2 Kɔrɛntinyɛje 8:4 - Dɔnɔn kə̂ Siki: Tar kə̂ aw arə təbbə

⁴ Dumanje kə je nya nya mba karə n-dda kə de mə-maji jarə dumanje dəwje lə Lubba.

2 Kɔrɛntinyɛje 8:4 Iomraidhean Croise

Matiye 10:42

M-pa tar kə̂ tɔkɔrɔ marəse, dəw kə̂ maann kə̂ wul kə̂ əngo tə̂ baa njaa bba arə dəw kə̂ ngaji horo ngamarɛ̂je tə̂ nəənn, mba dəw kə̂ ngaji le to nje-nja gom tə̂ a, kuka laa a koso nangə̂ ang tɔ.»

Matiye 12:50

Bbo dəw dda nɛ̂n kə̂ mə Bɔmje kə̂ darâ ndiki a, dəw le to ngokɔnʼm, to kɔn-nannəm wase kɔnʼmje.»

Matiye 25:40

Yeenn ngaâ tɔkə mbay le a kilade tə̂ nan: ‹Tɔkɔrɔ njaa, m-pa marəse, kar tɔyn kə̂ ə-ddaje nɛ̂njeenn le kə marə ngakɔm kə̂ toje to dəwje kə̂ tɛn baa nəənn, nayn to əman â ə-ddaje səm.›

Marke 14:7

Njê-ndooje a naynje kə se nəənn kə ndɔ tɔyn. Ndɔ kə̂ məse ndiki a, â ddaje kə de maji. A əman, mâ nayn kə se kə ndɔ tɔyn ang.

Kulaje 11:29

Njê-njaje go Jeju tə̂ ooje ta naan karə dəw kâra kâra unn nɛ̂n kə̂ asə singɛ̂ mba kula nɛ̂n karə duman nɛ̂n njê-mə-kunnje kə̂ Jude.

Kulaje 16:15

Lidi kə njê kə̂ kəy laa dingaje batɛm a, n̂-bbarje n̂-pa narəje nan: «Bbo əjəje to moo məm tə̂ tɔkɔrɔ kə Əbbə-dəwje a, ə-ddeeje ə-toje kə̂y ləm.» Numan kə je nya karə n-ndiki bbar tə̂ kə̂ n̂-bbarje le.

Kulaje 24:17

«M-tee Jerujalɛm ang bbal banya nya. Yeenn bba m-ddee ta karə nɛ̂n mba kuman nɛ̂n dəwje kə̂ mə bbe tə̂ le ddəm ta karə nɛ̂n-polo Lubba ddəm.

Rɔmɛnje 15:31

bba karə moso mə ji dəwje tə̂ kə̂ Jude kə̂ mbətəje Kristə le ang. Ə-dujuje Lubba arə njê-mə-kunnje taaje nɛ̂n kə̂ maw nɛ̂n kə Jerujalɛm ta karəde nəənn le kə rɔ-nəəl.

1 Kɔrɛntinyɛje 16:1

Tar kə̂ ɔju dɔ nɛ̂n-mbɔn mba njê-mə-kunnje kə̂ Jerujalɛm le, maji karə sese kara, ə-ddaje kə turu ndu kə̂ munn marə Egilisije kə̂ Galasi le.

1 Kɔrɛntinyɛje 16:15

Ngakɔnʼmje, ə-gərəje to Ɛstepanas de kə njê kə̂ kə̂y laa n̂-toje to dəwje kə̂ Akay kə̂ dɔngɔr kə̂ ooje məde tə̂ ngaâ dumanje njê-mə-kunnje nya.

2 Kɔrɛntinyɛje 9:1

Nɛ̂n kə̂ ta kuman nɛ̂n dəwje lə Lubba le, to marə nɛ̂n kə̂ ta dda makəturu to dda mbɛɛ̂ karəse ang.

Galatəje 2:10

A nɛ̂n kə̂ n̂-dujujeje â to karə jole məje dɔ njê-ndooje tə̂. To nɛ̂n kə̂ to məm tə̂ ta dda njaa.

Galatəje 6:10

Yeenn a, kar kə̂ jee kə ddəw bbay nəənn, maji karə n-ddaje maji kə dəwje tɔyn. Uta tɔyn, n-dda maji kə ngakɔnje njê-mə-kunnje.

1 Timɔte 5:10

Maji karə ria bbar mba kula-ddaje kə̂ maji: Maji karə n̂-to dəw kə̂ ngəm ngannɛ̂, dəw kə̂ ngəm njê-mbaje, nje-toko gɔl dəwje lə Lubba. Maji karə n̂-to dəw kə̂ aw aa dəwje kə̂ nɛ̂n kəm-to-ndoo oso dɔde tə̂ oo. Maji karə n̂-to dəw kə̂ dda marə kulaje kə̂ maji dang dang.

Ebərəje 6:10

Lubba to gatə gatə ang bba məɛ̂ a koy dɔ nɛ̂nje kə̂ aw ddaje le ang ddəm ndiki kə̂ ə-ndikeje le ang ddəm. Ə-tɔjuje ndiki ləse le ddəw maji tə̂ kə̂ ə-ddaje kə kəsə njê-mə-kunnje ləw ngaâ ə-naynje aw ddaje bbay bbasinɛn le.