2 Kɔrɛntinyɛje 13:11 - Dɔnɔn kə̂ Siki: Tar kə̂ aw arə təbbə

¹¹ Ta kutu nɛ̂n dɔɛ̂ a, ngakɔnʼmje, maji karə isije kə rɔ-nəəl. Ə-sangəje ddəw ta ddee maji tɔyn. Ə-ndəjəje naan bba karə rɔse oy njururu ang, ooje ta naan, isije kə mə-wul-lɔm. A Lubba kə̂ nje-ndiki dəwje ddəm nje-karə mə-wul-lɔm ddəm a nayn kə se.

2 Kɔrɛntinyɛje 13:11 Iomraidhean Croise

Matiye 1:23

«Ngonn mandə kə̂ gərə ngaw ang a kuwa səm, nâ kuju ngonn kə̂ dingaw, ngaâ dâ kunda ria nan Emanuwɛl.» Gəl ri le nan: Lubba isi kə je.

Matiye 5:48

Yeenn a, maji karə ə-ddeeje to dəwje kə̂ maji tɔyn tokə Bɔsese kə̂ isi darâ kə̂ maji tɔyn le.»

Marke 10:49

Jeju ar lo kâra ngaâ pa nan: «Ə-bbarɛ̂je.» Dəwje le bbarɛ̂je ngaâ paje arɛ̂ nan: «Ə-dda singa in taar, naw bbari!»

Marke 9:50

Katə to nɛ̂n kə̂ maji. A bbo katə təl dɔɔn ang ngaa a, ddi bba dəw a dda karə katə le təl dɔɔn bbay wa? Maji karə katə to rɔse tə̂, ta isije kə̂ mə-wul-lɔm horose tə̂.»

Luku 9:61

Marə dəw pa arə Jeju bbay nan: «Mâ ta nja goi tə̂ Əbbə-dəwje, a inya arə maw muwa ji njê kə̂ ləm bba.»

Tar kə̂ Maji kə̂ Jan dda makəturu tə̂ 17:23

M-dda mə-kâra kə de ngaâ əi ə-dda mə-kâra səm. Baann bba dâ ddeeje kâra baa tokə tɔkɔrɔ, bba karə dəwje kə̂ duninya tə̂ gərəje to əi â ulam. Ngaâ, ə-ndikide tokə ə-ndikim.

Kulaje 15:29

Maji karə usaje da kə̂ n̂-polo nɛ̂n kɔr ang, usaje məsə ang, ɔnje da kə̂ dute kəwn n̂-tɔlɛ̂ ang, ə-ddaje kaya ang. Bbo ə-ngəmje rɔse ddəw nɛ̂nje tə̂ənn tɔyn a, to nɛ̂n kə̂ maji. N-ddase lapiya nya.»

Kulaje 18:21

Nâ ta kinyade a, n̂-ndəjəde nan: «Bbo Lubba ndiki a, mâ təl rɔse tə̂ marə ndɔ.» Yeenn ngaâ nunn tɔkə to Epɛjə nɔtu.

Kulaje 23:30

Moo nan dâ ta kiya baan ta tɔlɛ̂. Yeenn bba, mulɛ̂ rɔi tə̂ ngaâ m-pa marə njê kə̂ undaje tar dɔɛ̂ tə̂ le karə daw kə tar laa le nɔin tə̂.»

Rɔmɛnje 12:16

Maji karə ooje ta naan. Lo kula kə̂ bo dɔrɔ â ə-sangəje ang. Ngonn kula kara ə-ddaje. Ooje rɔse to kəmse arɛ̂ nya uta nje-marse ang.

Rɔmɛnje 12:18

Bbo ddəw to a, arəje mə-wul-lɔm to horose tə̂ kə dəwje tɔyn.

Rɔmɛnje 14:19

Yeenn a, maji karə n-sangəje nɛ̂n kə̂ aw ddee kə mə-wul-lɔm jarə njê-mə-kunnje kâra kâra tɔyn ddaje arə njê-marədeje sangəje ddəw mə-kunn tə̂.

Rɔmɛnje 15:13

Maji karə Lubba kə̂ aw dda bba dəwje aw undaje məde dɔ marə nɛ̂n tə̂ arə rɔ-nəəl kə mə-wul-lɔm ddusu məse ddəw mə-kunn tə̂. Baann bba â kundaje məse nya dɔ nɛ̂n tə̂ənn le ddəw singa-mɔngu tə̂ lə Ndil-mə-nda.

