2 Kɔrɛntinyɛje 2:13 - Dɔnɔn kə̂ Siki: Tar kə̂ aw arə təbbə

¹³ A wurum oso nangə̂ ang, mba minga ngokɔnʼm Titə ang. Yeenn bba minya dəwje kə̂ Torowas le a maw Maseduwann.

2 Kɔrɛntinyɛje 2:13 Iomraidhean Croise

Marke 6:46

Goe tə̂ a, naw dɔ marə ddingiri tə̂ ta duju Lubba.

Kulaje 21:6

Goe tə̂ a, n-dda naan lapiya ngaâ junn tɔkə to, a njê-mə-kunnje le təlje kəy ləde.

Rɔmɛnje 15:26

Mba njê-mə-kunnje kə̂ Maseduwann ddəm njê kə̂ Akay ddəm ndikije ta mbɔn nɛ̂n kuman nɛ̂n njê-mə-kunnje kə̂ Jerujalɛm kə̂ toje to njê-ndooje.

2 Kɔrɛntinyɛje 12:18

M-duju Titə nya karə aw rɔse tə̂, ne kə marə ngokɔnje kâra. Titə le ərəse usase wa? Əman je saa joo kəm n-dda nɛ̂n kə kəjə kə̂ kâra baa ddəm junn ddəw kə̂ kâra baa ddəm.

2 Kɔrɛntinyɛje 7:13

Nɛ̂ɛnn le dda arə məje oso pɔn. Dɔ ye tə̂ənn bbay, rɔje nəəlje nya mba rɔ-nəəl lə Titə kə̂ sese tɔyn njaa ə-ddaje arə məɛ̂ wul.

2 Kɔrɛntinyɛje 7:14

Mba gum kə̂ munda ngaji mbase kəmɛ̂ tə̂ le təl to nɛ̂n-rɔ-kul ləm ang. Jeje jaw pa tar kə̂ tɔkɔrɔ kə ndɔ tɔyn jarəse, yeenn bba guje kə̂ jaw junda mbase kəm Titə tə̂ le ddee to nɛ̂n kə̂ to kə dɔgɔlɛ̂ njaa.

2 Kɔrɛntinyɛje 8:16

Jarə wooyo Lubba kə̂ ila bbo kumanse mə Titə tə̂ tokə ləje le tɔ.

2 Kɔrɛntinyɛje 8:23

Titə to nje-buwa-nja ləm ddəm nje-kula marəm ddəm horose tə̂. A ngakɔnje kə̂ dannɛ̂je le toje to njê-kaw-kulaje kə̂ Egilisije â ulajede arə daw ddaje kula kə̂ aw arə piti Kristə.

2 Kɔrɛntinyɛje 8:6

Mba yeenn bba, n-duju Titə nya karə dda kula mə-maji kə̂ nunn kute bbeê ləse nəənn le ndərəng nɔsu kɔnyɛ̂.

Galatəje 2:1

Bbal dɔku gire sɔ goe tə̂ a, m-təl maw Jerujalɛm kə Barnabas. Maw kə Titə tɔ.

Galatəje 2:3

Titə kə̂ to Gɛrɛkə kə̂ aw səm le, dəw kâra duje karə nuja ganja bba ang.

2 Timɔte 4:10

Mba Demas tusum inyam mba bbo nɛ̂nje kə̂ nangə̂ kə̂ bbokənɛn nəənn. Naw Tesalonikə. Keresan aw nangə tə̂ kə̂ Galasi ngaâ Titə aw nangə tə̂ kə̂ Dalmasi.

Titə 1:4

Mula kə makəturu nəənn mari, əi Titə le kə̂ ə-to ngonnəm kə̂ tɔkɔrɔ ddəw mə-kunn tə̂ kə̂ mbɔnje naan tə̂. Maji karə Lubba kə̂ Bɔ kə Nje-kajije Jeju-Kristə, n̂-ddaje səi mə-maji ngaâ darəje məi wul lɔm.