2 Kɔrɛntinyɛje 13:4 - Dɔnɔn kə̂ Siki: Tar kə̂ aw arə təbbə

⁴ Tɔkɔrɔ njaa, n̂-tɔlɛ̂ kakə-dəsə tə̂ mba singɛ̂ kə̂ goto. A bbasinɛn, nisi kəm baa ddəw singa-mɔngu tə̂ lə Lubba. Jeje kara, singaje goto ddəw tə̂ laa tɔ. A ja kisi kəm baa saa ddəw singa-mɔngu tə̂ lə Lubba mbase.

2 Kɔrɛntinyɛje 13:4 Iomraidhean Croise

Tar kə̂ Maji kə̂ Jan dda makəturu tə̂ 10:18

Dəw kâra ɔru təbbə ləm jim tə̂ kə singa ang, əman njaa marə kə̂ mə-ndiki ləm. Masə ta karə təbbə ləm ngaâ masə ta təl kinga. Yeenn to ndu kə̂ Bɔ unn arəm.»

Kulaje 2:36

«Maji karə dəwje tɔyn kə̂ Ijarayɛl gərəje kə majɛ̂: Jeju kə̂ ə-tɔlɛ̂je kakə-dəsə tə̂ le, Lubba arə n̂-to Kristə ddəm Əbbə-dəwje ddəm.»

Kulaje 3:16

Dingaw kə̂ ooeje ngaâ ə-gəreje kə̂ ar nəənn, mbal dɔ koo kə̂ joo məje tə̂ kə ri Jeju le â, ri Jeju le arɛ̂ singa. Ddəw mə-kunn tə̂ kə Jeju le â dda arə rɔɛ̂ ddee maji arə sese tɔyn njaa aw ooje nəənn.

Rɔmɛnje 1:4

A ddəw tə̂ lə Ndil-mə-nda, Lubba undɛ̂ to Ngonnɛ̂ kə̂ narɛ̂ singa-mɔngu ddəw ndol tə̂ kə̂ noy a, n̂-ndole. N̂-to Əbbəjeje Jeju-Kristə.

Rɔmɛnje 14:9

Mba Kristə oy ngaâ təl isi kəm baa, baann bba nâ to Əbbə dəwje kə̂ oyje ddəm Əbbə dəwje kə̂ isije kəm baa ddəm.

Rɔmɛnje 6:4

Ddəw batɛm tə̂ le, nayn to joyje ngaâ n̂-dubbuje kâra baa saa, mba karə kisi ləje kə̂ bbasinɛn to dang kə ye kə̂ ləw, tokə Kristə kə̂ oy ngaâ ndol ddəw singa-mɔngu tə̂ lə Bɔjeje Lubba kə̂ piti to laa le.

1 Kɔrɛntinyɛje 1:25

Mba nɛ̂n lə Lubba kə̂ tokə nɛ̂n-mbəjeenn le to kəm-karɛ kə̂ bo nya uta kəm-karɛ lə dəwje. Nɛ̂n lə Lubba kə̂ tokə nɛ̂n kə̂ singɛ̂ gotojeenn le ubba singa uta singa lə dəwje.

1 Kɔrɛntinyɛje 15:43

Rɔ kə̂ n̂-dubbu le to ndoo, a rɔ kə̂ a ndol le to nɛ̂n piti. Rɔ kə̂ n̂-ndubbu le ubba singa ang, a rɔ kə̂ a ndol le ubba singa.

1 Kɔrɛntinyɛje 2:3

Mba yeenn bba, ndɔ kə̂ maw nɛ̂n rɔse tə̂ le singam goto, m-bbəəl ngaâ misa nya.

1 Kɔrɛntinyɛje 6:14

Lubba kə̂ ndol Əbbə-dəwje kə̂ oy le, a ndolje ddəw singa-mɔngu tə̂ laa tɔ.

2 Kɔrɛntinyɛje 10:10

Mba marə dəwje paje nan: Makəturuje lə Pɔl ngəng nya ddəm mɔngu nya ddəm. Â bbo ne njaa kə da-rɔɛ̂ nisi horoje tə̂ a, singɛ̂ goto ddəm turu tar kə̂ naw pa goto ddəm.

2 Kɔrɛntinyɛje 12:10

Mba yeenn bba, rɔm nəələm nya mə karje tə̂ kə̂ singam goto, mə nɛ̂n-tajije tə̂, mə nɛ̂n-singaje tə̂, mə ndooje tə̂ kə̂ dəwje aw ulaje kəmʼm tə̂, mə nɛ̂n-bbəəlje tə̂ kə̂ aw ingamje ɔju dɔ Kristə. Mba, mə kar tə̂ kə̂ singam goto bba maw mubba singa.

2 Kɔrɛntinyɛje 13:9

Kar tɔyn kə̂ jeje jee kə singa ang, â bbo sese eeje nɛ̂n a, rɔje nəəlje. Nɛ̂n kə̂ jaw duju Lubba to, karə ə-ddeeje to dəwje kə̂ maji tɔyn.

Pilipinyɛje 3:10

Nɛ̂n kə̂ m-ndiki kâra baa njaa to gərə Kristə kə gərə singa-mɔngu kə̂ noy, a ndole, ta koo ndoo saa ngaâ ta ddee tokə laa ddəw yo tə̂ kə̂ noy.

Ebərəje 5:7

Kar kə̂ Jeju nayn nɛ̂n dɔ nangə tə̂ bbay le n̂-duju Lubba n̂-dda nɛ̂n rɔɛ̂ to ndoo, nuru nɛ̂n əkii ləm ang ddəm nɔn Lubba tə̂ kə̂ asə ta kajɛ̂ ta yo tə̂. Yeenn bba Lubba oo ndu-nɔn laa le mba nunn rɔɛ̂ narə Lubba.

1 Piyɛr 3:18

Mba Kristə le njaa oy gɔl kâra baa mba majangje lə dəwje. Ne kə̂ n̂-to gatə gatə, noy mba dəwje kə̂ toje gatə gatə ang, mba kaw kə se rɔ Lubba tə̂. Dəwje tɔl da-rɔɛ̂, a Lubba ndole arə n̂-təl nisi kəm baa ddəw tə̂ lə Ndil-mə-nda.

1 Piyɛr 3:22

Jeju-Kristə le in aw darâ ngaâ isi dɔ ji-kɔl Lubba tə̂. Naw nɔn dɔ anjəje ddəm ndilje kə̂ aw ɔnje mbay ddəm singa-mɔnguje ddəm.