2 Kɔrɛntinyɛje 3:5 - Dɔnɔn kə̂ Siki: Tar kə̂ aw arə təbbə

⁵ Jeje njaa jasə ta dda kula nəənn le ang. Lubba â dda arə jasə ta dda kula kə̂ jaw dda le.

2 Kɔrɛntinyɛje 3:5 Iomraidhean Croise

Luku 21:15

mba mâ karəse tar kəm-karɛ kə̂ a gangə singa njê-baanje ləse ddəm dâ kasəje ta mayn ang ddəm.

Luku 24:49

Əman, mâ kula nɛ̂n kə̂ Bɔy unn ndue ta karəse le dɔse tə̂. Sese, maji karə ə-naynje Jerujalɛm nəənn ndərəng ndɔ kə̂ â kingaje nɛ̂n singa-mɔngu kə̂ in darâ.»

Tar kə̂ Maji kə̂ Jan dda makəturu tə̂ 15:5

«Əman, m-to kakə binyə, a sese ə-toje to barkəmɛ̂je. Dəw kə̂ nayn rɔm tə̂ ngaâ əman m-nayn rɔɛ̂ tə̂ a, a kandə nya. Mba bbo m-nayn rɔse tə̂ ang a, nɛ̂n kâra kə̂ â kasəje ta dda goto.

Rɔmɛnje 15:18

Mba mâ tay pa marə tar dang ang, tar nɛ̂n kə̂ Kristə dda ddəw tə̂ ləm â mâ pa. Ddəw tə̂ ləm, n̂-dda narə dəwje kə̂ toje to Jiipije ang ddaje nɛ̂n kə turu ndu Lubba. N̂-dda nɛ̂ɛnn le ddəw tarje tə̂ ddəm, ddəw kulaje tə̂ ddəm,

1 Kɔrɛntinyɛje 15:10

A ddəw mə-maji tə̂ lə Lubba â m-ddee tokə be nəənn. Mə-maji laa kə̂ n̂-dda səm le to baa njaa baann ang. M-dda kula nya muta kəsə njê-kaw-kulaje tɔyn. Əman njaa m-dda kula le dɔ singam tə̂ ang, mə-maji lə Lubba le â dda kula ddəw tə̂ ləm.

1 Kɔrɛntinyɛje 3:10

Lubba dda səm mə-maji arə m-ddee to dəw kə̂ gərə gusu kɔsu kəy. Mungu gɔl kəy nangə̂ ngaâ marə dəw ɔsu kəy le dɔɛ tə̂. A maji karə dəw kâra kâra kə̂ aw ɔsu kəy le aa ddəw kə̂ naw nɔsu nɛ̂n kə majɛ̂ bba.

1 Kɔrɛntinyɛje 3:6

Əman Pɔl, m-dubbu nɛ̂n, Apolos ungu maann dɔɛ tə̂, a Lubba â dda arə nɛ̂n le tee.

2 Kɔrɛntinyɛje 12:9

A n̂-pa narəm nan: «Mə-maji kə̂ m-dda səi njaa asi. Kar tə̂ kə̂ singa dəw goto bba maw tɔju singa-mɔngu ləm.» Yeenn bba, m-ndiki nya ta kunda gum mba singam kə̂ goto, bba karə singa-mɔngu lə Kristə to dɔm tə̂.

2 Kɔrɛntinyɛje 2:16

Ənga marɛ̂je, bayn yambo le to bayn yo kə̂ aw aw kə dəw karə oy. A ənga marɛ̂je to bayn təbbə kə̂ aw aw kə dəw karə inga təbbə. Nân bba a kasə ta dda kula be nəənn wa?

2 Kɔrɛntinyɛje 4:7

A nɛ̂n-kinga kə̂ ngəng nəənn le to rɔje tə̂ tokə jo anji, bba karə dəwje gərəje to singa-mɔngu kə̂ garɛ̂ goto nəənn le in rɔ Lubba tə̂ bbo in rɔje tə̂ ang.

Pilipinyɛje 2:13

Mba Lubba njaa a kila bbo kula məse tə̂ ddəm nâ karəse singa dda kula le ddəm ddəw kâra baa kə nɛ̂n kə̂ n̂-gɔl ta dda kə mə-ndiki laa.

Pilipinyɛje 4:13

Masə ta dda nɛ̂n tɔyn ddəw tə̂ lə Kristə kə̂ aw arəm singa.

2 Timɔte 2:2

Tar kə̂ tee tam tə̂ kəm njê-tar-najije tə̂ kə̂ banya le, ə-pa arə njê-mə-kunnje kə̂ unda məi dɔde tə̂, karə dede njaa kara dasəje ta pa karə marə dəwje kə kete tɔ.

Jakə 1:17

Nɛ̂nje tɔyn kə̂ maji kə̂ dəw inga baa, nɛ̂n-karə-baa kə̂ maji tɔyn inje darâ ji Lubba tə̂. Ne kə̂ n̂-dda nɛ̂nje tɔyn kə̂ aw ndokoje mə dara tə̂. Ne kə̂ n̂-turu ndɔ kâra ang ddəm n̂-tuka ndil ang ddəm mba n̂-yəkə ang.