2 Kɔrɛntinyɛje 7:4 - Dɔnɔn kə̂ Siki: Tar kə̂ aw arə təbbə

⁴ Munda məm tɔyn kə dɔse tə̂. Maw munda gum mbase nya. Wurum oso pɔn ddəm maw minga rɔ-nəəl nya ddəm mə nɛ̂n kəm-to-ndooje tə̂ ləje.

2 Kɔrɛntinyɛje 7:4 Iomraidhean Croise

Kulaje 5:41

Njê-kaw-kulaje le inje lo gangə sariya tə̂ lə Jiipije le teeje ddaka kə rɔ-nəəl, mba Lubba oode to dəwje kə̂ asə karə dula kəmde ndoo tə̂ mba ri Jeju.

Rɔmɛnje 5:3

Dɔ ye tə̂ənn, mə nɛ̂n kəm-to-ndooje tə̂ kə̂ aw ingaje kara jaw ddaje rɔ-nəəl, mba n-gərəje to nɛ̂n kəm-to-ndoo aw dda arə jaw tɔje wurje.

1 Kɔrɛntinyɛje 1:4

Kə ndɔ tɔyn maw marə wooyo Lubba ləm ɔju dɔse mba mə-maji kə̂ n̂-dda kə se ddəw tə̂ lə Jeju-Kristə.

2 Kɔrɛntinyɛje 1:14

Mba ə-gərəje ngaji mban to n-to nɛ̂n-kunda guse, tokə sese â toje to nɛ̂n-kunda guje ndɔ tə̂ kə̂ Əbbəjeje Jeju a təl ddee le.

2 Kɔrɛntinyɛje 1:4

Naw wul məje mə nɛ̂n kəm-to-ndooje tə̂ kə̂ aw ingaje, karə ddəw məje tə̂ kə̂ n̂-wul le, jasəje ta wul mə dəwje tɔyn kə̂ nɛ̂n kəm-to-ndooje dang dang aw ingade tɔ.

2 Kɔrɛntinyɛje 10:8

Əbbə-dəwje arəje singa karə n-dda jarə ubbaje singa, bbo ta dda karə singase ɔru ang. Yeenn bba bbo munda nɛ̂n gum uta dɔɛ̂ ngaji kara, rɔm a wul ang.

2 Kɔrɛntinyɛje 11:21

To rɔ-kul ləm ta pa: Moo a, tokə nɛ̂n kə̂ n-toje to njê-yɔɔje njaa nyɔm. M-pa tar tokə nje-wooy, m-pa nan: Bbo dəw tay unda gue mba marə nɛ̂n a, əman kara, mâ tay kunda gum tɔ.

2 Kɔrɛntinyɛje 2:14

Jarəje wooyo Lubba, kə̂ dda arə ddəw tə̂ lə Kristə jee horo dəwje tə̂ kə̂ aw ɔsuje nja kə go kulɛ̂ go Kristə tə̂ kə̂ tətə ddɔ le. Ddəw tə̂ ləje, narə dəwje gərəje Kristə loje tə̂ tɔyn, tokə yambo kə̂ banyɛ̂ taa lo tɔyn.

2 Kɔrɛntinyɛje 3:12

Junda məje tokə baann le arə məje oso pɔn.

2 Kɔrɛntinyɛje 7:14

Mba gum kə̂ munda ngaji mbase kəmɛ̂ tə̂ le təl to nɛ̂n-rɔ-kul ləm ang. Jeje jaw pa tar kə̂ tɔkɔrɔ kə ndɔ tɔyn jarəse, yeenn bba guje kə̂ jaw junda mbase kəm Titə tə̂ le ddee to nɛ̂n kə̂ to kə dɔgɔlɛ̂ njaa.

2 Kɔrɛntinyɛje 8:24

Yeenn bba, maji karə ə-tɔjuje ndiki kə̂ ə-ndikijede kəm Egilisije tə̂, karə n̂-gərəje to guje kə̂ jaw junda mbase le to kə ddəwe.

Pilipinyɛje 1:14

Ngakɔnjeje nya kə̂ oomje kəy-kula tə̂ ingaje singa nya ddəw tə̂ lə Əbbə-dəwje ta kila mbər tar lə Lubba kə bbəəl ang.

Pilipinyɛje 1:20

Nɛ̂n kə̂ maw ngəbbə kə̂ munda məm dɔɛ̂ tə̂ nya dda arə rɔm a wul ang. A unn kute bbokənɛn nyɔm kə ləw, bbo misi kəm baa wase moy kara, pa-nja ləm a tɔju to Kristə le to nje-tɔkə-mbangə.

Pilipinyɛje 1:26

Yeenn bba kar kə̂ m-təl horose tə̂ a, ddəw tə̂ ləm, rɔse nəəlse nya mba Jeju-Kristə.

Pilipinyɛje 2:17

Le mə-kunn ləse aw dda arə aw ddaje kula arəje Lubba to nɛ̂n-polo njaa kara, əman, bbo n̂-tɔləm a, rɔm a nəələm, mba məsəm a to nɛ̂n-polo dɔ marɛ̂ tə̂ ləse ngaâ mâ dda rɔ-nəəl kə se.

Kolosinyɛje 1:24

Bbasinɛn maw dda rɔ-nəəl mba ndoo kə̂ maw moo mba tar ləse. Ngaâ, maw moo kəsə ndoo lə Kristə mba Egilisi kə̂ to da-rɔɛ̂.

1 Tesalonisinyɛje 2:19

Sese â jaw junda məje dɔse tə̂, sese â ja kinga rɔ-nəəl mbase, sese tɔ â, â toje to nɛ̂n-piti ləje nɔn Əbbə-dəwje Jeju tə̂ ndɔ tə̂ kə̂ nâ ddee.

1 Tesalonisinyɛje 2:2

Ə-gərəje kə majɛ̂ to joo ndoo ngaâ dəwje tajije bbe tə̂ kə̂ Pilipi. A Lubba arə jubba singa mə nɛ̂n-singaje tə̂ nya nya, narə jila mbər Tar kə̂ Maji laa jarəse.

2 Tesalonisinyɛje 1:4

Nɛ̂ɛnn le dda arə jaw junda guje mbase, mba wurse kə̂ aw tɔje kə mə-kunn ləse kə̂ aw uwaje arəje ngəng mə nɛ̂n kəm-to-ndooje tə̂ kə mə nɛ̂n-singaje tə̂ kə̂ aw ingase le.

Pilemɔn 1:7

Ngokɔnʼm, rɔm nəələm ngaâ minga singa mba ndiki kə̂ aw ndiki njê-mə-kunnje ngaâ ə-dda arə məde oso pɔn le.

Jakə 1:2

Ngakɔnʼmje, bbo nɛ̂nje dang dang nanse a, maji karə isije kə rɔ-nəəl.