2 Kɔrɛntinyɛje 7:8 - Dɔnɔn kə̂ Siki: Tar kə̂ aw arə təbbə

⁸ Bbo le makəturu kə̂ m-dda marəse le dda arə rɔse nəəlse ang kara, yeenn jɔkəm ang. Le jɔkəm njaa kara, m-gərə to makəturu le dda arə rɔse nəəlse ang mba gɔju kar baa.

2 Kɔrɛntinyɛje 7:8 Iomraidhean Croise

Tar kə̂ Maji kə̂ Jan dda makəturu tə̂ 16:6

A rɔse nəəlse ang nya mba tar kə̂ m-pa marəse le.

Tar kə̂ Maji kə̂ Jan dda makəturu tə̂ 21:17

Goe tə̂ a, n̂-duje kə̂ gɔl mota laa nan: «Simɔn ngonn lə Jan, ə-ndikim wa?» Yeenn ngaâ rɔ Piyɛr le nəəle ang mba tar kə̂ n̂-duje to gɔl mota laa nan: «Ə-ndikim wa?» le. Ngaâ nilɛ̂ tə̂ nan: «Əbbə-dəwje, ə-gərə nɛ̂n tɔyn. Ə-gərə to m-ndikii.» Jeju pa arɛ̂ nan: «Ə-ngəm batəje ləm.

2 Kɔrɛntinyɛje 7:11

Ooje: Nɛ̂nje kə̂ rɔ-katə kə̂ Lubba ndiki tə̂ dda rɔse tə̂ a nəənn: Ə-toje ngɔsi ngɔsi ta dda kula. Ə-toje ngɔsi ngɔsi ta duju karə dɔru tar dɔse tə̂. Bbo ooje nɛ̂n-dda kə̂ maji ang a, aw arəse wungu nya. Bbəəl aw to məse tə̂ nya. Maal təl koom aw ddase nya. Bbo dda kula to məse tə̂ nya. Aw ə-gangəje sariya dɔ dəw tə̂ kə̂ dda majang. Uta tɔyn, ə-tɔjuje to aw ngəmje rɔse ddəw nɛ̂n tə̂ənn le.

2 Kɔrɛntinyɛje 7:12

Yeenn bba, bbo m-dda makəturu le marəse a, m-dda ɔju dɔ dəw kə̂ dda nje-marɛ̂ maji ang ddəm ɔju dɔ dəw kə̂ nje-marɛ̂ ddɛɛ̂ maji ang le ddəm. A m-dda ta tɔju kəm Lubba tə̂ to ə-toje ngɔsi ta dda nɛ̂n njangə njangə mbaje.

2 Kɔrɛntinyɛje 7:6

A Lubba kə̂ nje-wul mə dəwje kə̂ singade ɔru wul məje ddəw ddee tə̂ lə Titə.

2 Kɔrɛntinyɛje 7:7

Ddəw ddee tə̂ laa kâra baa ang. Ddəw məɛ̂ tə̂ kə̂ ə-wulje tɔ. N̂-pa tar maaləm kə̂ ddase nya, tar nɔn kə̂ aw nɔnʼmje kə tar to kə̂ ə-toje ngɔsi ngɔsi mba mayn tar dɔm tə̂ le. Mba yeenn bba, rɔm təl nəələm uta bbay.

2 Kɔrɛntinyɛje 7:9

A bbasinɛn rɔm nəələm. Rɔse kə̂ nəəlse ang le â rɔm nəələm mbɛɛ̂ ang. Rɔm nəələm, mba rɔse kə̂ nəəlse ang le dda arə ə-turuje məse. Rɔse kə̂ nəəlse ang le to ddəw mə-ndiki tə̂ lə Lubba. Yeenn a, n-dda marə nɛ̂n kə̂ maji ang kâra kə se ang.

Apokalisi 3:19

Dəwje tɔyn kə̂ m-ndikide, maw təl kə de ddəw tə̂ kə̂ maji ddəm maw tundade ddəm. Yeenn bba, maji karə ə-dda kula le kə mə-kâra ta ə-turu məi.