2 Kɔrɛntinyɛje 5:18 - Dɔnɔn kə̂ Siki: Tar kə̂ aw arə təbbə

¹⁸ Lubba â dda nɛ̂njeenn tɔyn. Ne â nunguje naan tə̂ saa ddəw tə̂ lə Kristə ngaâ narəje kula kungu dəwje naan tə̂ saa karə n-ddaje.

2 Kɔrɛntinyɛje 5:18 Iomraidhean Croise

Luku 10:5

«Kəy kə̂ andəje tə̂ a, ə-paje nan: ‹Maji karə mə-wul-lɔm ddee mə kəy tə̂ nəənn!›

Luku 24:47

Dâ kila mbər tar kə ri Kristə le karə gəl-dəwje tɔyn turuje nɛ̂n məde, mba karə tar majang ləde ɔru dɔde tə̂. Mbər tar le a kunn-kute Jerujalɛm tə̂.›

Tar kə̂ Maji kə̂ Jan dda makəturu tə̂ 3:16

«Mba Lubba ndiki duninya nya. Yeenn bba nunn Ngonnɛ̂ kə̂ kâra baa narə, karə dəwje tɔyn kə̂ ooje məde tə̂ saa naynje kə kɔrɔ̂ ang, a dingaje təbbə kə̂ to kə ndɔ kə ndɔ.

Tar kə̂ Maji kə̂ Jan dda makəturu tə̂ 3:27

Jan ilade tə̂ nan: «Nɛ̂n kə̂ dara arə bba dəw a kasə ta kinga.

Kulaje 10:36

Nula kə tar laa narə ngann Ijarayɛlje, to Tar kə̂ Maji kə̂ arə mə-wul-lɔm ddəw tə̂ lə Jeju-Kristə kə̂ to Əbbə-dəwje tɔyn.

Rɔmɛnje 11:36

Tɔkɔrɔ, nɛ̂nje tɔyn inje rɔɛ̂ tə̂, nɛ̂nje tɔyn toje to laa ngaâ nɛ̂nje tɔyn toje ddəw tə̂ laa. Maji karə piti to laa kə ndɔ kə ndɔ Amɛnn!

Rɔmɛnje 5:1

Yeenn a, n-ddeeje gatə gatə kəm Lubba tə̂ mban mba məje kə̂ junn jarə Əbbəjeje Jeju-Kristə arə məje wul lɔm kə Lubba ddəw tə̂ laa ngaa.

1 Kɔrɛntinyɛje 1:30

Ddəw mə-maji tə̂ lə Lubba â ə-ddaje nɛ̂n mə-kâra kə Jeju-Kristə kə̂ to kəm-karɛ kə̂ in rɔ Lubba tə̂. Kristə le dda arə n-ddeeje gatə gatə kəm Lubba tə̂, narə n-ngəm rɔje dang ngaâ nɔruje mə-majang tə̂.

1 Kɔrɛntinyɛje 11:12

Mba dəbbə rɔ dingaw â Lubba dda nɛ̂n dɛnɛ̂n, a dɛnɛ̂n â uju dingaw. A nɛ̂n tɔyn ddee ddəw tə̂ lə Lubba.

1 Kɔrɛntinyɛje 12:6

Kulaje dang dang banya nya, a Lubba kə̂ kâra baa njaa aw dda kulaje tɔyn ddəw tə̂ lə dəwje.

1 Kɔrɛntinyɛje 3:5

Apolos to nân wa? Pɔl to nân wa? N̂-toje to njê-kulaje lə Lubba baa kə̂ ooje məse tə̂ ddəw tə̂ ləde. Nân nân kara dda kula ddəw gusu tə̂ kə̂ Əbbə-dəwje arɛ̂.

1 Kɔrɛntinyɛje 8:6

A əngaje, Lubba to kâra baa, Lubba kə̂ bɔ kə̂ dda nɛ̂nje tɔyn arə jisije kə təbbə mba tar laa. Ngaâ Əbbə-dəwje kâra baa. To Jeju-Kristə kə̂ dda nɛ̂nje tɔyn arə jisije kə təbbə ddəw tə̂ laa.

Kolosinyɛje 1:22

A bbasinɛn, Lubba unguse naan tə̂ saa ddəw koy tə̂ lə Ngonnɛ̂ kə̂ unn da-rɔ dəw ngaâ oo ndoo. N̂-dda baann bba karə ə-ddeeje maji kəmɛ̂ tə̂, karə nɛ̂n kâra tuju rɔse tə̂ ang, karə tar kâra to dɔse tə̂ ang.

Ebərəje 2:17

Mba yeenn bba, maji karə n̂-ddee tokə lə ngakɔɛ̂nje mə nɛ̂nje tə̂ tɔyn. Yeenn bba n̂-ddee to tɔkə nje-polo Lubba kə̂ aw dda mə-maji kə dəwje ngaâ aw dda nɛ̂n lə Lubba kə dɔgɔlɛ̂ mba kɔru nɛ̂n tar majang lə dəwje dɔde tə̂ kə ddang.

Jakə 1:17

Nɛ̂nje tɔyn kə̂ maji kə̂ dəw inga baa, nɛ̂n-karə-baa kə̂ maji tɔyn inje darâ ji Lubba tə̂. Ne kə̂ n̂-dda nɛ̂nje tɔyn kə̂ aw ndokoje mə dara tə̂. Ne kə̂ n̂-turu ndɔ kâra ang ddəm n̂-tuka ndil ang ddəm mba n̂-yəkə ang.

1 Jan 2:2

Nunn rɔɛ̂ to nɛ̂n-polo mba toko nɛ̂n majang ləje. N̂-to nɛ̂n-polo mbaje kə karəje baa ang. N̂-to nɛ̂n-polo mba dəwje tɔyn kə̂ dɔ nangə tə̂ nəənn.

1 Jan 4:10

Tar ndiki le tokə be: Jeje â n-ndikije Lubba ang, ne â n̂-ndikije ngaâ nula Ngonnɛ̂ narə n̂-ddee to nɛ̂n-polo ta kɔru nɛ̂n tar majangje ləje dɔje tə̂.