2 Kɔrɛntinyɛje 12:11 - Dɔnɔn kə̂ Siki: Tar kə̂ aw arə təbbə

¹¹ Ə-ddaje arə m-ddee tokə nje-wooy ngaa. Sese â to tar ləse ta pa tar ləm maji. Mba le m-to marə nɛ̂n ang kara, njê-kaw-kulaje kə̂ ooje rɔde to nutamje le, utamje kə̂ marə nɛ̂n kâra ang.

2 Kɔrɛntinyɛje 12:11 Iomraidhean Croise

Luku 17:10

«Ddəw kâra baa, sese kara, bbo ə-ddaje nɛ̂n tɔyn kə turu ndu kə̂ dunn darəse a, aw paje nan: N-to njê-kulaje baa. N-dda nɛ̂n kə̂ to tar ləje ta dda.»

1 Kɔrɛntinyɛje 13:2

Bbo mee kə gusu kila mbər tar lə Lubba wase gusu kɔru gəl nɛ̂nje tɔyn kə̂ toje lo-kiyɛ̂ tə̂ ngaâ m-gərə nɛ̂nje tɔyn wase mə-kunn ləm asə ngəsə ddingirije, a bbo ndiki goto məm tə̂ a, m-to nɛ̂n kə̂ baa.

1 Kɔrɛntinyɛje 3:22

Pɔl, Apolos, wase Sepas, duninya nəənn, təbbə, yo, nɛ̂nje kə̂ bbokənɛn kə nɛ̂nje kə̂ a ddeeje bara tɔyn to nɛ̂nje ləse.

2 Kɔrɛntinyɛje 1:6

 bbo jaw joo ndoo a, jaw dda karə məse wul ngaâ karə ingaje kaji.  bbo məje wul a, to mba karə məse wul tɔ. Yeenn le aw dda arə asəje ta tɔ wurse mə nɛ̂n kəm-to-ndooje tə̂ kə̂ kâra baa kə̂ aw ingajeje le.

2 Kɔrɛntinyɛje 11:1

Ddəw to a, ə-tɔje wurse arəmje, mba mâ pa tar tokə nje-wooy ngaji. Tɔkɔrɔ, ə-tɔje wurse arəmje.

2 Kɔrɛntinyɛje 11:5

Məjə to njê-kaw-kulaje kə̂ ooje rɔde bo nya nəənn le utamje kə marə nɛ̂n kâra ang.

2 Kɔrɛntinyɛje 12:12

M-tɔ wurum mə nɛ̂nje tə̂ tɔyn kə̂ ingamje, m-dda nɛ̂nje kə̂ dum dɔ koo kə nɛ̂n-mɔrije dang dang bbeê ləse. Yeenn tɔju to m-to nje-kaw-kula njaa.

2 Kɔrɛntinyɛje 12:6

Bbo m-ndiki ta kunda gum a, mâ to nje-wooy ang, mba tar kə̂ tɔkɔrɔ njaa â mâ pa. A mâ dda yeenn ang, mba karə dəwje inje pitimje a inyaje kula kə̂ maw dda wase tar kə̂ maw pa.

2 Kɔrɛntinyɛje 3:1

Jeje njaa ja təl pa tar ləje maji karə dəwje bbay wa? Ja duju ta karə n̂-dda makəturu dɔje tə̂ darəse wase karə ə-ddaje makəturu dɔje tə̂ arəjeje bbay tokə marɛ̂je aw dujuje le wa?

2 Kɔrɛntinyɛje 5:13

Bbo n-to tokə dəwje kə̂ dɔde goto a, n-to tokə baann mba Lubba. Â bbo n-to tokə dəwje kə̂ dɔde to tə̂ a, n-to tokə baann mbase.

Galatəje 6:3

Bbo dəw kə̂ to marə nɛ̂n ang oo rɔɛ̂ bo nya a, ne njaa naw nərə rɔɛ̂.

Epɛjinyɛje 3:8

Əman, m-to tɛn baa nya horo dəwje tə̂ lə Lubba tɔyn. A n̂-dda səm mə-maji karə mila mbər tar lə Kristə, kə̂ to nɛ̂n-kinga kə̂ uta nɛ̂n-kingaje tɔyn marə dəwje kə̂ toje to Jiipije ang.