2 Kɔrɛntinyɛje 4:12 - Dɔnɔn kə̂ Siki: Tar kə̂ aw arə təbbə

¹² Yeenn a, yo aw dda kula rɔje tə̂, a təbbə aw dda kula rɔse tə̂.

2 Kɔrɛntinyɛje 4:12 Iomraidhean Croise

Kulaje 20:24

Moo təbbə ləm to nɛ̂n kəmʼm tə̂ ang. Nɛ̂n kə̂ m-ndiki njaa to ənga dda kula kə̂ Əbbə-dəwje Jeju inya jim tə̂ ndərəng kɔsu kɔnyɛ̂. Kula le to kula kila mbər Tar kə̂ Maji kə̂ to mə-maji lə Lubba.

1 Kɔrɛntinyɛje 4:10

Jeje n-to mbəje ɔju dɔ Kristə, a sese ə-toje to njê-kəm-karɛje ddəw tə̂ lə Kristə. Jeje, jubba singa ang, a sese ubbaje singa. Dəwje aw ɔsuje gajise, a jeje dooje to nɛ̂n ang.

2 Kɔrɛntinyɛje 12:15

Əman, m-ndiki ta tuju nɛ̂nje ləm ddəm ta tuju singam ddəm tɔyn mbase. Â ndikimje nya ang, mba ndiki kə̂ m-ndikise nya le wa?

2 Kɔrɛntinyɛje 13:9

Kar tɔyn kə̂ jeje jee kə singa ang, â bbo sese eeje nɛ̂n a, rɔje nəəlje. Nɛ̂n kə̂ jaw duju Lubba to, karə ə-ddeeje to dəwje kə̂ maji tɔyn.

2 Kɔrɛntinyɛje 4:11

Mba jeje kə̂ n-naynje kəm baa le jaw ngɔsi ngɔsi kə yo kə ndɔ tɔyn ɔju dɔ Jeju. Baann bba karə dəwje ooje təbbə lə Jeju rɔje tə̂ kə̂ to rɔ kə̂ a koy marə ndɔ le.

2 Kɔrɛntinyɛje 4:13

Makəturu lə Lubba pa nan: «Moo məm tə̂. Mba yeenn bba m-pa tar.» Kəjə ləje to kâra baa kə dəw kə̂ pa tar nəənn le. Yeenn bba jeje kara joo məje tə̂ tɔ ngaâ jaw pa tar.

Pilipinyɛje 2:17

Le mə-kunn ləse aw dda arə aw ddaje kula arəje Lubba to nɛ̂n-polo njaa kara, əman, bbo n̂-tɔləm a, rɔm a nəələm, mba məsəm a to nɛ̂n-polo dɔ marɛ̂ tə̂ ləse ngaâ mâ dda rɔ-nəəl kə se.

Pilipinyɛje 2:30

mba nayn tɛn baa a noy mba kula lə Kristə. Nila rɔɛ̂ kɔrɔ̂ mba kumanʼm kula tə̂ kə̂ sese njaa ingaje ddəw ta kumanʼm tə̂ ang.

1 Jan 3:16

Nɛ̂n kə̂ tɔju ndiki le â nəənn: Jeju unn təbbə laa ila kɔrɔ̂ mbaje. Baann a, maji karə jeje kara jarəje təbbə ləje mba ngakɔnje tɔ.