2 Kɔrɛntinyɛje 8:1 - Dɔnɔn kə̂ Siki: Tar kə̂ aw arə təbbə

¹ Ngakɔnje, n-ndiki ta dda karə ə-gərəje mə-maji kə̂ Lubba dda kə Egilisije kə̂ Maseduwann.

2 Kɔrɛntinyɛje 8:1 Iomraidhean Croise

Matiye 25:22

Ne kə̂ narɛ̂ kandə narɛ kɔr joo le n̂-ddee tɔ ngaâ n̂-pa nan: ‹Əbbəmje, arəm kandə narɛ kɔr joo, a ye kə̂ kɔr joo kə̂ minga dɔɛ̂ tə̂ â nəənn.›

Kulaje 11:23

Barnabas le ddee tee ngaâ oo mə-maji kə̂ Lubba dda kə njê-mə-kunnje le a, inga rɔ-nəəl nya ngaâ ndəjəde karə dundaje məde tɔyn dɔ Əbbə-dəwje tə̂.

Kulaje 16:9

Pɔl oo marə nɛ̂n tokə lə ninjeenn til tə̂. Noo marə dəw kə̂ Maseduwann kə̂ ar taar aw duje nan: «Ə-ddee Maseduwann umanje!»

Kulaje 24:17

«M-tee Jerujalɛm ang bbal banya nya. Yeenn bba m-ddee ta karə nɛ̂n mba kuman nɛ̂n dəwje kə̂ mə bbe tə̂ le ddəm ta karə nɛ̂n-polo Lubba ddəm.

Rɔmɛnje 15:26

Mba njê-mə-kunnje kə̂ Maseduwann ddəm njê kə̂ Akay ddəm ndikije ta mbɔn nɛ̂n kuman nɛ̂n njê-mə-kunnje kə̂ Jerujalɛm kə̂ toje to njê-ndooje.

1 Kɔrɛntinyɛje 15:10

A ddəw mə-maji tə̂ lə Lubba â m-ddee tokə be nəənn. Mə-maji laa kə̂ n̂-dda səm le to baa njaa baann ang. M-dda kula nya muta kəsə njê-kaw-kulaje tɔyn. Əman njaa m-dda kula le dɔ singam tə̂ ang, mə-maji lə Lubba le â dda kula ddəw tə̂ ləm.

2 Kɔrɛntinyɛje 11:9

Ngaâ, kar tə̂ kə̂ mee nɛ̂n rɔse tə̂ le, bbo m-ndiki ta kinga marə nɛ̂n a, m-duju nɛ̂n ji dəw tə̂ kâra ang. Mba ngakɔnʼmje kə̂ inje Maseduwann ddeeje kə nɛ̂nje kə̂ dum arəmje. M-dda bba karə m-ddee to nɛ̂n-koto dɔse tə̂ ang. Mâ nayn nɛ̂n baann nyɔm.

2 Kɔrɛntinyɛje 9:12

Mba kula nɛ̂n-mbɔn nəənn le aw uman dəwje lə Lubba njaa a bbayɛ̂ ang. Aw dda arə daw darəje wooyo Lubba nya.

2 Kɔrɛntinyɛje 9:2

M-gərə kəjə kə̂ maji kə̂ to məse tə̂ arə maw munda nɛ̂n gum marə dəwje kə̂ Maseduwann, m-pa nan, kaal baa njaa, Egilisije kə̂ Akay gɔlje rɔde ta karə nɛ̂n. Ngaâ bbo karə nɛ̂n kə̂ to məse tə̂ le dda arə nya lə Egilisije ddaje bbo ta karə nɛ̂n tɔ.

2 Kɔrɛntinyɛje 9:4

Bbo njê kə̂ Maseduwann ddeeje səm ngaâ gərəje to ə-gɔlje rɔse ang a, məje kə̂ junda dɔse tə̂ le a təl to nɛ̂n-rɔ-kul ləje ddəm ləse ddəm.

Epɛjinyɛje 3:8

Əman, m-to tɛn baa nya horo dəwje tə̂ lə Lubba tɔyn. A n̂-dda səm mə-maji karə mila mbər tar lə Kristə, kə̂ to nɛ̂n-kinga kə̂ uta nɛ̂n-kingaje tɔyn marə dəwje kə̂ toje to Jiipije ang.

Kolosinyɛje 1:29

Mba yeenn bba maw dda kula ddəm maw dda ddɔ ddəm ddəw singa tə̂ kə̂ Kristə arəm ngaâ aw dda kula rɔm tə̂ ngəng nya.

1 Tesalonisinyɛje 4:10

Aw ə-ndikije ngakɔnje kə̂ Maseduwann tə̂ tɔyn tokə baann mban. A n-ndəjəse karə ə-ddaje arə uta yeenn bbay.