2 Kɔrɛntinyɛje 2:14 - Dɔnɔn kə̂ Siki: Tar kə̂ aw arə təbbə

¹⁴ Jarəje wooyo Lubba, kə̂ dda arə ddəw tə̂ lə Kristə jee horo dəwje tə̂ kə̂ aw ɔsuje nja kə go kulɛ̂ go Kristə tə̂ kə̂ tətə ddɔ le. Ddəw tə̂ ləje, narə dəwje gərəje Kristə loje tə̂ tɔyn, tokə yambo kə̂ banyɛ̂ taa lo tɔyn.

2 Kɔrɛntinyɛje 2:14 Iomraidhean Croise

Tar kə̂ Maji kə̂ Jan dda makəturu tə̂ 16:33

M-pa nɛ̂njeenn tɔyn marəse karə məse wul lɔm ddəw tə̂ ləm. A kooje ndoo duninya tə̂. A maji karə uwaje arəje ngəng, mba əman m-tətə duninya nəənn kə ddɔ mban.»

Rɔmɛnje 1:8

Dɔngɔr nɛ̂n, marə wooyo Lubba ləm ddəw tə̂ lə Jeju-Kristə mbase tɔyn, mba dəwje kə̂ dɔ nangə tə̂ tɔyn aw paje tar mə-kunn ləse.

Rɔmɛnje 15:19

ddəw nɛ̂n-mɔri tə̂, ddəw nɛ̂nje tə̂ kə̂ dum dɔ koo, ddəw singa-mɔngu tə̂ lə Ndil-mə-nda. Yeenn bba, unn kute Jerujalɛm ndərəng Iliri, mila mbər Tar kə̂ Maji lə Kristə kə nangə̂ baa.

Rɔmɛnje 6:17

A wooyo arə Lubba, mba sese kə̂ ləw ə-toje to bbərəje lə majang le bbasinɛn ə-ddaje kula kə mə-kâra ddəw nɛ̂n-tɔju tə̂ kə̂ maji kə̂ n̂-tɔjuse.

Rɔmɛnje 8:37

A mə nɛ̂nje tə̂ənn tɔyn n-tətə ddɔ ddəw tə̂ lə Jeju kə̂ ndikije le.

1 Kɔrɛntinyɛje 12:8

Ndil aw arə marə dəw tar kəm-karɛ. Ndil kə̂ kâra baa le njaa tɔ â aw arə dəw tar nɛ̂n-gərə.

1 Kɔrɛntinyɛje 15:37

Nɛ̂n kə̂ ə-dubbu le to da-rɔ nɛ̂n le njaa ə-dubbu ang, to kandə-ko baa. A du ang to kandə waa wase marə kandə-ko kə̂ dang â ə-dubbu.

1 Kɔrɛntinyɛje 15:57

A jarəje wooyo Lubba kə̂ dda arə n-tətə ddɔ ddəw tə̂ lə Əbbəjeje Jeju-Kristə.

2 Kɔrɛntinyɛje 1:11

Sese njaa kara aw umanjeje ddəwe tə̂, ddəw duju tə̂ kə̂ aw dujuje Lubba mba tar ləje. Yeenn a, Lubba a kila tar-duju tə̂ lə dəwje kə̂ banya kə̂ aw dujeje mba tar ləje le. Nâ karəje nɛ̂ɛnn kə mə-maji laa ngaâ dəwje nya a karɛ̂je wooyo mbaje.

2 Kɔrɛntinyɛje 8:16

Jarə wooyo Lubba kə̂ ila bbo kumanse mə Titə tə̂ tokə ləje le tɔ.

2 Kɔrɛntinyɛje 9:15

Maji karə jarəje wooyo Lubba mba narəje nɛ̂n kə̂ garɛ̂ goto!

Epɛjinyɛje 5:2

Ə-ndikije njê-marəse tokə Kristə ndikije ngaâ unn təbbə laa arə Lubba to nɛ̂n-karə-baa ddəm to nɛ̂n-polo kə̂ tokə dukann kə̂ ətə maji ddəm.

Epɛjinyɛje 5:20

Maji karə arəje wooyo Lubba kə̂ Bɔ kə kar tɔyn mba nɛ̂nje tɔyn kə ri Əbbəjeje Jeju-Kristə.

Pilipinyɛje 4:18

Minga nɛ̂n tɔyn jim tə̂ asə loe mban. M-təl minga uta dɔɛ̂ bbay. Nɛ̂n kə̂ arəje Epaporoditə ddee nɛ̂n arəm le minga kə majɛ̂. Nɛ̂n dum ang ngaa. Nɛ̂n kə̂ arəmje le to tokə yambo kə̂ ətə maji nya wase nɛ̂n-polo kə̂ maji kəm Lubba tə̂ ddəm nəəle ddəm.

Kolosinyɛje 1:23

A maji karə ə-naynje ddəw mə-kunn tə̂ le ta arje dɔɛ tə̂ arə ngəng tokə kəy kə̂ gɔlɛ̂ uwa nangə kə majɛ̂. Nɛ̂n kə̂ Tar kə̂ Maji dda arə aw undaje məse dɔɛ tə̂ le, inyaje ddəwe ang. Tar kə̂ Maji le dila mbəre darə dəwje tɔyn kə̂ dɔ nangə tə̂. Ngaâ əman Pɔl, m-ddee to nje-kula Tar kə̂ Maji le.

Kolosinyɛje 1:6

Tar kə̂ Maji nəənn le aw andə kandə aw nɛ̂n kə kete kete dɔ nangə tə̂ tɔyn. Kar kə̂ Tar le tee bbeê ləse le to tokə baann tɔ, unn kute ndɔ tə̂ kə̂ ooje nɛ̂n tar mə-maji kə̂ tɔkɔrɔ kə̂ Lubba dda kə se le.

Kolosinyɛje 2:15

Lubba ɔru singa lə ndilje tɔyn kə̂ aw ɔnje mbay. N̂-tɔjude kəm dəwje tə̂ tɔyn ngaâ nuwade to bbərəje narə dɔsuje nja kə go kulɛ̂ go Ngonnɛ̂ tə̂ kə̂ tətə ddɔ le.

1 Tesalonisinyɛje 1:8

Mba tar lə Əbbə-dəwje in bbeê ləse bba tee Maseduwann kə nangə tə̂ kə̂ Akay. Ngaâ, dəwje ooje tam məse kə̂ unnje arəje Lubba le kə lo tɔyn, yeenn a, ja təl pa tar dɔɛ̂ tə̂ ang ngaa.

1 Tesalonisinyɛje 3:9

Wooyo kə̂ baânn â ja karə Lubba mbase, karə asə kəm rɔ-nəəl kə̂ jinga mbase nɔn Lubba tə̂ ləje le wa?

1 Timɔte 2:8

Yeenn a, m-ndiki karə dingawje dujuje Lubba kə lo tɔyn, dulaje jide kə darâ kə mə kə̂ nda kayn kə wungu ang ddəm kə kəjə kɔl ang ddəm.

2 Timɔte 2:2

Tar kə̂ tee tam tə̂ kəm njê-tar-najije tə̂ kə̂ banya le, ə-pa arə njê-mə-kunnje kə̂ unda məi dɔde tə̂, karə dede njaa kara dasəje ta pa karə marə dəwje kə kete tɔ.

Apokalisi 7:12

N̂-paje nan: «Amɛnn! Piti, kɔsu gaji, kəm-karɛ, wooyo, ndɔy-ri, singa-mɔngu kə singa toje to lə Lubba ləje kə ndɔ kə ndɔ. Amɛnn!»