2 Kɔrɛntinyɛje 4:6 - Dɔnɔn kə̂ Siki: Tar kə̂ aw arə təbbə

⁶ Mba Lubba kə̂ pa nan: «Maji karə lo ndoko lo tə̂ kə̂ ndul» le, ne njaa n̂-ndoko məje tə̂, ta dda karə joo ndoko laa kə̂ aw ndoko kəm Kristə tə̂.

2 Kɔrɛntinyɛje 4:6 Iomraidhean Croise

Luku 10:22

Bɔy inya nɛ̂nje tɔyn mə jim tə̂. Dəw kâra gərə Ngonn le ang. Bɔ kâra baa â gəre. Dəw gərə Bɔ le ang. Ngonn le kâra baa â gəre, a dəw kə̂ Ngonn le ndiki ta tɔjɛ̂ Bɔ le bba a gərə Bɔ le tɔ.»

Tar kə̂ Maji kə̂ Jan dda makəturu tə̂ 1:14

Tar le təl to dəw ngaâ dda bbe horoje tə̂. Mə-maji laa kə tar kə̂ tɔkɔrɔ laa uta dɔɛ̂. Joo piti laa kə̂ in rɔ Lubba tə̂.

Tar kə̂ Maji kə̂ Jan dda makəturu tə̂ 11:40

A Jeju ilɛ̂ tə̂ nan: «M-pa mari kete m-pa nan: Bbo oo məi tə̂ a, â koo piti lə Lubba.»

Tar kə̂ Maji kə̂ Jan dda makəturu tə̂ 12:41

Ejayi pa baann mba noo piti lə Jeju ngaâ n̂-pa tar laa.

Kulaje 26:18

Mulai rɔde tə̂ karə ə-təəyn kəmde ta ɔrude lo ndul tə̂ ə-tee kə de lo-karɛ tə̂. Karə ɔrude ji Satan tə̂ kə̂ ɔn dɔde ə-ddee kə de rɔ Lubba tə̂. Yeenn bba Lubba a kɔru tar majang ləde dɔde tə̂ ngaâ dâ kingaje lo horo dəwje tə̂ kə̂ ooje məde tə̂ səm kə̂ majije tɔyn.› »

1 Kɔrɛntinyɛje 12:8

Ndil aw arə marə dəw tar kəm-karɛ. Ndil kə̂ kâra baa le njaa tɔ â aw arə dəw tar nɛ̂n-gərə.

2 Kɔrɛntinyɛje 2:10

Bbo ɔruje tar dɔ dəw tə̂ a, əman kara mɔru tar dɔɛ̂ tə̂ tɔ. Bbo mɔru tar dɔ dəw tə̂ le a, tar tɔyn kə̂ mɔru dɔɛ̂ tə̂ le, mɔru mba tar ləse kəm Kristə tə̂.

2 Kɔrɛntinyɛje 3:18

Jeje tɔyn kə̂ marə nɛ̂n ɔnn kəmje ang, ndoko lə Əbbə-dəwje aw təəl rɔje tə̂ tokə lə nɛ̂n-koo-rɔ. N̂-turuje narə n-to tokə laa, jaw ndoko kə kete kete tokə lə Əbbə-dəwje kə̂ to Ndil.

2 Kɔrɛntinyɛje 4:4

Dooje məde tə̂ ang, mba Satan kə̂ to lubba kə̂ nangə̂ nəənn ɔku ddəw nɛ̂n-gərə ləde karə dooje ndoko lə Tar kə̂ Maji kə̂ aw tɔju piti lə Kristə. Kristə kə̂ to tokə Lubba le.

Epɛjinyɛje 1:17

M-duju karə Lubba lə Əbbəjeje Jeju-Kristə, Bɔ kə̂ piti to laa, arəse Ndil kə̂ aw arə kəm-karɛ, karə tɔju Bɔ le arəse kə ddaka ngaâ arə ə-gəreje kə majɛ̂.

