2 Kɔrɛntinyɛje 11:1 - Dɔnɔn kə̂ Siki: Tar kə̂ aw arə təbbə

¹ Ddəw to a, ə-tɔje wurse arəmje, mba mâ pa tar tokə nje-wooy ngaji. Tɔkɔrɔ, ə-tɔje wurse arəmje.

2 Kɔrɛntinyɛje 11:1 Iomraidhean Croise

Matiye 17:17

Jeju pa nan: «See dəwje kə̂ mə-kunn ləse goto nəənn, mâ nayn kə se be mba ndɔ baânn wa? Mâ kumanse mba ndɔ baânn bbay wa? Ə-ddeeje kə ngonn le arəmje.»

Kulaje 18:14

Pɔl a ta pa tar a, Galiyɔn ila tar Jiipije tə̂ nan: «Bbo tar nəənn to tar tɔl dəw wase tar nɛ̂n kə̂ ngəng a, mâ kungu tar gəlse tə̂.

Kulaje 26:29

Pɔl pa arɛ̂ nan: «Kə̂ bbasinɛn nəənn wase marə ndɔ tə̂ kâra, mâ duju Lubba karə əi ddəm see dəwje tɔyn kə̂ aw ooje tar ləm bbokənɛn nəənn ddəm ə-ddeeje tokə əman. A m-ndiki ta karə n̂-tɔse kə kula njamji tokə əman nəənn ang.»

1 Kɔrɛntinyɛje 1:21

Lubba dda ddəw kəm-karɛ tə̂ laa arə dəwje kə̂ duninya tə̂ nəənn asəje ta gəre ddəw kəm-karɛ tə̂ ləde njaa ang. Yeenn bba Lubba oo maji ta kaji dəwje kə̂ unnje məde ddəw tar tə̂ kə̂ jaw jila nɛ̂n mbər kə̂ to tokə tar mbəjeenn le.

1 Kɔrɛntinyɛje 3:18

Maji karə dəw kâra ərə rɔɛ̂ ang. Bbo marə dəw horose tə̂ oo rɔɛ̂ to nje-kəm-karɛ ddəw nɛ̂nje tə̂ kə̂ dɔ nangə tə̂ nəənn a, maji karə noo rɔɛ̂ to mbə bba nâ ddee to nje-kəm-karɛ kə̂ tɔkɔrɔ.

1 Kɔrɛntinyɛje 4:10

Jeje n-to mbəje ɔju dɔ Kristə, a sese ə-toje to njê-kəm-karɛje ddəw tə̂ lə Kristə. Jeje, jubba singa ang, a sese ubbaje singa. Dəwje aw ɔsuje gajise, a jeje dooje to nɛ̂n ang.

1 Kɔrɛntinyɛje 4:8

A kə̂ ingaje nɛ̂n tɔyn asəse mban le! A kə̂ ə-toje to njê-nɛ̂n-kingaje mban le! A kə̂ aw ɔnje mbay mban, a jeje jɔn mbay ang le! Bbo le to ɔnje mbay le tokə tɔkɔrɔ a, jeje kara ja kɔn kə se mbay tɔ!

2 Kɔrɛntinyɛje 11:19

Sese kə̂ ə-toje to njê-kəm-karɛje le, aw ndikije tə̂ ta tɔ wurse koo nɛ̂n tarje ləde!

2 Kɔrɛntinyɛje 11:21

To rɔ-kul ləm ta pa: Moo a, tokə nɛ̂n kə̂ n-toje to njê-yɔɔje njaa nyɔm. M-pa tar tokə nje-wooy, m-pa nan: Bbo dəw tay unda gue mba marə nɛ̂n a, əman kara, mâ tay kunda gum tɔ.

2 Kɔrɛntinyɛje 11:4

Mba bbo marə dəw ddee aw ila mbər tar lə marə Jeju dang kə Jeju kə̂ n-pa tar laa jarəse le wase ə-taaje marə ndil dang kə Ndil kə̂ ingaje dɔngɔr le wase n̂-ddee kə marə tar kə̂ maji dang kə ye kə̂ ə-taaje dɔngɔr le a, aw ndikije tə̂ saa kə majɛ̂.

2 Kɔrɛntinyɛje 12:11

Ə-ddaje arə m-ddee tokə nje-wooy ngaa. Sese â to tar ləse ta pa tar ləm maji. Mba le m-to marə nɛ̂n ang kara, njê-kaw-kulaje kə̂ ooje rɔde to nutamje le, utamje kə̂ marə nɛ̂n kâra ang.

2 Kɔrɛntinyɛje 5:13

Bbo n-to tokə dəwje kə̂ dɔde goto a, n-to tokə baann mba Lubba. Â bbo n-to tokə dəwje kə̂ dɔde to tə̂ a, n-to tokə baann mbase.

Ebərəje 5:2

Ne nje-polo Lubba le njaa kara naw nubba singa ddəw marə nɛ̂nje tə̂ ang nya. Yeenn a, nasə ta gərə nɛ̂n kə̂ aw uta singa dəwje kə̂ gərəje nɛ̂n ang ngaâ ndəəmje ddəw.