2 Kɔrɛntinyɛje 5:9 - Dɔnɔn kə̂ Siki: Tar kə̂ aw arə təbbə

⁹ Mba yeenn bba, le n-nayn mə da-rɔ tə̂ nəənn wase n-tee mə tə̂ kə ddang kara, nɛ̂n kə̂ n-ndiki to, karə nooje maji kəmɛ̂ tə̂.

2 Kɔrɛntinyɛje 5:9 Iomraidhean Croise

Tar kə̂ Maji kə̂ Jan dda makəturu tə̂ 6:27

Maji karə nɛ̂n-kusa kə̂ aw tuju â ə-ddaje kula mbɛɛ̂ ang. Maji karə ə-ddaje kula mba nɛ̂n-kusa kə̂ aw to kə ndɔ kə ndɔ ngaâ aw arə təbbə kə̂ to kə ndɔ kə ndɔ. Nɛ̂n-kusa kə̂ to kə ndɔ kə ndɔ le Ngonn lə dəw â, a karəse. Mba, ne â Lubba kə̂ Bɔ arɛ̂ singa.»

Kulaje 10:35

Horo gəl-dəwje tə̂ tɔyn, dəw kə̂ bbəəl Lubba ddəm dda nɛ̂n kə̂ gatə gatə ddəm a, a ddee maji kəm Lubba tə̂.

Rɔmɛnje 14:18

Dəw kə̂ dda kə Kristə kə ddəw kə̂ tokə baann a, nəəl kəm Lubba tə̂ ddəm dəwje piteje ddəm.

Rɔmɛnje 14:8

Bbo jaw jisije kəm baa a, jaw jisije kəm baa mba Əbbə-dəwje. Le joyje njaa kara, joyje mba Əbbə-dəwje. Yeenn a, le jisije kəm baa wase joyje njaa kara n-toje to ənga Əbbə-dəwje.

Rɔmɛnje 15:20

Nɛ̂n kə̂ nəələm to lo kə̂ dəwje gərəje Kristə tə̂ ang bba m-ndiki ta kila mbər Tar kə̂ Maji le tə̂, mba m-ndiki ta kunn ta kula kə̂ dəw kə̂ dang â unda gɔlɛ̂ nangə̂ ang.

1 Kɔrɛntinyɛje 15:58

Yeenn a, ngakɔnʼmje kə̂ m-ndikise nya, uwaje arə ngəng, arəje nɛ̂n yəkəse ang. Ə-ddaje arə kula lə Əbbə-dəwje aw kə kete kete bbo inyaje ddəwe ang, mba ə-gərəje kə majɛ̂ to kula kə̂ aw ddaje ddəw mə-kâra tə̂ kə Əbbə-dəwje a to baa ang.

2 Kɔrɛntinyɛje 5:6

Yeenn a, rɔje nayn oy njururu ang bbay. A n-gərə to, kar kə̂ n-naynje mə da-rɔ tə̂ nəənn bbay le, jisi ddəw əw kə Əbbə-dəwje.

2 Kɔrɛntinyɛje 5:8

Tɔkɔrɔ njaa, rɔje oy njururu ang bbay ngaâ n-ndiki nya ta kinya da-rɔje nəənn le ta kaw kisi mbɔr Əbbə-dəwje tə̂.

Epɛjinyɛje 1:6

Yeenn a, maji karə jɔsuje gaji Lubba mba mə-maji kə̂ n̂-dda kə je kə nangə̂ baa, ddəw tə̂ lə Ngonnɛ̂ kə̂ n̂-ndike nya.

Kolosinyɛje 1:10

Yeenn bba pa-nja ləse a to tokə ye kə̂ Əbbə-dəwje ndiki ngaâ â ddaje nɛ̂n kə̂ nəəle kə ndɔ tɔyn. Â ddaje kulaje kə̂ maji dang dang ngaâ â gərəje Lubba kə kete kete.

Kolosinyɛje 1:29

Mba yeenn bba maw dda kula ddəm maw dda ddɔ ddəm ddəw singa tə̂ kə̂ Kristə arəm ngaâ aw dda kula rɔm tə̂ ngəng nya.

1 Tesalonisinyɛje 4:1

Kəsə tar ləje tokə be: Ngakɔnje, n-tɔjuse ddəw kə̂ ta nja nɛ̂n karə nəəl kəm Lubba tə̂. To nɛ̂n kə̂ aw ddaje mban. A n-dujuse ddəm n-ndəjəse ddəm kə ri Əbbəjeje Jeju karə awje nɛ̂n kə kete kete.

1 Tesalonisinyɛje 4:11

Maji karə ə-sangəje ddəw ta kisi kə mə-wul-lɔm, ta undaje kəmse kə dɔ nɛ̂nje tə̂ ləse njaa, ta ə-ddaje kula kə jise njaa ddəw kâra baa kə ndu kə̂ junn jarəse.

1 Timɔte 4:10

Jaw jooje ndoo wase jaw ddaje ddɔ mba məje kə̂ jundaje dɔ Lubba tə̂ kə̂ Nje-kisi kəm baa. Lubba kə̂ to Nje-kaji-dəwje tɔyn, uta tɔyn, n̂-to Nje-kaji njê-mə-kunnje.

Ebərəje 12:28

Lubba aw arəje Bbe-kɔn kə̂ nɛ̂n a kasə ta yəkə ang. Yeenn bba, maji karə jarɛ̂je wooyo ngaâ n-poleje kə ddəw kə̂ a karɛ̂ rɔ-nəəl, n-ngəmje rɔje mba tar laa ddəm n-bbəəleje ddəm.

Ebərəje 4:11

Mba yeenn bba, maji karə n-ddaje singa ta tee lo kuwa-rɔ tə̂ le. Baann bba dəw kâra horoje tə̂ a koso tokə lə kajejedede kə̂ ddaje dɔ-kətərə le ang.

2 Piyɛr 3:14

Mba yeenn bba, ngakɔnʼmje kə̂ m-ndikise nya, kar tə̂ kə̂ aw nginanje ndɔ le bbay le, maji karə ə-ddaje singa karə marə nɛ̂n-yərəw ɔruse ang ddəm karə marə tar to dɔse tə̂ ang ddəm ngaâ ta ə-naynje kə mə-wul-lɔm kə Lubba.