2 Kɔrɛntinyɛje 6:10 - Dɔnɔn kə̂ Siki: Tar kə̂ aw arə təbbə

¹⁰ Dəwje aw ddaje arə rɔje nəəlje ang, a jaw jisi kə rɔ-nəəl kə ndɔ tɔyn. Dəwje aw oojeje to njê-ndooje, a jaw dda jarə dəwje nya aw ddeeje to njê-nɛ̂n-kingaje. Dəwje oojeje to marə nɛ̂n ləje goto, a jee kə nɛ̂n tɔyn.

2 Kɔrɛntinyɛje 6:10 Iomraidhean Croise

Matiye 5:12

Ə-ddaje rɔ-nəəl, arəje rɔ-nəəl ləse uta dɔɛ̂, mba kuka ləse kə̂ darâ a bo nya. Njê-kilaje mbər tar lə Lubba kə̂ toje kete arəse kara, n̂-ddaje singa kə de tokə baann tɔ.»

Matiye 5:4

Maji arəse, see dəwje kə̂ aw nɔnje, mba Lubba a wul məse.

Luku 6:21

Maji arəse, see njê kə̂ bbo aw ddase, mba məse a ndann! Maji arəse, see njê kə̂ aw nɔnje bbasinɛn, mba â kokoje!

Tar kə̂ Maji kə̂ Jan dda makəturu tə̂ 16:22

Sese kara, bbasinɛn rɔse nəəlse ang. A mâ təl koose. Rɔ-nəəl ləse a kuta dɔɛ̂ ngaâ dəw kâra a kasə kɔru rɔ-nəəl ləse le kə ddang ang.

Kulaje 16:25

Lo mɔngu nyɛnɛnɛ a, Pɔl de kə Silas daw dujuje Lubba ddəm daw dɔsuje pa n̂-walje nɛ̂n Lubba ddəm ngaâ kəsə dəwje kə̂ duwade le aw ooje ndude.

Kulaje 3:6

A Piyɛr pa arɛ̂ nan: «Andə wase narɛ to rɔm tə̂ ta kari ang. A nɛ̂n kə̂ to rɔm tə̂ â nəənn â mari: Kə ri Jeju-Kristə kə̂ Najarɛtə, in taar ə-nja!»

Kulaje 5:41

Njê-kaw-kulaje le inje lo gangə sariya tə̂ lə Jiipije le teeje ddaka kə rɔ-nəəl, mba Lubba oode to dəwje kə̂ asə karə dula kəmde ndoo tə̂ mba ri Jeju.

Rɔmɛnje 11:12

Mbal dɔ majang kə̂ ngann Ijarayɛlje ddaje â dəwje kə̂ toje to Jiipije ang ingaje nɛ̂n nɛ̂n kə̂ maji ngaâ koso ləde dda arə dəwje kə̂ toje to Jiipije ang ingaje nɛ̂nje kə̂ maji. Bbo Jiipije tɔyn ooje məde tə̂ kə Jeju a, nɛ̂nje kə̂ maji kə̂ a ddeeje goe tə̂ a bo nya.

Rɔmɛnje 12:15

Maji karə ə-ddaje rɔ-nəəl kə njê kə̂ aw ddaje rɔ-nəəl, ə-nɔnje kə njê kə̂ aw nɔnje.

Rɔmɛnje 15:13

Maji karə Lubba kə̂ aw dda bba dəwje aw undaje məde dɔ marə nɛ̂n tə̂ arə rɔ-nəəl kə mə-wul-lɔm ddusu məse ddəw mə-kunn tə̂. Baann bba â kundaje məse nya dɔ nɛ̂n tə̂ənn le ddəw singa-mɔngu tə̂ lə Ndil-mə-nda.

Rɔmɛnje 8:32

Lubba kə̂ ɔku Ngonnɛ̂ ang, a unnɛ̂ ulɛ̂ ji dəwje tə̂ arə tɔlɛ̂ mba tar ləje tɔyn le a karəje nɛ̂n tɔyn kâra baa kə ngonnɛ̂ le ang tokə baânn wa?

Rɔmɛnje 9:2

Mba rɔm nəələm ang ngaâ bbəngərəm aw ti kə ndɔ tɔyn.

1 Kɔrɛntinyɛje 1:5

Mba, ddəw tə̂ lə Jeju-Kristə le bba ingaje nɛ̂n nɛ̂n-kingaje tɔyn, narəse gusu pa-tar kə gusu nɛ̂n-gərə.

2 Kɔrɛntinyɛje 2:4

Makəturu kə̂ kete le, m-dda marəse kə mə-kɔn kə maann-nɔn, wurum a ta ti. Ta dda karə rɔse nəəlse ang bba m-dda nɛ̂n makəturu le marəse ang. M-dda karə ə-gərəje to m-ndikise nya.

2 Kɔrɛntinyɛje 4:15

Nɛ̂nje tɔyn kə̂ aw ingajeje, ingajeje mbase. Baann bba karə bbo Lubba aw dda mə-maji nya nya kə dəwje a, dəwje arəje wooyo Lubba nya tɔ ngaâ piteje.

2 Kɔrɛntinyɛje 4:7

A nɛ̂n-kinga kə̂ ngəng nəənn le to rɔje tə̂ tokə jo anji, bba karə dəwje gərəje to singa-mɔngu kə̂ garɛ̂ goto nəənn le in rɔ Lubba tə̂ bbo in rɔje tə̂ ang.

