2 Kɔrɛntinyɛje 6:6 - Dɔnɔn kə̂ Siki: Tar kə̂ aw arə təbbə

⁶ A n-ngəm rɔje, n-tɔju nɛ̂n-gərə ləje, n-tɔ wurje, n-dda maji kə dəwje, Ndil-mə-nda umanje, n-ndiki dəwje kə məje tɔyn,

2 Kɔrɛntinyɛje 6:6 Iomraidhean Croise

Rɔmɛnje 12:9

Maji karə ə-ndikije dəwje kə mə-kâra. Maji karə ə-mbətəje nɛ̂n kə̂ maji ang, nɛ̂n kə̂ maji dɔrɔ â ə-ddaje.

Rɔmɛnje 15:19

ddəw nɛ̂n-mɔri tə̂, ddəw nɛ̂nje tə̂ kə̂ dum dɔ koo, ddəw singa-mɔngu tə̂ lə Ndil-mə-nda. Yeenn bba, unn kute Jerujalɛm ndərəng Iliri, mila mbər Tar kə̂ Maji lə Kristə kə nangə̂ baa.

1 Kɔrɛntinyɛje 12:8

Ndil aw arə marə dəw tar kəm-karɛ. Ndil kə̂ kâra baa le njaa tɔ â aw arə dəw tar nɛ̂n-gərə.

1 Kɔrɛntinyɛje 13:4

Ndiki to kore-wur, ndiki to dda maji, mə ddɛɛ̂ ang. Naw nunda gue ang ddəm noo rɔɛ̂ bo ang ddəm.

1 Kɔrɛntinyɛje 2:16

Mba Makəturu lə Lubba pa nan: «Nân â gərə kəjə lə Əbbə-dəwje wa? Nân â asə ndəjə Əbbə-dəwje wa?» A jeje, jeeje kə kəjə lə Kristə.

1 Kɔrɛntinyɛje 2:4

Tarje ləm kə nɛ̂n-tɔjuje ləm to tokə lə dəwje kə̂ aw unnje tar kəm-karɛ lə dəwje bba aw buje nɛ̂n njê-marədeje ang. Lubba â tɔju ddəw singa-mɔngu tə̂ lə Ndil-mə-nda to tarje ləm toje to tar kə̂ tɔkɔrɔ.

2 Kɔrɛntinyɛje 1:23

Kəm Lubba tə̂, m-pa tar kə̂ tɔkɔrɔ marəse. Bbo mərə ngəm a, narə moy kə ddang. M-təl maw Kɔrɛntə ang, mba m-ndiki ta kula kəmse ndoo tə̂ ang.

2 Kɔrɛntinyɛje 11:11

M-pa tar baann mba ddi wa? Mba to ndiki â m-ndikise ang wa? Lubba gərə to m-ndikise.

2 Kɔrɛntinyɛje 11:4

Mba bbo marə dəw ddee aw ila mbər tar lə marə Jeju dang kə Jeju kə̂ n-pa tar laa jarəse le wase ə-taaje marə ndil dang kə Ndil kə̂ ingaje dɔngɔr le wase n̂-ddee kə marə tar kə̂ maji dang kə ye kə̂ ə-taaje dɔngɔr le a, aw ndikije tə̂ saa kə majɛ̂.

2 Kɔrɛntinyɛje 11:6

M-gərə ta pa tar karə kura ang njaa. A nɛ̂n kə̂ ɔju dɔ nɛ̂n-gərə, tarɛ̂ to dang. N-tɔjuse nɛ̂n-gərə le ddaka baa mə nɛ̂nje tə̂ tɔyn.

2 Kɔrɛntinyɛje 12:15

Əman, m-ndiki ta tuju nɛ̂nje ləm ddəm ta tuju singam ddəm tɔyn mbase. Â ndikimje nya ang, mba ndiki kə̂ m-ndikise nya le wa?

2 Kɔrɛntinyɛje 13:10

Mba yeenn bba, kar kə̂ m-goto horose tə̂ le, m-dda makəturu nəənn marəse, bba karə bbo m-tee horose tə̂ a, m-pa tar kə singa singa kə se ang ngaa. Mba Əbbə-dəwje arəm singa ta dda karə ubbaje singa bbo ta tujuse ang.