Rɔmɛnje 15:33

Maji karə Lubba kə̂ nje-karə mə-wul-lɔm isi kə se tɔyn. Amɛnn!

Rɔmɛnje 16:20

Mbɔr ang a, Lubba kə̂ nje-karə mə-wul-lɔm a rii Satan nangə̂ kɔ gɔlse tə̂. Maji karə mə-maji lə Əbbəjeje Jeju nayn kə se.

1 Kɔrɛntinyɛje 1:10

Ngakɔnʼmje, m-ndəjəse kə ri Əbbəjeje Jeju-Kristə karə ooje ta naan. Ə-tinje naan ang. Uwaje naan ta arəje kəjəje ləse to kâra baa.

2 Kɔrɛntinyɛje 1:4

Naw wul məje mə nɛ̂n kəm-to-ndooje tə̂ kə̂ aw ingaje, karə ddəw məje tə̂ kə̂ n̂-wul le, jasəje ta wul mə dəwje tɔyn kə̂ nɛ̂n kəm-to-ndooje dang dang aw ingade tɔ.

2 Kɔrɛntinyɛje 13:9

Kar tɔyn kə̂ jeje jee kə singa ang, â bbo sese eeje nɛ̂n a, rɔje nəəlje. Nɛ̂n kə̂ jaw duju Lubba to, karə ə-ddeeje to dəwje kə̂ maji tɔyn.

Epɛjinyɛje 4:12

N̂-dda baann bba karə dəwje lə Lubba asəje tɔyn ta dda kula karə Egilisi kə̂ to da-rɔ Kristə sangə.

Epɛjinyɛje 4:3

Maji karə ə-ddaje singa mba ngəm mə-kâra kə̂ Ndil-mə-nda arə ə-ddaje kə naan ddəw kisi kə naan kə mə-wul-lɔm tə̂.

Epɛjinyɛje 6:23

Maji karə Lubba kə̂ Bɔ kə Əbbəjeje Jeju-Kristə ddaje arə njê-mə-kunnje isije kə mə-wul-lɔm, karə n̂-ndikije naan ngaâ darəde mə-kunn.

Pilipinyɛje 1:27

A maji karə pa-nja ləse dda mə-kâra kə Tar kə̂ Maji lə Kristə le. Baann bba karə bbo m-ddee ta koose wase mee horose tə̂ ang njaa kara, moo tamse. Maji karə dəwje paje arəm nan aw uwaje arəje ngəng ddəw kəjə tə̂ kə kâra baa. Ngaâ məse to kâra baa bba aw ddaje nɛ̂n ddɔ tokə dəwje kə̂ kâra baa, mba mə-kunn kə̂ ddee ddəw Tar tə̂ kə̂ Maji le.

Pilipinyɛje 3:16

Mə nɛ̂n tə̂ tɔyn, ddəw kə̂ junnje ndərəng bbokənɛn nəənn le, maji karə yeenn njaa jawje nɛ̂n nyɔm.

Pilipinyɛje 4:2

Əi Ebodi kə Sɛntis, m-dujuse nya karə ooje ta naan ddəw mə-kâra tə̂ kə̂ aw ddaje kə Əbbə-dəwje.

Pilipinyɛje 4:4

Maji karə ə-ddaje rɔ-nəəl kə ndɔ tɔyn, mba ə-toje to dəwje lə Əbbə-dəwje. M-təl m-pa bbay, ə-ddaje rɔ-nəəl.

Pilipinyɛje 4:9

Nɛ̂n kə̂ m-ndose, nɛ̂n kə̂ ingaje wase nɛ̂n kə̂ m-dda kə̂ ooje tarɛ̂ kə mbise ddəm kəmse ddəm le, maji karə ə-ddaje. Lubba kə̂ Nje-mə-wul-lɔm a nayn kə se.

1 Tesalonisinyɛje 3:10

Til kə kar, jaw duju Lubba nya karə ɔru ddəw arə jaw joose, bba karə ingaje nɛ̂n kə̂ du mə-kunn tə̂ ləse.

1 Tesalonisinyɛje 4:1

Kəsə tar ləje tokə be: Ngakɔnje, n-tɔjuse ddəw kə̂ ta nja nɛ̂n karə nəəl kəm Lubba tə̂. To nɛ̂n kə̂ aw ddaje mban. A n-dujuse ddəm n-ndəjəse ddəm kə ri Əbbəjeje Jeju karə awje nɛ̂n kə kete kete.

