2 Kɔrɛntinyɛje 5:21 - Dɔnɔn kə̂ Siki: Tar kə̂ aw arə təbbə

²¹ Kristə dda majang kâra ang. A Lubba arə noto majang ləje. Yeenn bba karə n-ddeeje to dəwje kə̂ gatə gatə kəm Lubba tə̂ ddəw tə̂ lə Kristə.

2 Kɔrɛntinyɛje 5:21 Iomraidhean Croise

Luku 1:35

Anjə le ilɛ̂ tə̂ nan: «Ndil-mə-nda a ddee dɔi tə̂ ngaâ ndil singa-mɔngu lə Nje-kisi ddutu dara tə̂ a dəbbə dɔi tə̂. Mba yeenn bba Ngonn kə̂ maji tɔyn kə̂ â kuje le, dâ bbarɛ̂ nan Ngonn lə Lubba.

Kulaje 3:14

Ə-mbətəje dəw kə̂ maji tɔyn, dəw kə̂ gatə gatə ngaâ ə-dujuje arə dɔru nje-tɔl dəwje kəy-kula tə̂ darəse.

Rɔmɛnje 1:17

Tar kə̂ Maji le tɔju ddəw kə̂ Lubba aw dda arə dəwje aw ddeeje nɛ̂n gatə gatə kəmɛ̂ tə̂ kə ddaka: Ddəw mə-kunn tə̂ kâra baa, kunn-kutu nɛ̂n tə̂ ndərəng kɔnyɛ̂ tə̂. Ddəw kâra baa tokə makəturu lə Lubba pa nan: «Dəw kə̂ ddee gatə gatə ddəw mə-kunn tə̂ a kisi kə təbbə.»

Rɔmɛnje 4:25

Jeju le, dilɛ̂ ji dəwje tə̂ darə n̂-tɔlɛ̂je mba majang ləje ngaâ Lubba arə n̂-ndol bba karə Lubba oo nɛ̂n je to dəwje kə̂ gatə gatə.

Rɔmɛnje 5:19

Dəwje nya ddeeje to njê-nɛ̂n-ddaje kə̂ maji ang ddəw tə̂ lə dəw kâra kə̂ aal ta Lubba. Ddəw kâra baa, dəwje nya ddeeje gatə gatə kəm Lubba tə̂ ddəw tə̂ lə dəw kâra kə̂ oo ta Lubba.

1 Kɔrɛntinyɛje 1:30

Ddəw mə-maji tə̂ lə Lubba â ə-ddaje nɛ̂n mə-kâra kə Jeju-Kristə kə̂ to kəm-karɛ kə̂ in rɔ Lubba tə̂. Kristə le dda arə n-ddeeje gatə gatə kəm Lubba tə̂, narə n-ngəm rɔje dang ngaâ nɔruje mə-majang tə̂.

2 Kɔrɛntinyɛje 5:17

Mba yeenn bba, bbo dəw dda mə-kâra kə Kristə a, dəw le ddee to dəw kə̂ n̂-ddɛɛ̂ tokə siki ngaa. Nɛ̂nje kə̂ ləw ndayje mban, a ooje: Nɛ̂n kə̂ siki ddee ngaa.

Galatəje 3:13

A Kristə ɔruje kɔ ndu-ndɔɔl tə̂ kə̂ Ndu ddee nɛ̂n dɔje tə̂ mban, n̂-ddee to dəw kə̂ ndu-ndɔɔl to dɔɛ̂ tə̂ ɔju dɔje. Mba Makəturu lə Lubba pa nan: «Dəw kə̂ n̂-tɔɛ̂ kakə tə̂ n̂-tɔlɛ̂ to dəw kə̂ ndu-ndɔɔl to dɔɛ̂ tə̂.»

Epɛjinyɛje 5:2

Ə-ndikije njê-marəse tokə Kristə ndikije ngaâ unn təbbə laa arə Lubba to nɛ̂n-karə-baa ddəm to nɛ̂n-polo kə̂ tokə dukann kə̂ ətə maji ddəm.

Pilipinyɛje 3:9

ngaâ m-dda mə-kâra saa. M-ddee gatə gatə mba məm kə̂ munn marə Kristə bbo mba ngəm kə̂ m-ngəm ndu lə Mɔyijə le ang. Lubba â to nje-karə ddəw dəw karə ddee to dəw kə̂ gatə gatə, tokə dəw le unn məɛ̂ arɛ̂.

Ebərəje 4:15

Tɔkə nje-polo Lubba ləje le, nɛ̂nje kə̂ jubbaje singa tə̂ ang a, nasə ta koo ndoo kə je ddəwe tə̂. Mba n̂-nɛɛ̂n mə nɛ̂nje tə̂ tɔyn tokə jeje njaa tɔ, a ne n̂-dda majang kâra ang.

Ebərəje 7:26

Yeenn a, Jeju â to tɔkə nje-polo Lubba kə̂ maji karə jingaje. N̂-maji tɔyn, nɛ̂n-yərəw kâra ɔrɛ̂ ang, n̂-dda majang ang. Lubba undɛ̂ dang kə njê-nɛ̂n-ddaje kə̂ maji ang ngaâ aw undɛ̂ ddutu dara tə̂ nu.

1 Piyɛr 3:18

Mba Kristə le njaa oy gɔl kâra baa mba majangje lə dəwje. Ne kə̂ n̂-to gatə gatə, noy mba dəwje kə̂ toje gatə gatə ang, mba kaw kə se rɔ Lubba tə̂. Dəwje tɔl da-rɔɛ̂, a Lubba ndole arə n̂-təl nisi kəm baa ddəw tə̂ lə Ndil-mə-nda.

1 Jan 3:5

A ə-gərəje to Jeju-Kristə ddee mba kɔru majangje lə dəwje, majang kâra to rɔɛ̂ tə̂ ang.