2 Kɔrɛntinyɛje 10:1 - Dɔnɔn kə̂ Siki: Tar kə̂ aw arə təbbə

¹ Əman Pɔl, maw dujuse marə nɛ̂n kə ri Kristə kə̂ wul pee ddəm to nje-mə-maji ddəm. Aw paje nan, bbo misi horose tə̂ a m-wul, â bbo misi ddəw əw kə se a, maw nya dɔse tə̂ nya.

2 Kɔrɛntinyɛje 10:1 Iomraidhean Croise

Matiye 11:29

Ə-taaje juku ləm otoje ngaâ arəje m-tɔjuse nɛ̂n, mba m-wul pee ddəm məm to mə ngonn-kasə ddəm. Yeenn bba â kuwaje rɔse.

Matiye 21:5

«Ə-paje arə dəwje kə̂ Sinyɔ: Ooje, mbay ləse aw ddee kə rɔse tə̂, n̂-to dəw kə̂ wul pee, nisi dɔ kɔn kororo tə̂, kə dɔ ngonn kororo tə̂ kə̂ to da kə̂ daw dda nɛ̂n kula.»

Kulaje 8:32

Tar kə̂ makəturu tə̂ kə̂ naw tura le tokə be: «N̂-to ddəw kâra baa kə batə kə̂ daw saa kə lo tɔl daje tə̂, n̂-to tokə ngonn batə kə̂ daw duja biiɛ̂n, a nɔn ang. Nɔru tɛɛ̂ n̂-pa nɛ̂n tar ang.

Rɔmɛnje 10:20

Ejayi kara pa tar lə Lubba le kə bbəəl ang. N̂-pa nan: «Dəwje kə̂ sangəmje ang â ingamje. Dəwje kə̂ dujumje nɛ̂n ang ddəm â m-tɔju rɔm marəde.»

Rɔmɛnje 12:1

Ngakɔnʼmje, Lubba tɔju maji laa kə̂ n̂-dda kə je. Yeenn bba, m-walse nya karə unnje da-rɔse njaa arəje Lubba tokə nɛ̂n-polo kə̂ to kəm baa, nɛ̂n kə̂ dunda dang ngaâ maji kəm Lubba tə̂. Yeenn â to gusu kə̂ tɔkɔrɔ kə̂ ta polo nɛ̂n Lubba.

Rɔmɛnje 15:15

Muwa rɔm to dingaw bba m-dda makəturu nəənn mba kole nɛ̂n məse dɔ nɛ̂nje tə̂ kə ə-ndoje mban. M-dda tokə baann, mba Lubba dda səm mə-maji

1 Kɔrɛntinyɛje 2:3

Mba yeenn bba, ndɔ kə̂ maw nɛ̂n rɔse tə̂ le singam goto, m-bbəəl ngaâ misa nya.

1 Kɔrɛntinyɛje 4:10

Jeje n-to mbəje ɔju dɔ Kristə, a sese ə-toje to njê-kəm-karɛje ddəw tə̂ lə Kristə. Jeje, jubba singa ang, a sese ubbaje singa. Dəwje aw ɔsuje gajise, a jeje dooje to nɛ̂n ang.

1 Kɔrɛntinyɛje 4:21

Ddi â ə-ndikije wa? Ə-ndikije karə m-ddee rɔse tə̂ kə ndəy wase m-ddee kə ndiki kə kəjə kə wul pee?

2 Kɔrɛntinyɛje 10:10

Mba marə dəwje paje nan: Makəturuje lə Pɔl ngəng nya ddəm mɔngu nya ddəm. Â bbo ne njaa kə da-rɔɛ̂ nisi horoje tə̂ a, singɛ̂ goto ddəm turu tar kə̂ naw pa goto ddəm.

2 Kɔrɛntinyɛje 10:2

M-walse nya: Dang bba ə-ddaje arə bbo m-tee horose tə̂ a, m-nya dɔse tə̂ ang. Mba marə dəwje paje nan, kulaje kə̂ jaw dda to kulaje kə̂ ddəw da-rɔ tə̂ baa. Yeenn bba m-ndiki ta kin kə de karə ngəng.

2 Kɔrɛntinyɛje 10:7

Maji karə aaje nɛ̂n kə̂ to kəmse tə̂ ddaka baa nəənn ooje: Bbo dəw əjə to n̂-to dəw lə Kristə a, maji karə n̂-gərə kə majɛ̂ to, jeje kara n-to dəwje lə Kristə tɔ.

2 Kɔrɛntinyɛje 11:21

To rɔ-kul ləm ta pa: Moo a, tokə nɛ̂n kə̂ n-toje to njê-yɔɔje njaa nyɔm. M-pa tar tokə nje-wooy, m-pa nan: Bbo dəw tay unda gue mba marə nɛ̂n a, əman kara, mâ tay kunda gum tɔ.

