2 Kɔrɛntinyɛje 1:20 - Dɔnɔn kə̂ Siki: Tar kə̂ aw arə təbbə

²⁰ Ddəw tə̂ lə Jeju le â Lubba pa nan «An än» ta karə nɛ̂n je nɛ̂nje tɔyn kə̂ ne njaa nunn ndue ta karəje le. Ddəw tə̂ laa tɔ a, jeje kara n-pa nan «Amɛnn» jarə Lubba ta kɔsu nɛ̂n gajɛ̂.

2 Kɔrɛntinyɛje 1:20 Iomraidhean Croise

Matiye 6:13

Inya arə marə nɛ̂n nanje ang. A ɔruje ji Nje-mə-majang tə̂. [Mba əi njaa kɔn-mbay, singa-mɔngu kə piti toje to ləi kə ndɔ kə ndɔ! Amɛnn.]

Luku 2:14

«Piti to lə Lubba darâ nu. Ngaâ mə-wul-lɔm to dɔ nangə tə̂, horo dəwje tə̂ kə̂ n̂-ndikide!»

Tar kə̂ Maji kə̂ Jan dda makəturu tə̂ 1:17

Lubba arəje Ndu ləw ddəw tə̂ lə Mɔyijə, a mə-maji kə tar kə̂ tɔkɔrɔ ddeeje ddəw tə̂ lə Jeju-Kristə.

Tar kə̂ Maji kə̂ Jan dda makəturu tə̂ 14:6

Jeju ilɛ̂ tə̂ nan: «M-to ddəw, m-to tar kə̂ tɔkɔrɔ, m-to təbbə. Dəw kâra a kasə tee rɔ Bɔ tə̂ kə ddəw kə̂ dang ang, ddəw tə̂ ləm kâra baa.

Tar kə̂ Maji kə̂ Jan dda makəturu tə̂ 3:5

Jeju ilɛ̂ tə̂ nan: «Tɔkɔrɔ m-pa mari, dəw kə̂ maann kə Ndil â uje ang, a kasə kandə mə Bbe-kɔn tə̂ lə Lubba ang.

Rɔmɛnje 11:36

Tɔkɔrɔ, nɛ̂nje tɔyn inje rɔɛ̂ tə̂, nɛ̂nje tɔyn toje to laa ngaâ nɛ̂nje tɔyn toje ddəw tə̂ laa. Maji karə piti to laa kə ndɔ kə ndɔ Amɛnn!

Rɔmɛnje 6:23

Mba kuka kə̂ dəw aw inga go majang tə̂ to yo. A mə-maji lə Lubba kə̂ to nɛ̂n-karə-baa le to təbbə kə̂ to kə ndɔ kə ndɔ ddəw ddee tə̂ kə̂ n-ddeeje kâra baa kə Əbbəjeje Jeju-Kristə.

1 Kɔrɛntinyɛje 14:16

Bbo aw duju Lubba mba karə nɛ̂n wooyo kə ndili a, dəw kə̂ oo ndɔn-tar kə̂ aw pa le ang le a pa nan «Amɛnn» mba duju ləi le tɔkə baânn wa? Mba ne n̂-gərə kandə tar kə̂ aw pa le ang.

2 Kɔrɛntinyɛje 4:15

Nɛ̂nje tɔyn kə̂ aw ingajeje, ingajeje mbase. Baann bba karə bbo Lubba aw dda mə-maji nya nya kə dəwje a, dəwje arəje wooyo Lubba nya tɔ ngaâ piteje.

2 Kɔrɛntinyɛje 4:6

Mba Lubba kə̂ pa nan: «Maji karə lo ndoko lo tə̂ kə̂ ndul» le, ne njaa n̂-ndoko məje tə̂, ta dda karə joo ndoko laa kə̂ aw ndoko kəm Kristə tə̂.

Galatəje 3:22

A Makəturu lə Lubba pa nan majang ɔn dɔ dəwje tɔyn. Baann bba dəwje tɔyn kə̂ unnje məde a kingaje nɛ̂n kə̂ Lubba unn ndue ta karəde mba məde kə̂ dunn darə Jeju-Kristə.

