2 Kɔrɛntinyɛje 3:2 - Dɔnɔn kə̂ Siki: Tar kə̂ aw arə təbbə

² Sese â ə-toje to makəturu ləje kə̂ n̂-dda məje tə̂. Dəwje tɔyn gərəje makəturu le ngaâ n̂-turaje.

2 Kɔrɛntinyɛje 3:2 Iomraidhean Croise

Rɔmɛnje 1:8

Dɔngɔr nɛ̂n, marə wooyo Lubba ləm ddəw tə̂ lə Jeju-Kristə mbase tɔyn, mba dəwje kə̂ dɔ nangə tə̂ tɔyn aw paje tar mə-kunn ləse.

1 Kɔrɛntinyɛje 3:10

Lubba dda səm mə-maji arə m-ddee to dəw kə̂ gərə gusu kɔsu kəy. Mungu gɔl kəy nangə̂ ngaâ marə dəw ɔsu kəy le dɔɛ tə̂. A maji karə dəw kâra kâra kə̂ aw ɔsu kəy le aa ddəw kə̂ naw nɔsu nɛ̂n kə majɛ̂ bba.

2 Kɔrɛntinyɛje 11:11

M-pa tar baann mba ddi wa? Mba to ndiki â m-ndikise ang wa? Lubba gərə to m-ndikise.

2 Kɔrɛntinyɛje 12:15

Əman, m-ndiki ta tuju nɛ̂nje ləm ddəm ta tuju singam ddəm tɔyn mbase. Â ndikimje nya ang, mba ndiki kə̂ m-ndikise nya le wa?

2 Kɔrɛntinyɛje 3:1

Jeje njaa ja təl pa tar ləje maji karə dəwje bbay wa? Ja duju ta karə n̂-dda makəturu dɔje tə̂ darəse wase karə ə-ddaje makəturu dɔje tə̂ arəjeje bbay tokə marɛ̂je aw dujuje le wa?

2 Kɔrɛntinyɛje 7:3

M-pa yeenn ta gangə nɛ̂n sariya dɔse tə̂ ang, mba m-pa marəse mban: N-ndikise nya, le n-nayn kəm baa wase joy kara n-ndikise nya.

Pilipinyɛje 1:7

To kə dɔgɔlɛ̂ karə kəjə ləm to dɔse tə̂ tokə baann njaa, mba m-ndikise. Əsese tɔyn njaa umanʼmje ddəw mə-maji tə̂ kə̂ Lubba dda səm kar tə̂ kə̂ mee nɛ̂n kəy-kula tə̂ bbasinɛn nəənn ddəm kar tə̂ kə̂ maw mɔru nɛ̂n naji Tar tə̂ kə̂ Maji marə ngəng le ddəm.

1 Tesalonisinyɛje 1:8

Mba tar lə Əbbə-dəwje in bbeê ləse bba tee Maseduwann kə nangə tə̂ kə̂ Akay. Ngaâ, dəwje ooje tam məse kə̂ unnje arəje Lubba le kə lo tɔyn, yeenn a, ja təl pa tar dɔɛ̂ tə̂ ang ngaa.