2 Kɔrɛntinyɛje 4:7 - Dɔnɔn kə̂ Siki: Tar kə̂ aw arə təbbə

⁷ A nɛ̂n-kinga kə̂ ngəng nəənn le to rɔje tə̂ tokə jo anji, bba karə dəwje gərəje to singa-mɔngu kə̂ garɛ̂ goto nəənn le in rɔ Lubba tə̂ bbo in rɔje tə̂ ang.

2 Kɔrɛntinyɛje 4:7 Iomraidhean Croise

Matiye 13:44

«Bbe-kɔn kə̂ darâ to kâra baa kə nɛ̂n-kinga kə̂ diya mə ndɔɔ tə̂. Marə dəw tee dɔɛ̂ tə̂ ngaâ təl unn iya bbay. Rɔɛ̂ nəəle ngaâ naw labbə nɛ̂nje laa tɔyn, a n̂-təl n̂-ddee n̂-ndoko ndɔɔ le.»

Matiye 13:52

N̂-pa narəde nan: «Mba yeenn bba, nje-gərə-Ndu kə̂ gərə nɛ̂nje dɔ Bbe-kɔn tə̂ kə̂ darâ, to kâra baa kə nje-kəy kə̂ oto nɛ̂nje kə̂ siki kə nɛ̂nje kə̂ toje to konnɛ̂ mə dam tə̂ laa tee nɛ̂n.»

Tar kə̂ Maji kə̂ Jan dda makəturu tə̂ 16:33

M-pa nɛ̂njeenn tɔyn marəse karə məse wul lɔm ddəw tə̂ ləm. A kooje ndoo duninya tə̂. A maji karə uwaje arəje ngəng, mba əman m-tətə duninya nəənn kə ddɔ mban.»

1 Kɔrɛntinyɛje 1:28

Nɛ̂n kə̂ dɔ nangə tə̂ kə̂ dəwje ooje to nɛ̂n kə̂ ture goto, nɛ̂n kə̂ to nɛ̂n ang, nɛ̂n kə̂ dəwje mbətəje bba Lubba unn mba tuju nɛ̂n nɛ̂n kə̂ ngəng.

2 Kɔrɛntinyɛje 10:10

Mba marə dəwje paje nan: Makəturuje lə Pɔl ngəng nya ddəm mɔngu nya ddəm. Â bbo ne njaa kə da-rɔɛ̂ nisi horoje tə̂ a, singɛ̂ goto ddəm turu tar kə̂ naw pa goto ddəm.

2 Kɔrɛntinyɛje 13:4

Tɔkɔrɔ njaa, n̂-tɔlɛ̂ kakə-dəsə tə̂ mba singɛ̂ kə̂ goto. A bbasinɛn, nisi kəm baa ddəw singa-mɔngu tə̂ lə Lubba. Jeje kara, singaje goto ddəw tə̂ laa tɔ. A ja kisi kəm baa saa ddəw singa-mɔngu tə̂ lə Lubba mbase.

2 Kɔrɛntinyɛje 4:1

Lubba â arəje kula le ddəw maji tə̂ laa. Mba yeenn bba, rɔje nyaje ddəwe tə̂ ang.

2 Kɔrɛntinyɛje 5:1

N-gərə, da-rɔje kə̂ nangə̂ nəənn kə̂ tokə kəy-kam baa to nɛ̂n kə̂ aw tuju. A marə kəy ləje kə̂ Lubba dda darâ to. To kəy kə̂ ji dəw â dda ang ngaâ a nayn kə ndɔ kə ndɔ.

2 Kɔrɛntinyɛje 6:10

Dəwje aw ddaje arə rɔje nəəlje ang, a jaw jisi kə rɔ-nəəl kə ndɔ tɔyn. Dəwje aw oojeje to njê-ndooje, a jaw dda jarə dəwje nya aw ddeeje to njê-nɛ̂n-kingaje. Dəwje oojeje to marə nɛ̂n ləje goto, a jee kə nɛ̂n tɔyn.

Epɛjinyɛje 2:5

Jeje kə̂ n-to tokə dəwje kə̂ oy mba nɛ̂n-ddaje kə̂ to kə dɔgɔlɛ̂ ang le, narəje təbbə kə̂ siki naan tə̂ kâra baa kə Kristə. Ddəw mə-maji tə̂ lə Lubba â aji nɛ̂n se.

Epɛjinyɛje 3:8

Əman, m-to tɛn baa nya horo dəwje tə̂ lə Lubba tɔyn. A n̂-dda səm mə-maji karə mila mbər tar lə Kristə, kə̂ to nɛ̂n-kinga kə̂ uta nɛ̂n-kingaje tɔyn marə dəwje kə̂ toje to Jiipije ang.

Kolosinyɛje 1:27

N̂-ndiki ta dda bba karə dəwje laa le gərəje nɛ̂n kə̂ n̂-ngəm lo-kiyɛ̂ tə̂ le kə̂ to nɛ̂n-piti ddəm nɛ̂n-kinga ddəm horo dəwje tə̂ tɔyn. Nɛ̂n kə̂ n̂-ngəm lo-kiyɛ̂ tə̂ le â nəənn: Kristə kə̂ to məse tə̂ le, asəje ta kunda məse to â kingaje piti lə Lubba tɔ.

Kolosinyɛje 2:12

Batɛm kə̂ ingaje le nayn to n̂-dubbuse kə Kristə naan tə̂. Goe tə̂ a, ə-ndolje saa naan tə̂, mba ooje məse tə̂ to singa lə Lubba â ndole.

Kolosinyɛje 2:3

Lubba iya dam kəm-karɛ kə dam nɛ̂n-gərə rɔ Kristə tə̂.

1 Tesalonisinyɛje 1:5

mba Tar kə̂ Maji kə̂ jila mbəre bbeê ləse le, to tarje kə̂ baa ang. Jila mbər le kə singa-mɔngu kə̂ Ndil-mə-nda arəje ngaâ n-gərə to tar kə̂ jaw pa jarəse le to tar kə̂ tɔkɔrɔ. Ə-gərəje ddəw kə̂ jisi nɛ̂n horose tə̂ le kə majɛ̂, n-dda baann mba maji ləse.

1 Tesalonisinyɛje 4:4

Maji karə dəw kâra kâra gərə ta ngəm rɔɛ̂ karə maji tɔyn ddəm, ula pa-nja laa naan tə̂ ang ddəm.

2 Timɔte 2:20

Sambe kə̂ n̂-dda kə andə, wase narɛ dɔrɔ â to mə tɔkə kəy tə̂ ang. Sambe kakə kə nangə to mə tɔkə kəy tə̂ le tɔ. Marə sambeje to mba ndɔ kusu, a kəseje to mba dda nɛ̂n kulaje kə̂ baa.