2 Kɔrɛntinyɛje 6:5 - Dɔnɔn kə̂ Siki: Tar kə̂ aw arə təbbə

⁵ Dəwje tundajeje, dilajeje kəy-kula tə̂, wooy dda dəwje dɔje tə̂, kula ɔru singaje, n̂-ddaje darə n-tibbi ang, joso labbə.

2 Kɔrɛntinyɛje 6:5 Iomraidhean Croise

Matiye 14:10

Yeenn bba, nula kəy-kula tə̂ narə n̂-gangə dɔ Jan le.

Matiye 14:3

Ləw, Erodə Antipas arə duwa Jan n̂-tɔɛ̂ dilɛ̂ kəy-kula tə̂ mba Erodiyadə kə̂ to dɛnɛ̂n lə ngokɔɛ̂n Pilipi.

Matiye 9:15

Jeju ilade tə̂ nan: «Əjəje to dəwje kə̂ n̂-bbarde kusu taa-naan tə̂ a kɔkuje rɔde nɛ̂n-kusa kar tə̂ kə̂ nje-dɛnɛ̂n le isi kə de wa? Baann ang. Marə ndɔje aw ddee kə̂ dâ kunn nje-dɛnɛ̂n le kə ddang. Yeenn a, dâ kɔkuje rɔde nɛ̂n-kusa bbay.»

Kulaje 13:3

Yeenn bba, dɔkuje rɔde nɛ̂n-kusa ngaâ n̂-dujuje Lubba ngaâ goe tə̂, dilaje jide dɔde tə̂ ngaâ dinyade darə dɔtuje.

Kulaje 14:19

Jiipije kə̂ inje Antiyos kə Ikoniyɔm ddaje arə dəwje kə̂ banya le unnje gode. N̂-tilaje Pɔl kə ər ta tɔlɛ̂ ngaâ n̂-ndɔrɛ̂je n̂-teeje saa mə bbe tə̂ kə ddang, mba dɔjuje to noy mban.

Kulaje 14:23

Mə Egilisije tə̂ tɔyn kə̂ n̂-teeje tə̂, n̂-dda marə njê-mə-kunnje to dəwje kə̂ dɔ Egilisi tə̂ le, dɔkuje rɔde nɛ̂n-kusa, n̂-dujuje Lubba dɔde tə̂ ngaâ dinyajede ji Əbbə-dəwje tə̂ kə̂ dunda mə-kunn ləde dɔɛ̂ tə̂ le.

Kulaje 17:5

A Jiipije kə̂ mə ddade mbɔnje dəwje kə̂ toje to njê-dɔ-gotoje kə̂ aw njaje go ddəw tə̂ baa, dɔsuje kutu dəwje kə̂ banya ngaâ n̂-yəkəje lo darə ddekeke goto mə bbe tə̂ le.

Kulaje 20:31

Maji karə undaje kəmse dɔ rɔse tə̂, oleje məse to bbal mota njaa, til tə̂ ddəm karâ ddəm m-ndəjəse kâra kâra tɔyn kə maann-nɔn kəmʼm tə̂.

Kulaje 23:10

Tar le aw kə kete kete arə mbay lə mbambaje le bbəəl mba kin karə dəwje le inje uruje dɔ Pɔl tə̂ jakatɛ̂je. Yeenn bba, nunn ndu narə mbambaje aw ɔruje Pɔl horode tə̂ teeje saa aw saa mə ndoko tə̂ lə mbambaje.

Kulaje 23:35

Mbay le pa nan: «Ndɔ kə̂ dəwje kə̂ undaje tar dɔi tə̂ le ddeeje bba mâ koo tar ləi.» Nunn ndu karə n̂-ngəm Pɔl mə kəy-mbay tə̂ lə Erodə.

Kulaje 24:27

Bbal joo nday a, Pɔrsiyus Pestus ɔn mbay turu Peliksə tə̂. A Peliksə le ndiki ta nəəl kəm Jiipije tə̂ arə narə Pɔl nayn kəy-kula tə̂.

Kulaje 26:10

M-dda nɛ̂ɛnn le Jerujalɛm. Mbayje lə njê-poloje Lubba arəmje ddəw arə əman kə da-rɔm njaa mungu njê-mə-kunnje nya kəy-kula tə̂ ngaâ bbo daw ta tɔlde a, m-ndiki tə̂ tɔ.

Kulaje 26:29

Pɔl pa arɛ̂ nan: «Kə̂ bbasinɛn nəənn wase marə ndɔ tə̂ kâra, mâ duju Lubba karə əi ddəm see dəwje tɔyn kə̂ aw ooje tar ləm bbokənɛn nəənn ddəm ə-ddeeje tokə əman. A m-ndiki ta karə n̂-tɔse kə kula njamji tokə əman nəənn ang.»

Kulaje 28:30

Pɔl dda bbal joo tɔyn njaa kəy tə̂ kə̂ nuka kə narɛ laa njaa. Naw taa dəwje tɔyn kə̂ ddeeje aw ooeje kə rɔɛ̂ tə̂.

Kulaje 5:18

duwaje njê-kaw-kulaje le dungujede kəy-kula tə̂ kə̂ to mba dəwje tɔyn.

