arəm kandə narɛ kɔr joo, a ye kə̂ kɔr joo kə̂ minga dɔɛ̂ tə̂ â nəənn.›

Rɔmɛnje 15:14

Ngakɔnʼmje, əman njaa m-gərə to isije kə bbo nya ta dda nɛ̂n kə̂ maji. Ə-gərəje nɛ̂nje tɔyn kə̂ to tar ləse ta gərə mban ngaâ asəje ta karə naan ndəjə.

1 Kɔrɛntinyɛje 1:5

Mba, ddəw tə̂ lə Jeju-Kristə le bba ingaje nɛ̂n nɛ̂n-kingaje tɔyn, narəse gusu pa-tar kə gusu nɛ̂n-gərə.

1 Kɔrɛntinyɛje 12:13

Mba jeje tɔyn, Jiipije wase Gɛrɛkəje, bbərəje wase bbərəje ang kara n-ddaje batɛm tɔyn ddəw Ndil tə̂ kə̂ kâra baa karə n-ddeeje da-rɔ kə̂ kâra baa ngaa. Ndil kə̂ kâra baa le â Lubba arəje tɔyn.

1 Kɔrɛntinyɛje 12:8

Ndil aw arə marə dəw tar kəm-karɛ. Ndil kə̂ kâra baa le njaa tɔ â aw arə dəw tar nɛ̂n-gərə.

1 Kɔrɛntinyɛje 13:2

Bbo mee kə gusu kila mbər tar lə Lubba wase gusu kɔru gəl nɛ̂nje tɔyn kə̂ toje lo-kiyɛ̂ tə̂ ngaâ m-gərə nɛ̂nje tɔyn wase mə-kunn ləm asə ngəsə ddingirije, a bbo ndiki goto məm tə̂ a, m-to nɛ̂n kə̂ baa.

1 Kɔrɛntinyɛje 13:8

Ndiki a goto ndɔ kâra ang, a kila mbər tarje lə Lubba a goto. Gusu pa tar kə ndɔn-tarje kə̂ dəw gərə ang a goto, gusu nɛ̂n-gərə a goto.

1 Kɔrɛntinyɛje 14:12

Ddəw kâra baa, sese ə-ndikije nya ta kinga gusuje lə Ndil. Yeenn a, maji karə ə-sangəje gusuje kə̂ a kasəje ta dda karə Egilisi ubba singa.

1 Kɔrɛntinyɛje 4:7

Ddi â tɔju to ə-to dəw kə̂ dang wa? Nɛ̂n tɔyn kə̂ ee nɛ̂n to Lubba â ari ang wa? Yeenn a, mba ddi bba aw unda nɛ̂n gui tokə Lubba â ari ang wa?

2 Kɔrɛntinyɛje 7:7

Ddəw ddee tə̂ laa kâra baa ang. Ddəw məɛ̂ tə̂ kə̂ ə-wulje tɔ. N̂-pa tar maaləm kə̂ ddase nya, tar nɔn kə̂ aw nɔnʼmje kə tar to kə̂ ə-toje ngɔsi ngɔsi mba mayn tar dɔm tə̂ le. Mba yeenn bba, rɔm təl nəələm uta bbay.

2 Kɔrɛntinyɛje 8:6

Mba yeenn bba, n-duju Titə nya karə dda kula mə-maji kə̂ nunn kute bbeê ləse nəənn le ndərəng nɔsu kɔnyɛ̂.

2 Kɔrɛntinyɛje 9:14

Dâ tɔjuje ndiki kə̂ n̂-ndikise ddəw duju tə̂ kə̂ daw dujuje Lubba mba tar ləse, mba mə-maji kə̂ Lubba dda kə se tokə bo nya le.

2 Kɔrɛntinyɛje 9:8

Lubba ee kə singa ta karəse nɛ̂nje kə̂ maji dang dang tɔyn baa kə nangə̂. Baann bba karə nɛ̂n to jise tə̂ kə ndɔ tɔyn ddəm marə nɛ̂n kâra duse ang ddəm ngaâ karə ingaje marɛ̂ dɔɛ tə̂ ə-ddaje nɛ̂n-kulaje kə̂ maji tɔyn.

Epɛjinyɛje 4:29

Maji karə tar kə̂ maji ang kâra tee tase tə̂ ang. Tar kə̂ maji kə̂ a kuman dəw, kə̂ aw arə singa dəw ngaâ a dda maji kə dəwje kə̂ aw ooje tar kə̂ aw paje, tarje kə̂ baann â ta ə-paje.

Pilipinyɛje 1:11

Jeju-Kristə a dda karə kulaje kə̂ gatə gatə dɔrɔ â ə-ddaje. Â kɔsuje gaji Lubba ngaâ â piteje ddəw nɛ̂nje tə̂ənn le.

Pilipinyɛje 1:9

Maw duju Lubba karə n̂-dda narə ndiki ləse aw kə kete kete, narə ə-gərəje nɛ̂n kə̂ gatə gatə ngaâ karə narə kəmse ɔru.

2 Tesalonisinyɛje 1:3

Ngakɔnje, to tar ləje ta karə wooyo Lubba kə kar tɔyn mbase. To nɛ̂n kə to kə dɔgɔlɛ̂ njaa. Mba mə-kunn ləse aw bo kə kete kete ngaâ aw ndikije naan kə kete kete.

2 Timɔte 2:1

Əi ngonnəm, maji karə inga singa ddəw mə-maji tə̂ kə̂ Lubba dda kə je ddəw mə-kâra tə̂ kə̂ n-dda kə Jeju-Kristə le.

Ebərəje 12:28

Lubba aw arəje Bbe-kɔn kə̂ nɛ̂n a kasə ta yəkə ang. Yeenn bba, maji karə jarɛ̂je wooyo ngaâ n-poleje kə ddəw kə̂ a karɛ̂ rɔ-nəəl, n-ngəmje rɔje mba tar laa ddəm n-bbəəleje ddəm.

1 Piyɛr 1:22

Maji karə ə-ddaje nɛ̂n ddəw tar tə̂ kə̂ tɔkɔrɔ, arəje nɛ̂n-yərəw ɔruse ang mba ndiki nɛ̂n ngakɔnse tokə tɔkɔrɔ tə̂ njaa. Yeenn a, maji karə ə-ndikije naan kə mə-kâra kə ndɔ tɔyn.

2 Piyɛr 3:18

A maji karə ə-sangəje kə kete kete ddəw mə-maji tə̂ lə Əbbəjeje kə̂ Nje-kajije Jeju-Kristə ddəm ddəw gərə tə̂ kə̂ ə-gəreje ddəm. Maji karə piti to laa, bbasinɛn nəənn nyɔm kə ləw. Amɛnn!

Apokalisi 3:17

Ə-pa nan: ‹M-to nje-nɛ̂n-kinga, minga nɛ̂n nya, marə nɛ̂n kâra dum ang.› A ə-gərə ang. Ə-to ndoo ddəm marə nɛ̂n kâra to jii tə̂ ang ddəm. Ə-to nje-ndoo ddəm nje-kəm-tɔ ddəm ngaâ kubbu goto rɔi tə̂.