2 Kɔrɛntinyɛje 8:23 - Dɔnɔn kə̂ Siki: Tar kə̂ aw arə təbbə

²³ Titə to nje-buwa-nja ləm ddəm nje-kula marəm ddəm horose tə̂. A ngakɔnje kə̂ dannɛ̂je le toje to njê-kaw-kulaje kə̂ Egilisije â ulajede arə daw ddaje kula kə̂ aw arə piti Kristə.

2 Kɔrɛntinyɛje 8:23 Iomraidhean Croise

Luku 5:10

Bbəəl uta dɔ Jakə de kə Jan kə̂ toje to ngann lə Jebede kə̂ toje to njê-ndɔn mar Simɔn le tɔ. Jeju pa arə Simɔn nan: «Ə-bbəəl ang. A kunn-kute bbokənɛn, ndɔn ləi a to ənga sangə dəwje ngaa.»

Luku 5:7

N̂-kəbbəje njê-ndɔn marde kə̂ aw umanjede ndɔn-maann tə̂ kə̂ isije mə to tə̂ kə̂ kâra karə n̂-ddee dumanjede. N̂-ddeeje ngaâ dunguje kanjije le mə toje tə̂ kə̂ joo le, nayn ngaji baa ta karə toje le diije.

Tar kə̂ Maji kə̂ Jan dda makəturu tə̂ 13:16

Tɔkɔrɔ m-pa marəse, dəw kə̂ to bbərə ngəng uta əbbeeje ang ddəm nje-kaw-kula ngəng uta dəw kə̂ ulɛ̂ ang ddəm.

1 Kɔrɛntinyɛje 11:7

Maji karə dingaw tɔ dɔɛ̂ ang, mba n̂-to ətaar Lubba ddəm n̂-to nɛ̂n piti Lubba ddəm, a dɛnɛ̂n to nɛ̂n piti dingaw.

2 Kɔrɛntinyɛje 12:18

M-duju Titə nya karə aw rɔse tə̂, ne kə marə ngokɔnje kâra. Titə le ərəse usase wa? Əman je saa joo kəm n-dda nɛ̂n kə kəjə kə̂ kâra baa ddəm junn ddəw kə̂ kâra baa ddəm.

2 Kɔrɛntinyɛje 7:6

A Lubba kə̂ nje-wul mə dəwje kə̂ singade ɔru wul məje ddəw ddee tə̂ lə Titə.

2 Kɔrɛntinyɛje 8:16

Jarə wooyo Lubba kə̂ ila bbo kumanse mə Titə tə̂ tokə ləje le tɔ.

2 Kɔrɛntinyɛje 8:18

Julɛ̂ kə marə ngokɔnje kə̂ Egilisije tɔyn aw piteje mba kula kə̂ naw dda mba Tar kə̂ Maji le.

2 Kɔrɛntinyɛje 8:19

Uta tɔyn, Egilisije â unnɛ̂ karə naw kə je nja tə̂ ləje, karə n-dda kula mə-maji nəənn. To kula kə̂ darəje n-dda karə arə piti Əbbə-dəwje njaa ddəm karə tɔju kəjə ləje kə̂ maji ddəm.

2 Kɔrɛntinyɛje 8:22

Jula marə ngokɔnje kə de tɔ. Joo a, bbo dda kula to məɛ̂ tə̂, ddəw nɛ̂nje tə̂ dang dang kə̂ naw dda. Bbasinɛn nəənn njaa kara naw tɔju bbo dda kula kə̂ to məɛ̂ tə̂ le, mba nunda məɛ̂ dɔse tə̂ nya.

2 Kɔrɛntinyɛje 8:6

Mba yeenn bba, n-duju Titə nya karə dda kula mə-maji kə̂ nunn kute bbeê ləse nəənn le ndərəng nɔsu kɔnyɛ̂.

Pilipinyɛje 2:25

A moo maji tɔ ta təl kula Epaporoditə rɔse tə̂. Ne kə̂ n̂-to ngokɔnʼm ddəm nje-kula marəm ddəm nje-ddɔ marəm mba Lubba ddəm. Ne â n̂-to nje-kaw-kula kə̂ ulɛ̂je arəmje kar tə̂ kə̂ m-ndiki karə marə dəw ddee umanʼm le.

Pilipinyɛje 4:3

A əi, kə̂ ə-to nje-buwa-kula marəm kə̂ tɔkɔrɔ, m-duji karə uman dɛnɛ̂nje nəənn le. Mba dumanʼmje darə n-dda ddɔ n-tɔju nɛ̂n Tar kə̂ Maji jarə dəwje, dede kə Kleman kə marə njê-kula marəmje kə ride to makəturu təbbə tə̂.

Kolosinyɛje 1:7

Epaparas kə̂ to nje-kula marəje kə̂ n-ndike nya le â tɔjuse nɛ̂ɛnn. Naw dda kula mba tar le, to nje-kula lə Kristə kə̂ aw dda kula laa kə dɔgɔlɛ̂.

1 Tesalonisinyɛje 2:2

Ə-gərəje kə majɛ̂ to joo ndoo ngaâ dəwje tajije bbe tə̂ kə̂ Pilipi. A Lubba arə jubba singa mə nɛ̂n-singaje tə̂ nya nya, narə jila mbər Tar kə̂ Maji laa jarəse.

2 Timɔte 4:10

Mba Demas tusum inyam mba bbo nɛ̂nje kə̂ nangə̂ kə̂ bbokənɛn nəənn. Naw Tesalonikə. Keresan aw nangə tə̂ kə̂ Galasi ngaâ Titə aw nangə tə̂ kə̂ Dalmasi.

Titə 1:4

Mula kə makəturu nəənn mari, əi Titə le kə̂ ə-to ngonnəm kə̂ tɔkɔrɔ ddəw mə-kunn tə̂ kə̂ mbɔnje naan tə̂. Maji karə Lubba kə̂ Bɔ kə Nje-kajije Jeju-Kristə, n̂-ddaje səi mə-maji ngaâ darəje məi wul lɔm.

Pilemɔn 1:17

Mba yeenn bba, bbo əjə to m-to nami a, ə-tɛɛ̂ kə rɔi tə̂ tokə əman â ə-taam kə rɔi tə̂.

Pilemɔn 1:24

Markə kə Aristarkə kə Demas de kə Luku kə̂ daw dumanʼmje kula tə̂, n̂-ddaije lapiya tɔ.

3 Jan 1:8

To tar ləje ta kuwa dəwje kə̂ baann kə rɔje tə̂. Baann bba ja toje to njê-kula marədeje mba tar kə̂ tɔkɔrɔ.