2 Kɔrɛntinyɛje 2:12 - Dɔnɔn kə̂ Siki: Tar kə̂ aw arə təbbə

¹² Kar tə̂ kə̂ m-tee tɔkə bbe tə̂ kə̂ Torowas ta kila mbər Tar kə̂ Maji lə Kristə le, Əbbə-dəwje ɔru ddəw arəm kə̂ majɛ̂ njaa.

2 Kɔrɛntinyɛje 2:12 Iomraidhean Croise

Kulaje 14:27

Pɔl de kə Barnabas n̂-teeje Antiyos nangə tə̂ kə̂ Siri a, n̂-mbɔnje njê-mə-kunnje. Dɔruje gəl nɛ̂nje tɔyn kə̂ Lubba dda ddəw tə̂ ləde kə gusu kə̂ Lubba ɔru nɛ̂n ddəw arə dəwje kə̂ toje to Jiipije ang ooje məde tə̂ tɔ le.

Kulaje 16:11

Junn tɔkə to Torowas jaw njarara dɔ dərə-maann tə̂ kə̂ Samotarasə. Lo-karɛ̂ a, n-tee bbe tə̂ kə̂ Neyapolis.

Kulaje 16:8

N̂-ndayje nangə tə̂ kə̂ Misi n̂-teeje Torowas.

Kulaje 20:8

Lambeje toje nya mə kəy tə̂ kə̂ to dɔ marɛ̂ tə̂ taar kə̂ n-mbɔn naan tə̂ le.

Rɔmɛnje 1:1

Əman Pɔl kə̂ m-to bbərə-kula lə Jeju-Kristə, Lubba bbarəm undam dang to nje-kaw-kula karə mila mbər Tar kə̂ Maji laa marə dəwje.

1 Kɔrɛntinyɛje 16:9

Mba ddəw ɔru tokə bo arəm karə m-dda kula lo tə̂ənn, a njê-baanje ləm banyaje nya.

1 Kɔrɛntinyɛje 9:12

Bbo marə dəwje asəje ta duju nɛ̂n jise tə̂ a, jeje jasə ta duju nɛ̂n jise tə̂ utade ang wa? A jeje n-dda tokə baann ang. N-tɔ wurje nɛ̂n tə̂ tɔyn, mba n-ndiki ta dda marə nɛ̂n kutu nɛ̂n ddəw Tar kə̂ Maji lə Kristə ang.

1 Kɔrɛntinyɛje 9:14

Ddəw kâra baa, Əbbə-dəwje unn ndu tokə baann tɔ. N̂-pa nan, dəwje kə̂ aw ilaje mbər Tar kə̂ Maji a kisije kə majɛ̂ ddəwe tə̂.

1 Kɔrɛntinyɛje 9:16

A əman, kila mbər Tar kə̂ Maji to nɛ̂n-kɔsu nɛ̂n gajim ang. Mba to kula kə̂ darəm kə singa ta karə m-dda, yeenn a bbo mila mbər Tar kə̂ Maji le ang a, a to ndoo nya karəm.

2 Kɔrɛntinyɛje 10:14

Tee kə̂ n-tee rɔse tə̂ le, nayn to n-nday ngangə lo kə̂ Lubba tɔjuje le ang. Mba jeje njaa jaw ndərəng rɔse tə̂ dɔngɔr kə Tar kə̂ Maji lə Kristə.

2 Kɔrɛntinyɛje 11:4

Mba bbo marə dəw ddee aw ila mbər tar lə marə Jeju dang kə Jeju kə̂ n-pa tar laa jarəse le wase ə-taaje marə ndil dang kə Ndil kə̂ ingaje dɔngɔr le wase n̂-ddee kə marə tar kə̂ maji dang kə ye kə̂ ə-taaje dɔngɔr le a, aw ndikije tə̂ saa kə majɛ̂.

2 Kɔrɛntinyɛje 11:7

M-dda rɔm tɛn baa bba ta dda karə sese ə-ddeeje to dəwje kə̂ bo ngaâ mila mbər Tar kə̂ Maji lə Lubba baa marəse. A yeenn to majang â m-dda wa?

2 Kɔrɛntinyɛje 4:3

Bbo Tar kə̂ Maji kə̂ jaw jila mbəre le nayn uja mbi marə dəwje tə̂ ang bbay a, to dəwje kə̂ aw naynje kə kɔrɔ̂ â nayn uja mbide tə̂ ang bbay.

2 Kɔrɛntinyɛje 4:4

Dooje məde tə̂ ang, mba Satan kə̂ to lubba kə̂ nangə̂ nəənn ɔku ddəw nɛ̂n-gərə ləde karə dooje ndoko lə Tar kə̂ Maji kə̂ aw tɔju piti lə Kristə. Kristə kə̂ to tokə Lubba le.

2 Kɔrɛntinyɛje 8:18

Julɛ̂ kə marə ngokɔnje kə̂ Egilisije tɔyn aw piteje mba kula kə̂ naw dda mba Tar kə̂ Maji le.

2 Kɔrɛntinyɛje 9:13

Dâ kooje nɛ̂n kə̂ ə-ddaje nəənn le ngaâ dâ kɔsuje gaji Lubba mba aw ddaje nɛ̂n kə turu ndu Tar kə̂ Maji lə Kristə ddəm mba mə-kâra kə̂ aw ddaje kə de ddəm kə kəsə dəwje lə Lubba tɔyn ddəm ddəw nɛ̂n tə̂ kə̂ aw arəjede le.

Kolosinyɛje 4:3

Maji karə ə-dujuje Lubba mba tar ləje tɔ, karə nɔru ddəw narə n-pa tar laa. Baann bba karə mila mbər tar lə Kristə kə̂ to lo-kiyɛ̂ tə̂ le. Mba nɛ̂ɛnn le â dilam kəy-kula tə̂ mbɛɛ̂.

1 Tesalonisinyɛje 3:2

Ngaâ jula ngokɔnje Timɔte jarəse. Ne le naw numanje kula tə̂ lə Lubba mba kila mbər Tar kə̂ Maji lə Kristə. Julɛ̂ bba karə n̂-dda narə ingaje singa ddəm karə uwaje arəje ngəng ddəw mə-kunn tə̂ ləse ddəm.