2 Kɔrɛntinyɛje 2:10

Bbo ɔruje tar dɔ dəw tə̂ a, əman kara mɔru tar dɔɛ̂ tə̂ tɔ. Bbo mɔru tar dɔ dəw tə̂ le a, tar tɔyn kə̂ mɔru dɔɛ̂ tə̂ le, mɔru mba tar ləse kəm Kristə tə̂.

2 Kɔrɛntinyɛje 2:4

Makəturu kə̂ kete le, m-dda marəse kə mə-kɔn kə maann-nɔn, wurum a ta ti. Ta dda karə rɔse nəəlse ang bba m-dda nɛ̂n makəturu le marəse ang. M-dda karə ə-gərəje to m-ndikise nya.

2 Kɔrɛntinyɛje 3:3

Sese njaa ə-toje to makəturu kə̂ Kristə dda ngaâ ula jije jee njê-kulaje tə̂ arə n-ddee nɛ̂n. N̂-dda kə maann nɛ̂n-dda makəturu ang, n̂-dda kə Ndil lə Lubba kə̂ nje-kisi kəm baa. N̂-dda bəkərə-ər tə̂ ang. N̂-dda da-rɔse tə̂, bbəngərəse tə̂.

2 Kɔrɛntinyɛje 4:6

Mba Lubba kə̂ pa nan: «Maji karə lo ndoko lo tə̂ kə̂ ndul» le, ne njaa n̂-ndoko məje tə̂, ta dda karə joo ndoko laa kə̂ aw ndoko kəm Kristə tə̂.

2 Kɔrɛntinyɛje 7:2

Maji karə unnje məse arəjeje. Jeje, n-dda dəw maji ang kâra ang, n-tuju dəw kâra ang, jərə dəw kâra jusɛ̂ ddəw gusu tə̂ ang.

Galatəje 3:2

M-ndiki karə tar nəənn njaa ilamje tə̂: Ngəm kə̂ ə-ngəmje Ndu lə Mɔyijə â ingaje nɛ̂n Ndil-mə-nda wase mə-kunn â ingaje nɛ̂n Ndil-mə-nda le wa?

Galatəje 3:5

Lubba kə̂ arəse Ndil ngaâ aw dda nɛ̂n-mɔrije horose tə̂ le aw dda mba Ndu lə Mɔyijə kə̂ aw ngəmje wase mba mə-kunn wa?

Galatəje 5:22

A nɛ̂nje kə̂ Ndil-mə-nda aw ddee nɛ̂n to: Ndiki naan, rɔ-nəəl, mə-wul-lɔm, tɔ-wur, mə-maji, dda maji kə dəwje, mə-kunn,

Epɛjinyɛje 3:4

Aw turaje makəturu nəənn a, â kasəje ta gərə to nɛ̂nje lə Kristə kə̂ naynje lo-kiyɛ̂ tə̂ le m-gərə nya.

Epɛjinyɛje 4:2

Maji karə ə-ddaje rɔse ngaji, ə-wulje pee, ə-tɔje wurse ə-nginanje. Ə-tɔje wurse arəje naan ddəw ndiki naan tə̂.

Epɛjinyɛje 4:32

Maji karə ə-ddaje maji kə naan. Ooje ndoo lə naan. Ɔruje tar dɔ naan tə̂, tokə Lubba ɔru tar dɔse tə̂ ddəw tə̂ lə Kristə le.

Kolosinyɛje 1:27

N̂-ndiki ta dda bba karə dəwje laa le gərəje nɛ̂n kə̂ n̂-ngəm lo-kiyɛ̂ tə̂ le kə̂ to nɛ̂n-piti ddəm nɛ̂n-kinga ddəm horo dəwje tə̂ tɔyn. Nɛ̂n kə̂ n̂-ngəm lo-kiyɛ̂ tə̂ le â nəənn: Kristə kə̂ to məse tə̂ le, asəje ta kunda məse to â kingaje piti lə Lubba tɔ.

Kolosinyɛje 2:3

Lubba iya dam kəm-karɛ kə dam nɛ̂n-gərə rɔ Kristə tə̂.

Kolosinyɛje 3:12

Lubba â mbərəse arə ə-ddeeje to dəwje laa kə̂ n̂-ndikise nya. Yeenn bba, maji karə ooje ndoo lə dəwje, ə-ddaje maji kə dəwje, ə-ddaje rɔse ngaji, ə-wulje pee ngaâ ə-tɔje wurse.

