2 Kɔrɛntinyɛje 1:6 - Dɔnɔn kə̂ Siki: Tar kə̂ aw arə təbbə

⁶ Â bbo jaw joo ndoo a, jaw dda karə məse wul ngaâ karə ingaje kaji. Â bbo məje wul a, to mba karə məse wul tɔ. Yeenn le aw dda arə asəje ta tɔ wurse mə nɛ̂n kəm-to-ndooje tə̂ kə̂ kâra baa kə̂ aw ingajeje le.

2 Kɔrɛntinyɛje 1:6 Iomraidhean Croise

Kulaje 21:5

Ndɔ le asə ngaâ junn ddəw ta kɔtu a, dəwje tɔyn dannjeje, dede kə dɛnɛ̂nje ləde kə ngannde ndərəng n̂-teeje kə je mə bbe tə̂ le ddaka. Jungu məkəjə-gɔlje nangə̂ ta ba-katə tə̂ ngaâ n̂-duju Lubba.

Rɔmɛnje 8:28

N-gərəje to nɛ̂nje tɔyn aw mbɔnje naan ta dda maji kə dəwje kə̂ ndikije Lubba, dede kə̂ Lubba bbarde ddəw nɛ̂n tə̂ kə̂ n̂-gɔl tokə kete.

2 Kɔrɛntinyɛje 1:4

Naw wul məje mə nɛ̂n kəm-to-ndooje tə̂ kə̂ aw ingaje, karə ddəw məje tə̂ kə̂ n̂-wul le, jasəje ta wul mə dəwje tɔyn kə̂ nɛ̂n kəm-to-ndooje dang dang aw ingade tɔ.

2 Kɔrɛntinyɛje 12:15

Əman, m-ndiki ta tuju nɛ̂nje ləm ddəm ta tuju singam ddəm tɔyn mbase. Â ndikimje nya ang, mba ndiki kə̂ m-ndikise nya le wa?

2 Kɔrɛntinyɛje 5:5

Lubba â gɔlje mba nɛ̂ɛnn le ngaâ narəje Ndil laa ta nginan nɛ̂n nɛ̂nje kə̂ n̂-gɔl mba tar ləje.

Epɛjinyɛje 3:1

Mba yeenn bba, əman Pɔl, dilam kəy-kula tə̂ mba tar lə Jeju-Kristə kə̂ maw mila mbəre marəse, see dəwje kə̂ ə-toje to Jiipije ang.

Epɛjinyɛje 3:13

Mba yeenn bba, m-dujuse karə rɔse oy njururu mba ndoo kə̂ maw moo mbase le ang. Yeenn to nɛ̂n kə̂ a karəse piti.

Pilipinyɛje 1:19

Mba m-gərə to nɛ̂ɛnn a dda karə m-tee ta yo tə̂ ddəw duju Lubba tə̂ kə̂ aw dujuje mbam kə Ndil lə Jeju-Kristə kə̂ aw umanʼm le.

2 Timɔte 2:10

Mba yeenn bba maw tɔ wurum nɛ̂nje tə̂ tɔyn mba dəwje kə̂ Lubba mbərəde, mba karə dede njaa kara dingaje kaji kə̂ Jeju-Kristə aw arə dəwje. Baann bba dâ kingaje piti kə̂ a to kə ndɔ kə ndɔ.