1 Tesalonisinyɛje 4:18

Yeenn a, maji karə ə-ndəjəje naan kə tarje nəənn bba karə ubbaje singa.

1 Tesalonisinyɛje 5:13

Maji karə oojede maji kəmse tə̂ ddəm ə-ndikijede ddəm ɔju dɔ kula ləde le. Maji karə isije kə mə-wul-lɔm horose tə̂.

1 Tesalonisinyɛje 5:16

Ndɔ tɔyn njaa, maji karə rɔse nəəlse,

1 Tesalonisinyɛje 5:23

Maji karə Lubba njaa kə̂ to nje-karə mə-wul-lɔm dda arə ə-ddeeje maji tɔyn. Maji karə n̂-ngəm da-rɔse tɔyn, kəjə ləse, kəwn ləse kə rɔse, narə ndɔ ddee lə Əbbə-dəwje Jeju-Kristə a, tar kâra to dɔse tə̂ ang.

2 Tesalonisinyɛje 2:16

Bɔjeje Lubba ndikije ngaâ ddəw mə-maji tə̂ laa n̂-dda narə jubba singa kə ndɔ tɔyn ngaâ narə junda məje dɔɛ̂ tə̂ kə majɛ̂. Yeenn a, n-dujude, ne de kə Əbbəjeje Jeju-Kristə njaa karə

2 Tesalonisinyɛje 3:1

Ngakɔnje, ta kutu nɛ̂n dɔɛ̂ a, maji karə ə-dujuje Lubba mbaje bba karə tar lə Əbbə-dəwje taa lo njangə baa ngaâ karə dəwje pitije tar le tokə dəwje aw pitije bbeê ləse le.

2 Tesalonisinyɛje 3:16

Maji karə Əbbə-dəwje kə̂ to nje-mə-wul-lɔm arə məse wul lɔm kə ndɔ tɔyn, mə nɛ̂nje tə̂ tɔyn. Maji karə Əbbə-dəwje nayn kə se tɔyn!

2 Timɔte 2:22

Ayn nɛ̂nje kə̂ maji ang kə̂ bboe aw dda basanje. Ə-sangə ddəw ta to gatə gatə, uwa mə-kunn ləi arə ngəng, ə-ndiki dəwje, arə mə-wul-lɔm to hori tə̂ kə dəwje kə̂ aw dujuje Əbbə-dəwje kə mə-nda.

Ebərəje 12:14

Maji karə ə-sangəje ddəw kisi kə mə-wul-lɔm kə dəwje tɔyn. Ngaâ arəje nɛ̂n-yərəw ɔruse ang. Baann ang a, dəw kâra horose tə̂ a koo Əbbə-dəwje ang.

Ebərəje 13:20

Lubba kə̂ to nje-karə mə-wul-lɔm dda arə Əbbəjeje Jeju kə̂ to tɔkə nje-kuul batəje le oy, a ndol. Ddəw məsə Jeju tə̂ kə̂ arə to nɛ̂n-polo le â Lubba ɔsu nɛ̂n kə je dɔnɔn kə̂ a to kə ndɔ kə ndɔ.

Jakə 1:4

A maji karə kore-wur ləse dda kula kə̂ maji tɔyn, bba karə ə-ddeeje to dəwje kə̂ maji tɔyn ddəm karə marə nɛ̂n duse ang ddəm.

1 Piyɛr 3:11

Maji karə nayn majang ta n̂-dda maji, Maji karə n̂-sangə mə-wul-lɔm ta n̂-nayn ddəwe tə̂.

1 Piyɛr 3:8

Ta kutu nɛ̂n dɔ tar ləm a, maji karə kəjə ləse to kâra baa ddəm ooje kəm-to-ndoo lə naan ddəm. Maji karə ə-ndikije naan to ngakɔn-naan njaa, ə-ddaje maji kə naan, ə-ddaje rɔse ngaji.

1 Piyɛr 5:10

A kooje ndoo mba gɔju kar bbay. A Lubba kə̂ to nje-dda mə-maji nya kə̂ bbarse ddəw tə̂ lə Jeju-Kristə karə ingaje piti kə̂ to kə ndɔ kə ndɔ le, a dda karə ə-təlje ə-ddeeje maji uta, nâ karə gɔlse uwa nangə, nâ karə ubbaje singa ngaâ nâ karə marə nɛ̂n yəkəse ang.

Apokalisi 22:21

Maji karə mə-maji lə Əbbə-dəwje Jeju nayn kə se tɔyn.