1 Kɔrɛntinyɛje 15:10

A ddəw mə-maji tə̂ lə Lubba â m-ddee tokə be nəənn. Mə-maji laa kə̂ n̂-dda səm le to baa njaa baann ang. M-dda kula nya muta kəsə njê-kaw-kulaje tɔyn. Əman njaa m-dda kula le dɔ singam tə̂ ang, mə-maji lə Lubba le â dda kula ddəw tə̂ ləm.

1 Kɔrɛntinyɛje 4:11

Ndərəng kar tə̂ nəənn, bbo aw ddaje, kunda aw ɔnje, kubbu aw goto rɔje tə̂, dəwje aw ddajeje maji ang, jaw nja taar jəm jəm,

1 Kɔrɛntinyɛje 7:5

Maji karə ɔkuje naan rɔse ang. Bbo ooje ta naan mba marə kar ta duju Lubba a, goe tə̂, ə-təlje rɔ naan tə̂ nan Satan a kin nanse, mba â gərəje ta tɔ bbo kə̂ da-rɔse tə̂ ang.

2 Kɔrɛntinyɛje 11:27

Maw dda kulaje kə̂ aw ɔru singam. Nya njaa bbi ɔru kəm ang. Bbo nɛ̂n-kusa kə kunda maann aw tɔləm. Nya njaa maw mɔku rɔm nɛ̂n-kusa mba duju Lubba. Kul tɔləm ddəm kubbu dum ddəm.

Epɛjinyɛje 3:1

Mba yeenn bba, əman Pɔl, dilam kəy-kula tə̂ mba tar lə Jeju-Kristə kə̂ maw mila mbəre marəse, see dəwje kə̂ ə-toje to Jiipije ang.

Pilipinyɛje 1:13

Mba dəwje tɔyn kə̂ aw ddaje kula kə̂y mbay tə̂ wase dəwje tɔyn kə lo lo gərəje to dilam kəy-kula tə̂ ɔju dɔ tar lə Kristə.

1 Tesalonisinyɛje 2:9

Ngakɔnje, oleje məse dɔ kulaje tə̂ ləje kə dɔ ndoo tə̂ kə̂ joo. Til kə kar, n-dda kula bba ta ddee to nɛ̂n-koto dɔ dəw tə̂ kâra horose tə̂ ang. Baann â jila nɛ̂n mbər Tar kə̂ Maji lə Lubba jarəse.

1 Timɔte 4:10

Jaw jooje ndoo wase jaw ddaje ddɔ mba məje kə̂ jundaje dɔ Lubba tə̂ kə̂ Nje-kisi kəm baa. Lubba kə̂ to Nje-kaji-dəwje tɔyn, uta tɔyn, n̂-to Nje-kaji njê-mə-kunnje.

2 Timɔte 1:8

Yeenn bba, maji karə ə-dda rɔ-kul ta pa tar-naji lə Əbbə-dəwje karə dəwje ang ddəm ə-dda rɔ-kul ləm, əman kə̂ dilam kəy-kula tə̂ mbɛɛ̂ le ang ddəm. A maji karə oo səm ndoo mba Tar kə̂ Maji ddəw singa tə̂ kə̂ Lubba arəje.

2 Timɔte 2:9

Tar kə̂ Maji le â moo ndoo mbɛɛ̂ ndərəng n̂-tɔm dilam kəy-kula tə̂ tokə lə nje-nɛ̂n-dda kə̂ maji ang. A tar lə Lubba â n̂-tɔ ang.

2 Timɔte 4:5

A əi, maji karə ə-gərə dɔ jii ddəw nɛ̂nje tə̂ tɔyn, ə-tɔ wuri mə nɛ̂n kəm-to-ndooje tə̂, ila mbər Tar kə̂ Maji. Ə-dda kula lə Lubba kə majɛ̂.

Ebərəje 11:36

Marɛ̂je dɔjude n̂-koko nɛ̂n, n̂-tundade kə ndəy. N̂-tɔ marɛ̂je kə kula njamji ngaâ dungude kəy-kula tə̂.

Ebərəje 13:17

Maji karə ooje ta dəwje kə̂ aw tɔjuse ddəw ngaâ ə-bbəəljede. Mba daw dundaje kəmde dɔse tə̂. Ngaâ a to tar ləde ta pa go nɛ̂n tɔyn dɔse tə̂ nɔn Lubba tə̂. Maji karə ə-ddaje arə n̂-ddaje kula ləde kə rɔ-nəəl bbo kə kəm-rɔ ang, mba a kumanse kâra ang.

Ebərəje 13:23

M-ndiki ta karə ə-gərəje to dɔru ngokɔnje Timɔte kəy-kula tə̂ mban. Bbo n̂-ddee njangə a, əman je saa ja kaw koose.

Apokalisi 2:10

 koo ndoo, a arə bbəəle ddai ang. Əsu a kila marə dəwje ləse kəy-kula tə̂ mba nan nɛ̂n se. Dâ dda singa kə se ndɔ dɔku. Maji karə uwa arə ngəng ndərəng oy nɛ̂n a, mâ kari təbbə kə̂ to kə ndɔ kə ndɔ to əjɔkudɔ.