2 Kɔrɛntinyɛje 10:4 - Dɔnɔn kə̂ Siki: Tar kə̂ aw arə təbbə

⁴ Mba nɛ̂n-ddɔje kə̂ jaw ddɔje nɛ̂n toje to nɛ̂n-ddɔje kə̂ dəw â dda ang. Singa nɛ̂n-ddɔje le in rɔ Lubba tə̂ mba guru nɛ̂n ndokoje kə̂ ngəng, jaw tujuje kəjəje kə̂ toje kə dɔgɔlɛ̂ ang.

2 Kɔrɛntinyɛje 10:4 Iomraidhean Croise

Kulaje 7:22

N̂-tɔju Mɔyijə kəm-karɛ lə dəwje kə̂ Ejipitə arə tar-pa laa kə nɛ̂n-dda laa tɔju to n̂-to dəw kə̂ ngəng.

Rɔmɛnje 13:12

Ta lo-karɛ ngaa. Yeenn a, maji karə jinyaje nɛ̂n-ddaje kə̂ dəwje aw ddaje lo ndul tə̂ ta julaje nɛ̂n-ddɔje kə̂ dəwje aw ddaje nɛ̂n ddɔ dann karâ rɔje tə̂.

Rɔmɛnje 6:13

Unnje dəbbə rɔse kâra ilaje majang tə̂ ang ngaa, mba a təl to nɛ̂n-dda kula kə̂ gatə gatə ang. A unnje rɔse arəje Lubba tokə dəwje kə̂ oyje bba ndolje. Unnje rɔse tɔyn ilaje kula tə̂ lə Lubba karə rɔse le təl to nɛ̂n kə̂ ta dda nɛ̂n kula kə̂ gatə gatə.

1 Kɔrɛntinyɛje 2:5

Baann bba karə mə-kunn ləse ar dɔ singa-mɔngu tə̂ lə Lubba bbo ar dɔ kəm-karɛ tə̂ kə̂ nangə̂ nəənn ang.

1 Kɔrɛntinyɛje 9:7

Ndɔ kâra dəw andə mbamba tə̂ a, narɛ laa njaa uka nɛ̂n rɔɛ̂ wa? Nân bba ndɔɔ binyə a, usa kandɛ̂ ang wa? Wase nân bba uul nɛ̂n a, ay mba nɛ̂n-kuul le ang wa?

2 Kɔrɛntinyɛje 10:8

Əbbə-dəwje arəje singa karə n-dda jarə ubbaje singa, bbo ta dda karə singase ɔru ang. Yeenn bba bbo munda nɛ̂n gum uta dɔɛ̂ ngaji kara, rɔm a wul ang.

2 Kɔrɛntinyɛje 13:10

Mba yeenn bba, kar kə̂ m-goto horose tə̂ le, m-dda makəturu nəənn marəse, bba karə bbo m-tee horose tə̂ a, m-pa tar kə singa singa kə se ang ngaa. Mba Əbbə-dəwje arəm singa ta dda karə ubbaje singa bbo ta tujuse ang.

2 Kɔrɛntinyɛje 3:5

Jeje njaa jasə ta dda kula nəənn le ang. Lubba â dda arə jasə ta dda kula kə̂ jaw dda le.

2 Kɔrɛntinyɛje 4:7

A nɛ̂n-kinga kə̂ ngəng nəənn le to rɔje tə̂ tokə jo anji, bba karə dəwje gərəje to singa-mɔngu kə̂ garɛ̂ goto nəənn le in rɔ Lubba tə̂ bbo in rɔje tə̂ ang.

2 Kɔrɛntinyɛje 6:7

n-pa tar kə̂ tɔkɔrɔ, Lubba arəje singa-mɔngu laa. Junn nɛ̂n-dda kə̂ gatə gatə to nɛ̂n-dda ddɔ ləje ddəm to dər ləje ddəm.

1 Tesalonisinyɛje 5:8

A jeje kə̂ n-to dəwje kə̂ aw nja karâ le, maji karə n-gərəje dɔjije. Maji karə mə-kunn kə ndiki toje rɔje tə̂ tokə lə kubbu ddɔ. Məje kə̂ junda ta kinga kaji le maji karə to dɔje tə̂ tokə lə əjɔkudɔ-ddɔ.

1 Timɔte 1:18

Ngonnəm Timɔte, ndu kə̂ maw minya mə jii tə̂ nəənn, ar dɔ tar tə̂ kə̂ njê-kilaje mbər tar lə Lubba paje dɔi tə̂ ləw le. Maji karə tarje nəənn ari singa arə ə-dda nɛ̂n ddɔ kə̂ maji,

2 Timɔte 2:3

Maji karə oo səm ndoo tokə nje-ddɔ lə Jeju-Kristə kə̂ tɔkɔrɔ njaa.

Ebərəje 11:30

Ddəw mə-kunn tə̂ â ngann Ijarayɛlje njaje gukuje nɛ̂n dɔ bbe kə̂ Jeriko ndɔ siri. A ndoko kə̂ dila n̂-guku nɛ̂n bbe le unda nangə.