2 Kɔrɛntinyɛje 8:9

Mba ə-gərəje mə-maji lə Əbbəjeje Jeju-Kristə kə̂ to nje-nɛ̂n-kinga, bba təl dda rɔɛ̂ to nje-ndoo mba tar ləse, bba karə ndoo laa dda arə ə-ddeeje to njê-nɛ̂n-kingaje.

Epɛjinyɛje 3:16

M-duje nya karə ddəw piti tə̂ laa kə̂ uta dɔɛ̂, narəse singa nya məse tə̂ ddəw tə̂ lə Ndil-mə-nda.

Epɛjinyɛje 3:8

Əman, m-to tɛn baa nya horo dəwje tə̂ lə Lubba tɔyn. A n̂-dda səm mə-maji karə mila mbər tar lə Kristə, kə̂ to nɛ̂n-kinga kə̂ uta nɛ̂n-kingaje tɔyn marə dəwje kə̂ toje to Jiipije ang.

Pilipinyɛje 2:17

Le mə-kunn ləse aw dda arə aw ddaje kula arəje Lubba to nɛ̂n-polo njaa kara, əman, bbo n̂-tɔləm a, rɔm a nəələm, mba məsəm a to nɛ̂n-polo dɔ marɛ̂ tə̂ ləse ngaâ mâ dda rɔ-nəəl kə se.

Pilipinyɛje 4:4

Maji karə ə-ddaje rɔ-nəəl kə ndɔ tɔyn, mba ə-toje to dəwje lə Əbbə-dəwje. M-təl m-pa bbay, ə-ddaje rɔ-nəəl.

Kolosinyɛje 1:24

Bbasinɛn maw dda rɔ-nəəl mba ndoo kə̂ maw moo mba tar ləse. Ngaâ, maw moo kəsə ndoo lə Kristə mba Egilisi kə̂ to da-rɔɛ̂.

Kolosinyɛje 3:16

Maji karə tar lə Kristə kə̂ nɛ̂nje kə̂ maji to məɛ tə̂ nayn horose tə̂ nya nya. Maji karə ə-tɔjuje naan nɛ̂n ddəm ə-ndəjəje naan ddəm kə kəm-karɛ tɔyn. Ɔsuje paje dang dang kə məse tɔyn ə-walje nɛ̂n Lubba ddəw tə̂ lə Ndil-mə-nda mba majije kə̂ n̂-dda kə se.

1 Tesalonisinyɛje 1:6

Sese le, ə-ddaje nɛ̂n tokə jeje ddəm ə-ddaje nɛ̂n tokə lə Əbbə-dəwje ddəm mba mə nɛ̂n-singaje tə̂ kə̂ ingase, ə-taaje tar le kə rɔ-nəəl kə̂ Ndil-mə-nda arəse.

1 Tesalonisinyɛje 5:16

Ndɔ tɔyn njaa, maji karə rɔse nəəlse,

1 Timɔte 4:8

Kunn rɔ kila ndam-singa tə̂ to nɛ̂n kə̂ dda maji njaa, a dda maji ddəw nɛ̂nje tə̂ nya ang. A kunn rɔ karə Lubba to nɛ̂n kə̂ dda maji ddəw nɛ̂nje tə̂ tɔyn. Kunn rɔ karə Lubba le ndu-kunn mba kisi nɛ̂n kə təbbə kə̂ to ndɔ tə̂ kə̂ bbokonɛn ddəm ndɔ tə̂ kə̂ aw ddee ddəm to tə̂.

1 Timɔte 6:18

Maji karə ə-pa arə n̂-ddaje maji, n̂-ddaje kula kə̂ maji nya, arə dɔsuje ngar kə mə-kâra ngaâ n̂-kaynje dəwje dəbbə nɛ̂n-kingaje ləde.

Ebərəje 10:34

Ngaâ ooje kəm-to-ndoo lə njê kə̂ dungude kəy-kula tə̂. A bbo duwa nɛ̂nje ləse n̂-taaje a, aw ndikije tə̂ kə rɔ-nəəl. Mba ə-gərəje to eeje kə nɛ̂n-kingaje kə̂ maji uta yejeenn ddəm nɛ̂n-kingaje kə̂ a toje kə ndɔ kə ndɔ ddəm.

Jakə 2:5

Ngakɔnʼmje kə̂ m-ndikise nya, ooje tar nəənn: Lubba mbərə dəwje kə̂ dəwje kə̂ duninya tə̂ nəənn oojede to njê-ndooje, ta karə n̂-ddeeje to njê-nɛ̂n-kingaje ddəw mə-kunn tə̂ ddəm ta karə Bbe-kɔn kə̂ Lubba unn ndue ta karə dəwje kə̂ ndikeje le ddee to ləde ddəm.

1 Piyɛr 4:13

A maji karə ə-ddaje rɔ-nəəl, mba aw ooje ndoo kə Kristə, ta bbo ndɔ kə̂ ooje piti laa a, sese kara rɔse nəəlse nya.

Apokalisi 2:9

M-gərə nɛ̂n-singaje kə̂ aw ingai kə ndoo kə̂ ə-ndoo. A kə̂ tɔkɔrɔ tə̂, ə-to nje-nɛ̂n-kinga. M-gərə tarje kə̂ maji ang kə̂ dəwje kə̂ toje to Jiipije ang, a aw ddaje rɔde to Jiipije aw paje dɔi tə̂. N̂-toje to dəwje kə̂ mə mbɔn-naan tə̂ lə Satan.

Apokalisi 21:7

Dəw kə̂ tətə ddɔ a, mâ karə nɛ̂njeenn le ddeeje to laa. Mâ to Lubba laa ngaâ nâ to ngonnəm.