2 Kɔrɛntinyɛje 8:3 - Dɔnɔn kə̂ Siki: Tar kə̂ aw arə təbbə

³ Kəmʼm tə̂ njaa, darəje nɛ̂nje kə̂ asə gude, darəje darə uta dɔɛ̂ kə mə-ndiki ləde njaa.

2 Kɔrɛntinyɛje 8:3 Iomraidhean Croise

Marke 14:8

Nɛ̂n kə̂ nasə ta dda â n̂-dda. Nungu yambo rɔm tə̂ kete mba nginan nɛ̂n ndɔ kə̂ dâ dubbum nɛ̂n.

Kulaje 11:29

Njê-njaje go Jeju tə̂ ooje ta naan karə dəw kâra kâra unn nɛ̂n kə̂ asə singɛ̂ mba kula nɛ̂n karə duman nɛ̂n njê-mə-kunnje kə̂ Jude.

Rɔmɛnje 10:2

Tɔkɔrɔ, masə kɔru naji ləm, mba bbo dda kula lə Lubba to məde tə̂ nya njaa, a n̂-ddaje kula le ddəw nɛ̂n-gərə tə̂ ang.

1 Kɔrɛntinyɛje 16:2

Kə ndɔ-kuwa-rɔ kâra kâra tɔyn, maji karə dəw kâra kâra unn marə nɛ̂n ngəm dang kə̂y laa, mba karə ndɔ kə̂ m-tee bba unnje kutu mbɔn nɛ̂n-karə-baa le ang.

1 Kɔrɛntinyɛje 9:17

Bbo əman njaa m-dda kula le kə dɔm baa a, asə karə minga kuka ləm. A to kula kə̂ darəm kə singa arə maw dda to kula kə̂ dinya to kinya jim tə̂.

Galatəje 4:15

Yeenn a, rɔ-nəəl ləse to dda wa? Mɔru naji ləse m-pa nan: Bbo ddəw kɔru kandə kəmse karəm to a le â kɔruje karəm.

Pilipinyɛje 2:13

Mba Lubba njaa a kila bbo kula məse tə̂ ddəm nâ karəse singa dda kula le ddəm ddəw kâra baa kə nɛ̂n kə̂ n̂-gɔl ta dda kə mə-ndiki laa.

Kolosinyɛje 4:13

Mɔru naji lə Epaparas marəse to naw noo ndoo nya mba tar ləse ddəm mba njê-mə-kunnje kə̂ Lawodise ddəm mba njê kə̂ Iyerapolis ddəm.

1 Tesalonisinyɛje 2:8

N-ndikise nya, n-to ngɔsi ta pa Tar kə̂ Maji lə Lubba karəse ddəm ta karə təbbə ləje njaa mbase ddəm. Mba ə-ddeeje to dəwje kə̂ n-ndikise nya.

Pilemɔn 1:14

A m-ndiki ta kinyai dda marə nɛ̂n kə dɔm baa ang. M-ndiki ta kuwai kə singa bba karə ə-dda marə nɛ̂n arəm ang. Maji karə ə-dda nɛ̂n le kə mə-ndiki ləi njaa.

1 Piyɛr 4:11

Dəw kə̂ gusu pa tar to rɔɛ̂ tə̂ a, maji karə tar lə Lubba â n̂-pa. Dəw kə̂ gusu dda kula karə dəwje to rɔɛ̂ tə̂ a, maji karə n̂-dda kula le kə singa kə̂ Lubba arɛ̂. Yeenn bba karə Lubba inga piti mə nɛ̂nje tə̂ tɔyn ddəw tə̂ lə Jeju-Kristə. Lubba kə̂ piti kə singa-mɔngu to laa kə ndɔ kə ndɔ. Amɛnn!

1 Piyɛr 5:2

Ddəw kâra baa tokə njê-ngəmje nɛ̂n-kuulje, maji karə ə-ngəmje dəwje kə̂ banya kə̂ Lubba inyade mə jise tə̂ le kə majɛ̂. Lubba ndiki karə ə-ngəmjede kə mə-ndiki ləse njaa bbo tokə nɛ̂n kə̂ duwase kə singa bba karə ə-ddaje nɛ̂ɛnn le ang. Ə-ddaje nɛ̂ɛnn le mba kinga nɛ̂n narɛ ang. Maji karə ə-ddaje kə mə-kâra.