2 Kɔrɛntinyɛje 2:7 - Dɔnɔn kə̂ Siki: Tar kə̂ aw arə təbbə

⁷ Mba yeenn bba, maji karə ɔruje tar dɔɛ̂ tə̂ ngaâ arɛ̂je ndəjə arə məɛ̂ wul. Baann ang a, â ddaje karə rɔɛ̂ nəəle ang uta dɔɛ̂.

2 Kɔrɛntinyɛje 2:7 Iomraidhean Croise

1 Kɔrɛntinyɛje 15:54

Ndɔ kə̂ rɔ kə̂ a tuju le turu to rɔ kə̂ a tuju ang ngaâ rɔ kə̂ a koy le turu to rɔ kə̂ a koy ang a, tar kə̂ makəturu tə̂ lə Lubba a ddee to nɛ̂n kə̂ tɔkɔrɔ. Tar le nan: «N̂-tuju yo kə ddang ngaa, to ndɔ tətə ddɔ kə bo.»

2 Kɔrɛntinyɛje 2:8

Yeenn a, m-dujuse karə ə-tɔjɛ̂je ndiki kə̂ ə-ndikeje.

2 Kɔrɛntinyɛje 5:4

Mba, kar tə̂ kə̂ n-naynje mə da-rɔ tə̂ nəənn kə̂ to kəy-kam bbay le, jaw sɔmje tokə nɛ̂n-koto â aw ɔɔyje nya. A n-ndiki ta kɔru da-rɔje kə̂ nangə̂ nəənn le kə ddang ang. N-ndiki ta kula marɛ̂ dɔɛ tə̂, karə təbbə taa turu nɛ̂n kə̂ a ta koy to koy le.

2 Kɔrɛntinyɛje 7:10

Mba rɔ-katə kə̂ to ddəw mə-ndiki tə̂ lə Lubba aw dda arə dəw aw turu məɛ̂ ngaâ inga kaji. Yeenn jɔku dəw le ang. A rɔ-katə kə̂ in dɔ nangə tə̂ nəənn aw dda arə dəw aw inga yo.

Epɛjinyɛje 4:32

Maji karə ə-ddaje maji kə naan. Ooje ndoo lə naan. Ɔruje tar dɔ naan tə̂, tokə Lubba ɔru tar dɔse tə̂ ddəw tə̂ lə Kristə le.

Pilipinyɛje 2:27

Tɔkɔrɔ njaa, rɔɛ̂ toe ngɔsi kə yo, a Lubba oo kəm-to-ndoo laa. Noo kəm-to-ndoo laa kə karɛ̂ baa ang, noo kəm-to-ndoo ləm tɔ, yeenn bba karə nɛ̂n kəm-to-ndoo təl ddee dɔ marɛ̂ tə̂ bbay ang.

Kolosinyɛje 3:13

Maji karə ə-tɔje wurse arəje naan. Bbo dəw dda marə nɛ̂n kə̂ maji ang kə nje-marɛ̂ a, ɔruje tar dɔ naan tə̂. Ddəw kâra baa tokə Əbbə-dəwje ɔru tar dɔse tə̂ le ə-ddaje tokə baann tɔ.

1 Tesalonisinyɛje 4:13

Ngakɔnje, n-ndiki ta karə ə-gərəje tar dɔ dəwje tə̂ kə̂ oyje, bba karə uwaje ndoo tokə lə kəsə dəwje ang. Mba dede dundaje məde dɔ marə nɛ̂n tə̂ kâra ang.

2 Tesalonisinyɛje 3:6

Ngakɔnje, n-dujuse nya kə ri Əbbəjeje Jeju-Kristə karə aynje ngakɔnje kə̂ toje to njê-dabbəje, kə̂ aw ddaje nɛ̂nje kə̂ toje dang kə nɛ̂nje kə̂ n-tɔjuse.