Epɛjinyɛje 1:6

Yeenn a, maji karə jɔsuje gaji Lubba mba mə-maji kə̂ n̂-dda kə je kə nangə̂ baa, ddəw tə̂ lə Ngonnɛ̂ kə̂ n̂-ndike nya.

Epɛjinyɛje 2:7

Yeenn a, ddəw mə-maji tə̂ kə̂ n̂-dda kə je ddəw tə̂ lə Jeju-Kristə le, Lubba ndiki ta tɔju maji laa kə̂ uta dɔɛ̂ kə ndɔ kə ndɔ.

Kolosinyɛje 1:27

N̂-ndiki ta dda bba karə dəwje laa le gərəje nɛ̂n kə̂ n̂-ngəm lo-kiyɛ̂ tə̂ le kə̂ to nɛ̂n-piti ddəm nɛ̂n-kinga ddəm horo dəwje tə̂ tɔyn. Nɛ̂n kə̂ n̂-ngəm lo-kiyɛ̂ tə̂ le â nəənn: Kristə kə̂ to məse tə̂ le, asəje ta kunda məse to â kingaje piti lə Lubba tɔ.

2 Tesalonisinyɛje 1:10

Nɛ̂ɛnn le a to kar tə̂ kə̂ nâ ddee nɛ̂n karə dəwje laa walɛ̂je, karə dəwje kə̂ ooje məde tə̂ saa ɛɛ̂je kə koko. Sese kara â keeje horode tə̂ tɔ, mba ooje məse tə̂ kə tar kə̂ n-pa jarəse le.

Ebərəje 11:13

Dəwjeenn le tɔyn naynje ddəw mə-kunn tə̂ ndərəng oyje nɛ̂n. A dingaje nɛ̂nje kə̂ Lubba unn ndue ta karəde le ang. N̂-naynje ddəw əw bba dooje ngaâ n̂-ddaje rɔ-nəəl mbɛɛ̂. N̂-paje kə tade to n̂-toje to njê-mbaje ddəm dəwje kə̂ aw ndayje to nday dɔ nangə tə̂ ddəm.

Ebərəje 13:8

Jeju-Kristə nayn kə lo-to laa njaa takənɛn, bbokənɛn kə ndɔ kə ndɔ.

Ebərəje 7:6

A Mɛlkisedɛk kə̂ to dəw kə̂ gəl Lebi tə̂ ang taa dim ji Abaraham tə̂ ngaâ bbar tar kə̂ maji dɔ Abaraham tə̂ kə̂ Lubba unn ndue ta karɛ̂ nɛ̂nje.

1 Piyɛr 1:12

Lubba pa kə ddaka arə njê-kilaje mbər tar le to tarje le to mba dede njaa ang. Tarjeenn le toje mbase. Njê-kilaje mbər Tar kə̂ Maji â ilaje mbər tar nəənn le arəse bbasinɛn nəənn. N̂-paje tarɛ̂ darəse ddəw singa-mɔngu tə̂ lə Ndil-mə-nda kə̂ Lubba ulɛ̂ arə nin darâ n̂-ddee le. Anjəje kara ndikije ta gərə tar nəənn le tɔ.

1 Jan 5:11

Tar-naji le tokə be: Lubba arəje təbbə kə̂ to kə ndɔ kə ndɔ ngaâ təbbə le to rɔ Ngonnɛ̂ tə̂.

Apokalisi 3:14

«Ə-dda makəturu ula nɛ̂n arə anjə kə̂ ee Egilisi tə̂ kə̂ Lawodise ə-pa nan: «Tar kə̂ Dəw kə̂ ria nan Amɛnn, ne kə̂ n̂-to nje-tar-naji kə̂ gatə gatə ddəm kə̂ tɔkɔrɔ ddəm ne kə̂ nee kunn-kutu nɛ̂nje tə̂ kə̂ Lubba dda n̂-pa â nəənn:

Apokalisi 7:12

N̂-paje nan: «Amɛnn! Piti, kɔsu gaji, kəm-karɛ, wooyo, ndɔy-ri, singa-mɔngu kə singa toje to lə Lubba ləje kə ndɔ kə ndɔ. Amɛnn!»