1 Tesalonisinyɛje 2:10

Ə-toje to njê-tar-najije ləje, sese ddəm Lubba ddəm. Pa-nja ləje horose tə̂ see njê-mə-kunnje to pa-nja kə̂ nɛ̂n-yərəw ɔru ang, to pa-nja kə̂ gatə gatə, kə̂ tar to dɔɛ tə̂ ang.

1 Timɔte 4:12

Maji karə dəw ooi to ngonn baa kəmɛ̂ tə̂ ang. A maji karə njê-mə-kunnje ooije to nɛ̂n-kɔju-marɛ̂ ddəw tar tə̂ kə̂ tai tə̂, ddəw kula-ddai tə̂, ddəw ndiki tə̂ kə̂ ə-ndiki dəwje, ddəw məi tə̂ kə̂ unn arə Jeju kə ddəw rɔi tə̂ kə̂ aw ngəm kə majɛ̂.

1 Timɔte 5:2

Maji karə ə-ndəjə kɔn dɛnɛ̂nje tokə lə kɔinjedede. Ə-ndəjə dɛnɛ̂nje kə̂ naynje kə singade bbay kə mə-nda kayn tokə ngakɔn-nanni.

2 Timɔte 3:10

A əi, ə-gərə nɛ̂n-tɔjuje ləm, pa-nja ləm, nɛ̂nje kə̂ bboe to məm tə̂ ta dda, mə-kunn ləm, kore-wur ləm, ndiki kə̂ m-ndiki dəwje kə kuwa kə̂ muwa marə ngəng.

2 Timɔte 4:2

karə ila mbər tar lə Lubba, ə-təl dɔɛ̂ tə̂ kə kar tɔyn kə kar kə̂ maji ddəm maji ang ddəm. Maji karə ə-tɔjude majang ləde, ə-ndangəde, ə-dda arə dubbaje singa. Maji karə ə-tɔ wuri ddəwe tə̂ ta arə bbo nɛ̂n-tɔju ddai.

Titə 2:7

mə nɛ̂nje tə̂ tɔyn. Əi njaa kara, maji karə ə-to nɛ̂n-kɔju-marɛ̂ ddəw kula-ddai tə̂ kə̂ maji. Ə-tɔju nɛ̂n kə dɔgɔlɛ̂ ta ə-ndam nɛ̂n ang.

Jakə 3:17

A kete njaa kara, kəm-karɛ kə̂ in darâ to nɛ̂n-yərəw ang, to kəm-karɛ kə̂ aw dda arə mə-wul-lɔm to horo dəwje tə̂, aw dda arə dəwje wulje pee, dəwje ooje ta naan, dəwje ddaje kula kə̂ maji. Kəm-karɛ le dda arə dəwje ɔruje kəm naan ang, dəwje ooje kəm-to-ndoo lə naan ddəm n̂-ddaje nɛ̂n mba kəm dəwje ang ddəm.

1 Piyɛr 1:12

Lubba pa kə ddaka arə njê-kilaje mbər tar le to tarje le to mba dede njaa ang. Tarjeenn le toje mbase. Njê-kilaje mbər Tar kə̂ Maji â ilaje mbər tar nəənn le arəse bbasinɛn nəənn. N̂-paje tarɛ̂ darəse ddəw singa-mɔngu tə̂ lə Ndil-mə-nda kə̂ Lubba ulɛ̂ arə nin darâ n̂-ddee le. Anjəje kara ndikije ta gərə tar nəənn le tɔ.

1 Piyɛr 1:22

Maji karə ə-ddaje nɛ̂n ddəw tar tə̂ kə̂ tɔkɔrɔ, arəje nɛ̂n-yərəw ɔruse ang mba ndiki nɛ̂n ngakɔnse tokə tɔkɔrɔ tə̂ njaa. Yeenn a, maji karə ə-ndikije naan kə mə-kâra kə ndɔ tɔyn.

1 Jan 3:18

Ngannje, maji karə n-ndikije naan kə tar kə̂ taje tə̂ baa ang. Maji karə n-ndikije naan ddəw dda marə nɛ̂n tə̂ kə ddəw ndiki tə̂ kə̂ tɔkɔrɔ.