2 Kɔrɛntinyɛje 11:30

Bbo ta kunda gum a, singam kə̂ goto a mâ kunda nɛ̂n gum.

2 Kɔrɛntinyɛje 12:5

Mâ kunda gum mba dəw nəənn le, a əman, singam kə̂ goto â mâ kunda gum mbɛɛ̂.

2 Kɔrɛntinyɛje 3:12

Junda məje tokə baann le arə məje oso pɔn.

2 Kɔrɛntinyɛje 5:20

Jeje, Kristə â ulaje karə n-paje tar kə ria. Yeenn nayn to Lubba njaa aw bbarse ddəw tə̂ ləje. Jaw walse nya kə ri Kristə, maji karə unguje naan tə̂ kə Lubba.

2 Kɔrɛntinyɛje 6:1

Jaw dda kula kə Lubba le. Mba yeenn bba n-walse nya karə mə-maji kə̂ Lubba dda kə se le to baa ang.

2 Kɔrɛntinyɛje 7:4

Munda məm tɔyn kə dɔse tə̂. Maw munda gum mbase nya. Wurum oso pɔn ddəm maw minga rɔ-nəəl nya ddəm mə nɛ̂n kəm-to-ndooje tə̂ ləje.

Galatəje 4:13

Ə-gərəje kə majɛ̂ to, rɔm kə̂ tom â dda arə m-nayn horose tə̂ ngaâ mila mbər Tar kə̂ Maji marəse to dɔngɔrɛ̂ bbay.

Galatəje 5:2

Əman Pɔl, m-pa marəse: Bbo arəje dujase ganja a, Kristə a to marə nɛ̂n kâra karəse ang ngaa

Epɛjinyɛje 3:1

Mba yeenn bba, əman Pɔl, dilam kəy-kula tə̂ mba tar lə Jeju-Kristə kə̂ maw mila mbəre marəse, see dəwje kə̂ ə-toje to Jiipije ang.

Epɛjinyɛje 4:1

Yeenn bba, əman kə̂ dilam kəy-kula tə̂ mba Əbbə-dəwje, m-dujuse nya karə pa-nja ləse to pa-nja lə dəwje kə̂ Lubba bbarde njaa.

Pilipinyɛje 4:5

Maji karə dəwje tɔyn gərəje mə-maji ləse. Əbbə-dəwje a təl ngɔsi baa.

Kolosinyɛje 1:23

A maji karə ə-naynje ddəw mə-kunn tə̂ le ta arje dɔɛ tə̂ arə ngəng tokə kəy kə̂ gɔlɛ̂ uwa nangə kə majɛ̂. Nɛ̂n kə̂ Tar kə̂ Maji dda arə aw undaje məse dɔɛ tə̂ le, inyaje ddəwe ang. Tar kə̂ Maji le dila mbəre darə dəwje tɔyn kə̂ dɔ nangə tə̂. Ngaâ əman Pɔl, m-ddee to nje-kula Tar kə̂ Maji le.

2 Tesalonisinyɛje 3:17

Əman Pɔl njaa muja tar lapiya nəənn kə jim. Yeenn to gusu kə̂ maw munda nɛ̂n jim makəturuje tə̂ ləm kâra kâra tɔyn. Əndaji makəturu ləm tokə baann.

Pilemɔn 1:19

Əman Pɔl njaa m-dda tar nəənn makəturu tə̂ kə jim: Əman njaa mâ kuka. Əi njaa kara ə-gərə to təbbə ləi nayn to bbangə ləm dɔi tə̂.

Pilemɔn 1:9

A moo maji ta duji karə ə-dda nɛ̂n le ddəw ndiki tə̂. Əman Pɔl kə̂ m-to bbuka ngaâ bbasinɛn m-to kəy-kula tə̂ mba Jeju-Kristə le.

1 Piyɛr 2:11

See ngakɔnʼmje kə̂ m-ndikise nya, ə-toje to njê-mbaje ddəm dəwje kə̂ aw ndayje to nday dɔ nangə tə̂ nəənn ddəm. Mba yeenn bba, m-ndəjəse karə ə-ngəmje rɔse ddəw bboje tə̂ kə̂ da-rɔ tə̂ kə̂ aw ddaje ddɔ kə se.

Apokalisi 1:9

Əman ngokɔnse Jan, moo ndoo kə se kâra baa. Əman kə sese tɔyn n-ddeeje to dəwje kə̂ mə Bbe-kɔn tə̂ lə Jeju ngaâ jaw juwaje jarə ngəng ddəw tə̂ laa. Duwam dulam dɔ dərə-ba tə̂ kə̂ ria nan Patəmos mba tar lə Lubba kə̂ mila mbəre ddəm mba tar-naji lə Jeju kə̂ maw pa ddəm.