2 Kɔrɛntinyɛje 6:8 - Dɔnɔn kə̂ Siki: Tar kə̂ aw arə təbbə

⁸ Dəwje aw waljeje ddəm daw dabbəjeje ddəm. Daw tajijeje ddəm daw dɔsuje gajije ddəm. Jaw pa tar kə̂ tɔkɔrɔ, a daw doojeje to njê-ngəmje.

2 Kɔrɛntinyɛje 6:8 Iomraidhean Croise

Matiye 10:25

Bbay nɛ̂n njaa to karə nje-nɛ̂n-ndo ddee tokə lə nje-nɛ̂n-tɔju laa wase nje-kula ddee tokə lə əbbeeje. Bbo dəwje bbarje nje-kəy nan Bɛljebul a, dâ kunda ri kə̂ maji ang uta yeenn dɔ ngann njê-kəyje tə̂.»

Matiye 22:16

Dulaje marə njê-njaje gode tə̂ kə dəwje kə̂ unnje go Erodə rɔ Jeju tə̂ le karə n̂-paje darɛ̂ nan: «Nje-nɛ̂n-tɔju, n-gərə to aw pa tar kə̂ tɔkɔrɔ, aw tɔju ddəw lə Lubba tokə tɔkɔrɔ njaa ddəm aw bbəəl kəm dəw ang ddəm. Dəw kə̂ bo wase dəw kə̂ tɛn kara osoi tə̂ ang.

Matiye 27:63

n̂-paje nan: «Dəw kə̂ bo, jole məje to, dɔ ndɔ tə̂ kə̂ nje-kərə dəwje nəənn le nayn nɛ̂n kəm baa bbay le, n̂-pa nan: ‹Ndɔ mota go yo tə̂ ləm a, mâ ndol.›

Marke 12:14

N̂-ddee n̂-paje darəje Jeju le nan: «Nje-nɛ̂n-tɔju, n-gərə to aw pa tar kə̂ tɔkɔrɔ, aw tɔju ddəw lə Lubba ddəw tar tə̂ kə̂ tɔkɔrɔ. Aw bbəəl kəm dəw ang ddəm dəw kə̂ bo wase dəw kə̂ tɛn kara osoi tə̂ ang. Ə-pa arəje joo: Ndu arəje ddəw karə juka lambo jarə tɔkə mbay kə̂ Rɔm wase ta kuka ang wa? Ta juka wase juka ang wa?»

Tar kə̂ Maji kə̂ Jan dda makəturu tə̂ 7:12

Horo dəwje tə̂ kə̂ banya le, dəwje aw paje tar laa hɔy hɔy. Marɛ̂je paje nan: «N̂-to dəw kə̂ maji.» A marɛ̂je paje nan: «Ngəm, naw nərə dəwje.»

Kulaje 10:22

Dilaje tə̂ nan: «Kɔrnɛy kə̂ to nje-kɔn dɔ mbambaje â ulaje. N̂-to dəw kə̂ gatə gatə ngaâ naw bbəəl Lubba. Jiipije tɔyn aw paje tar laa maji. Anjə lə Lubba pa arɛ̂ karə n̂-bbari mə kəy tə̂ laa, karə noo tar kə̂ a ta pa karɛ̂.»

Kulaje 16:39

Yeenn bba, njê-gangəje sariya le ddeeje ddee wulje mə Pɔl de kə Silas, dɔrujede kəy-kula tə̂ le ngaâ n̂-dujujede karə dɔtuje mə bbe tə̂ le kə ddang.

Kulaje 22:12

«Marə dingaw kə̂ ria nan Ananiyas ee nunn, n̂-to dəw kə̂ aw bbəəl Lubba, naw ngəm ndu lə Mɔyijə. Jiipije tɔyn kə̂ mə bbe tə̂ənn aw paje tar laa maji.

Kulaje 24:5

Joo a, dingaw nəənn to dəw kə̂ maji ang nya. N̂-dda narə lo yəkə horo Jiipije tə̂ tɔyn kə̂ dɔ nangə tə̂. Ngaâ n̂-to marə mbay dɔ mbɔn-naan tə̂ lə dəwje kə̂ Najarɛtə kə̂ to mbɔn-naan kə̂ maji ang.

Kulaje 28:22

A jaw duji karə əi njaa ɔru gəl nɛ̂n kə̂ aw əjə arəje, mba n-gərə to loje tə̂ tɔyn, dəwje aw mbətəje kuwa-dɔ-naan kə̂ ee məɛ tə̂ nəənn to mbətə dɔrɔ.»

