2 Kɔrɛntinyɛje 12:1 - Dɔnɔn kə̂ Siki: Tar kə̂ aw arə təbbə

¹ To tar ləm ta kunda gum wa? Yeenn to marə nɛ̂n kâra ang njaa. A bbasinɛn mâ pa tar nɛ̂nje kə̂ moo tokə lə ninjeenn kə tar nɛ̂nje kə̂ Əbbə-dəwje tɔju kə ddaka arə moo.

2 Kɔrɛntinyɛje 12:1 Iomraidhean Croise

Tar kə̂ Maji kə̂ Jan dda makəturu tə̂ 16:7

To tar kə̂ tɔkɔrɔ njaa â m-pa marəse. Maw a, a ddase maji nya. Mba bbo maw ang a, Nje-kumanse le a ddee rɔse tə̂ ang. A bbo maw a, mâ kulɛ̂ karəse.

Tar kə̂ Maji kə̂ Jan dda makəturu tə̂ 18:14

Kayipi le â ndəjə njê-kɔnje dɔ Jiipije kete nan: «To maji nya karə dəw kâra be oy mba kəsə dəwje» le.

Kulaje 18:9

Marə ndɔ til tə̂, Əbbə-dəwje pa arə Pɔl mə marə nɛ̂n tə̂ tokə lə nin nan: «Ə-bbəəl ang, əw rɔi pa tar ang, utu tai ang.

Kulaje 23:11

Lo ndul a, Əbbə-dəwje tee inga Pɔl ngaâ pa arɛ̂ nan: «Uwa arə ngəng, ə-pa tar-naji ləm Jerujalɛm mban, a maji karə ə-dda tokə baann Rɔm tɔ.»

1 Kɔrɛntinyɛje 10:23

Marə dəwje paje nan: Ddəw ɔru arəm karə m-dda nɛ̂n tɔyn. A nɛ̂n tɔyn njaa maji to maji dɔrɔ ang. Dəw ee kə ddəw ta dda nɛ̂n tɔyn, a nɛ̂n tɔyn njaa dda maji kə Egilisi ang.

1 Kɔrɛntinyɛje 14:6

Ngakɔnʼmje, bbo m-tee horose tə̂ ngaâ maw pa kəsə tar kə ndɔn-tarje kə̂ dəw gərə ang a, ddi kə̂ maji â, â kingaje ddəw tə̂ ləm wa? Maji karə m-pa tar nɛ̂n kə̂ Lubba tɔjum marəse, m-pa tar nɛ̂n-gərə marəse, m-ndaji tar kə̂ ta Lubba tə̂ marəse wase m-tɔjuse nɛ̂n bba a dda kə se maji.

1 Kɔrɛntinyɛje 6:12

Marə dəwje paje nan: «Ddəw ɔru arəm karə m-dda nɛ̂n tɔyn.» Tɔkɔrɔ njaa, a nɛ̂nje tɔyn maji to maji dɔrɔ ang. «Ddəw ɔru arəm karə m-dda nɛ̂n tɔyn.» A əman, mâ təl to bbərə lə marə nɛ̂n kâra ang.

2 Kɔrɛntinyɛje 12:11

Ə-ddaje arə m-ddee tokə nje-wooy ngaa. Sese â to tar ləse ta pa tar ləm maji. Mba le m-to marə nɛ̂n ang kara, njê-kaw-kulaje kə̂ ooje rɔde to nutamje le, utamje kə̂ marə nɛ̂n kâra ang.

2 Kɔrɛntinyɛje 12:5

Mâ kunda gum mba dəw nəənn le, a əman, singam kə̂ goto â mâ kunda gum mbɛɛ̂.

2 Kɔrɛntinyɛje 12:7

Nɛ̂nje kə̂ Lubba tɔju kə̂ ddaka arə moo le to nɛ̂nje kə̂ maji kə̂ dum dɔ dəw. Mba yeenn bba, karə moo rɔm bo nya ang a, dula marə nɛ̂n rɔm tə̂, Satan ula marə dəw laa karə undam, bba karə moo rɔm bo nya ang.

2 Kɔrɛntinyɛje 12:9

A n̂-pa narəm nan: «Mə-maji kə̂ m-dda səi njaa asi. Kar tə̂ kə̂ singa dəw goto bba maw tɔju singa-mɔngu ləm.» Yeenn bba, m-ndiki nya ta kunda gum mba singam kə̂ goto, bba karə singa-mɔngu lə Kristə to dɔm tə̂.

2 Kɔrɛntinyɛje 8:10

M-ndiki ta pa kəjə ləm kə̂ dɔ tar tə̂ nəənn. To tar kə̂ a ddase maji. Kaal nɛ̂n, sese â ə-toje to dəwje kə̂ dɔngɔr kə̂ ndikije ta mbɔn nɛ̂n ngaâ ə-toje to dəwje kə̂ dɔngɔr kə̂ mbɔnje nɛ̂n le.

Galatəje 1:12

Dəw â ndaji tar le arəm ang ddəm dəw â tɔjum ang ddəm. Jeju-Kristə â tee kə tar le kə ddaka arə m-gərə.

Galatəje 2:2

Maw nunn, mba Lubba â pa arəm karə maw. Lo tə̂ənn, mɔru gəl Tar kə̂ Maji kə̂ maw mila mbəre marə dəwje kə̂ toje to Jiipije ang le. Mɔru gəle marə tɔkəje kə̂ dɔ Egilisi tə̂ marə mbɔn-naan tə̂ kə̂ m-dda kə de dang tɔ. M-dda baann mba m-ndiki karə kulaje ləm kə̂ takənɛn kə yəje kə̂ bbokənɛn kara toje to kulaje kə̂ baa ang.

Epɛjinyɛje 3:3

Lubba tɔjum nɛ̂nje kə̂ n̂-gɔl ta dda kə̂ naynje lo-kiyɛ̂ tə̂. M-pa tar dɔ nɛ̂nje tə̂ənn ngaji marəse kete makəturu tə̂ nəənn mban.

1 Tesalonisinyɛje 4:15

Ddəw kâra baa tokə Əbbə-dəwje pa le, nɛ̂n kə̂ n-pa jarəse â nəənn: Jeje kə̂ ja naynje kəm baa ndərəng ndɔ ddee tə̂ lə Əbbə-dəwje, ja kaw kete karə dəwje kə̂ oyje le ang.

1 Jan 5:20

Jeje, n-gərəje to Ngonn lə Lubba ddee ngaâ arəje kəm-karɛ karə n-gərəje Lubba kə̂ tɔkɔrɔ. Ngaâ n-ddaje mə-kâra kə Lubba kə̂ tɔkɔrɔ ddəw tə̂ lə Ngonnɛ̂ Jeju-Kristə. Ne â n̂-to Lubba kə̂ tɔkɔrɔ, ne â n̂-to təbbə kə̂ to kə ndɔ kə ndɔ.