Epɛjinyɛje 1:18

M-duju karə Lubba ɔru kəmse arə ə-gərəje nɛ̂n kə̂ aw undaje məse dɔɛ tə̂, kə̂ n̂-bbarse mbɛɛ̂ le karə ə-gərəje nɛ̂n-kingaje kə̂ to nɛ̂n piti kə̂ narə dəwje laa ingaje, sese ddəm njê-mə-kunnje ddəm.

Epɛjinyɛje 5:8

Ləw, aw njaje lo ndul tə̂, a bbasinɛn aw njaje lo-karɛ tə̂ ddəw mə-kâra tə̂ kə̂ ə-ddaje kə Əbbə-dəwje. Yeenn a, maji karə ə-njaje tokə dəwje kə̂ aw njaje lo-karɛ tə̂.

Pilipinyɛje 2:6

N̂-to to Lubba njaa, a n̂-nar ddəw ta nayn kisi to Lubba le dɔrɔ ang.

Kolosinyɛje 1:15

Dəw kâra oo Lubba ang. A Kristə le dəw kə̂ ooe a, oo Lubba. N̂-to Ngonn-dərə kə̂ uta nɛ̂nje tɔyn kə̂ Lubba dda.

1 Tesalonisinyɛje 2:12

N-ndəjəse, n-dda jarə ubbaje singa ngaâ n-dujuse nya karə pa-nja ləse to tokə ye kə̂ Lubba ndiki, ne kə̂ n̂-bbarse karə andəje mə Bbe-kɔn tə̂ laa, karə ingaje Piti laa saa.

Ebərəje 1:3

Ddəw tə̂ lə Ngonn le â dəwje ooje piti lə Lubba kə̂ aw ndoko ngaâ n̂-to tokə Lubba njaa. Tar laa kə̂ ee kə singa nya aw dda arə nɛ̂nje tɔyn naynje kə lo-tode. N̂-toko majang lə dəwje ngaâ goe tə̂ a, naw nisi darâ dɔ ji-kɔl Lubba tə̂ kə̂ to nje-singa-mɔngu.

Ebərəje 6:4

Marə dəwje, lo-karɛ lə Lubba dda arə kəmde uja, dingaje nɛ̂n-karə-baa kə̂ in darâ ngaâ dingaje Ndil-mə-nda.

1 Piyɛr 1:12

Lubba pa kə ddaka arə njê-kilaje mbər tar le to tarje le to mba dede njaa ang. Tarjeenn le toje mbase. Njê-kilaje mbər Tar kə̂ Maji â ilaje mbər tar nəənn le arəse bbasinɛn nəənn. N̂-paje tarɛ̂ darəse ddəw singa-mɔngu tə̂ lə Ndil-mə-nda kə̂ Lubba ulɛ̂ arə nin darâ n̂-ddee le. Anjəje kara ndikije ta gərə tar nəənn le tɔ.

1 Piyɛr 2:9

A sese, ə-toje to dəwje kə̂ Lubba mbərəse, ə-toje to njê-poloje lə tɔkə mbay. Ə-toje to gəl-dəwje kə̂ majije tɔyn, dəwje kə̂ Lubba uka dɔse ta karə ilaje mbər nɛ̂nje kə̂ maji nya kə̂ n̂-dda, ne kə̂ n̂-bbarse narə inje lo ndul tə̂ ə-teeje lo-karɛ tə̂ kə̂ dum dɔ dəwje le.

2 Piyɛr 1:19

Dɔɛ̂ tə̂ bbay, n-gərə to tarje lə njê-kilaje mbər tar to tarje kə̂ tɔkɔrɔ njaa. Yeenn a, ngəm kə̂ aw ngəmje tarje ləde le to nɛ̂n kə̂ maji. Mba tarje le toje tokə lə puru lambe kə̂ aw ndoko lo ndul tə̂ ndərəng karə lo arɛ ngaâ karə əndɛtɛrɛndɛn kə̂ ta lo-karɛ tə̂ ndoko məse tə̂.