Kulaje 4:21

N̂-təlje dinje kə de bbay, a dinyajede mba dingaje marə tar kə̂ a kasə karəde ddəw karə duwaje nɛ̂n de ang. Mba dəwje tɔyn aw ɔsuje gaji Lubba mba nɛ̂n kə̂ to le.

Kulaje 5:13

Dəwje aw paje tar ləde maji njaa, a dəw kâra tay mba kandə horode tə̂ ang.

Kulaje 6:3

Be a, ngakɔnʼmje, maji karə ə-mbərəje dəwje siri horose tə̂ kə̂ dəwje aw paje tar ləde maji. Dəwje kə̂ Ndil-mə-nda kə kəm-karɛ ddusude arəje jinyaje kula nəənn jide tə̂.

Rɔmɛnje 3:8

Yeenn a, mba ddi â n-pa tokə marɛ̂je kə̂ aw paje nan: «Maji karə n-ddaje majang jarə nɛ̂n kə̂ maji ddee ddəwe tə̂» ang wa? Marɛ̂je kə̂ ndikije ta tuju rim paje nan əman njaa m-pa tarjeenn. Dedeenn le, dasəje karə Lubba gangə sariya dɔde tə̂.

2 Kɔrɛntinyɛje 1:18

Lubba njaa kara gərə to tar kə̂ n-pa jarəse le to «An än» ddəm «Ân an» ddəm ang.

2 Kɔrɛntinyɛje 11:21

To rɔ-kul ləm ta pa: Moo a, tokə nɛ̂n kə̂ n-toje to njê-yɔɔje njaa nyɔm. M-pa tar tokə nje-wooy, m-pa nan: Bbo dəw tay unda gue mba marə nɛ̂n a, əman kara, mâ tay kunda gum tɔ.

2 Kɔrɛntinyɛje 12:16

M-to nɛ̂n-koto dɔse tə̂ ang njaa. A marə dəwje paje nan, m-to nje-gusu, m-dda marə osoje jim tə̂ ddəw gusu tə̂.

2 Kɔrɛntinyɛje 4:2

Jaw mbətə nɛ̂n-rɔ-kulje kə̂ toje lo-kiyɛ̂ tə̂. Jaw jərə dəwje ang ddəm jaw turu tar lə Lubba ang ddəm. Jaw tɔju tar kə̂ tɔkɔrɔ bba karə kəm Lubba tə̂, dəwje tɔyn undaje kəjə ləde dɔje tə̂.

1 Tesalonisinyɛje 2:3

Tarje kə̂ jaw pa jarəse le ngəm ɔru ang ddəm nɛ̂n-yərəw ɔru ang ddəm kəjə kə̂ maji ang kâra ɔru ang ddəm.

1 Timɔte 3:7

Maji karə n̂-to dəw kə̂ dəwje kə̂ toje to njê-mə-kunnje ang paje tar laa maji bba. Baann bba dəwje a nanɛnje saa ang ngaâ nâ koso mə bandə tə̂ lə Əsu ang.

1 Timɔte 4:10

Jaw jooje ndoo wase jaw ddaje ddɔ mba məje kə̂ jundaje dɔ Lubba tə̂ kə̂ Nje-kisi kəm baa. Lubba kə̂ to Nje-kaji-dəwje tɔyn, uta tɔyn, n̂-to Nje-kaji njê-mə-kunnje.

Ebərəje 13:13

Yeenn a, maji karə n-teeje jawje rɔɛ̂ tə̂ ddaka, ta n-tɔ wurje jarə dəwje tajijeje saa tɔ.

1 Piyɛr 4:14

Bbo dəwje tajise mba nja kə̂ aw njaje go Kristə tə̂ a, maji arəse, mba Ndil lə Lubba kə̂ to Ndil piti to dɔse tə̂.

3 Jan 1:12

Demetrus to dəw kə̂ dəwje tɔyn paje tar laa maji. Tar kə̂ tɔkɔrɔ kə̂ naw nja ddəwe tə̂ kara pa tar-naji laa tɔ. Jeje kara jaw pa tar-naji laa kə majɛ̂. Ə-gərə to tar-naji ləje to tar kə̂ tɔkɔrɔ.

Apokalisi 3:9

Dəwje kə̂ eeje kəy mbɔn-naan tə̂ lə Satan aw ddaje rɔde to Jiipije, a n̂-toje to Jiipije ang. N̂-toje to njê-ngəmje. Mâ kungude mə jii tə̂ ngaâ mâ dda karə n̂-ddee dɔsuje məkəjə-gɔlde nɔin tə̂. Baann bba dâ gərəje to m-ndikii.