2 Kɔrɛntinyɛje 1:19 - Dɔnɔn kə̂ Siki: Tar kə̂ aw arə təbbə

¹⁹ Mba Jeju-Kristə Ngonn lə Lubba, kə̂ əman kə Silas kə Timɔte, jila mbər tar laa bbe ləse le, n̂-ddee ta pa nan «An än» ddəm «Ân an» ddəm ang. Tar laa tɔyn njaa to «An än» dɔrɔ.

2 Kɔrɛntinyɛje 1:19 Iomraidhean Croise

Matiye 17:5

N̂-nayn naw pa tar bbay a, marə mum kə̂ ndɔnrɛn ddee kiri dɔde. Marə ndu bbar mə mum tə̂ le nan: «Dəw nəənn to ngonn ndiki ləm kə̂ rɔm nəələm nya mbɛɛ̂. Maji karə ooje tɛɛ̂.»

Matiye 24:35

«Dara kə nangə a ndayje, a tarje ləm a ndayje ang.»

Matiye 27:40

N̂-paje darɛ̂je nan: «Əi kə̂ ə-ndiki ta tɔ kəy-polo Lubba ta təl dda marɛ̂ ture tə̂ mə ndɔ mota tə̂ le, bbo ə-to Ngonn lə Lubba a, aji rɔi əi njaa bbo in kakə-dəsə tə̂ le uru nangə̂!»

Matiye 27:54

Nje-kɔn dɔ mbambaje kə̂ Rɔm kə mbambaje kə̂ daw ngəmje Jeju le dooje nangə kə̂ aw yəkə kə nɛ̂nje kə̂ toje le a, bbəəl uta dɔde nya ngaâ n̂-paje nan: «Dəw nəənn to Ngonn lə Lubba njaa.»

Matiye 3:17

Marə ndu in mə dara tə̂ bbar nan: «Ne nəənn, n̂-to ngonnəm kə̂ m-ndike nya. Ne â n̂-dda narə rɔm nəələm nya.»

Matiye 4:3

Əsu ddee ngɔsi saa ngaâ pa nan: «Bbo ə-to Ngonn lə Lubba a, unn ndu arə ərje nəənn təlje nɛ̂n-kusa.»

Marke 1:1

Kunn-kutu Tar kə̂ Maji kə̂ dɔ Jeju-Kristə Ngonn lə Lubba tə̂ â nəənn.

Luku 1:35

Anjə le ilɛ̂ tə̂ nan: «Ndil-mə-nda a ddee dɔi tə̂ ngaâ ndil singa-mɔngu lə Nje-kisi ddutu dara tə̂ a dəbbə dɔi tə̂. Mba yeenn bba Ngonn kə̂ maji tɔyn kə̂ â kuje le, dâ bbarɛ̂ nan Ngonn lə Lubba.

Tar kə̂ Maji kə̂ Jan dda makəturu tə̂ 1:34

Əman njaa moo nɛ̂njeenn le ngaâ m-pa tar-naji nəənn m-pa nan: Dəw nəənn to Ngonn lə Lubba.»

Tar kə̂ Maji kə̂ Jan dda makəturu tə̂ 1:49

Yeenn ngaâ Natanayɛl le pa arɛ̂ nan: «Nje-nɛ̂n-tɔju, ə-to Ngonn lə Lubba, ə-to tɔkə mbay kə̂ Ijarayɛl.»

Tar kə̂ Maji kə̂ Jan dda makəturu tə̂ 19:7

Jiipije ilɛ̂je tə̂ nan: «Marə ndu ləje to. Ddəw ndu tə̂ənn le nasə yo, mba n̂-pa nan n̂-to Ngonn lə Lubba.»

Tar kə̂ Maji kə̂ Jan dda makəturu tə̂ 20:28

Toma le ilɛ̂ tə̂ nan: «Əbbəmje, Lubba ləm!»

Tar kə̂ Maji kə̂ Jan dda makəturu tə̂ 20:31

A n̂-dda nɛ̂nje nəənn makəturu tə̂ karə ooje nɛ̂n məse tə̂ to Jeju to Kristə, Ngonn lə Lubba. A bbo ooje məse tə̂ a, â kisije kə təbbə ddəw tə̂ laa.

Tar kə̂ Maji kə̂ Jan dda makəturu tə̂ 3:16

«Mba Lubba ndiki duninya nya. Yeenn bba nunn Ngonnɛ̂ kə̂ kâra baa narə, karə dəwje tɔyn kə̂ ooje məde tə̂ saa naynje kə kɔrɔ̂ ang, a dingaje təbbə kə̂ to kə ndɔ kə ndɔ.

Tar kə̂ Maji kə̂ Jan dda makəturu tə̂ 6:69

Ngaâ, jeje joo məje tə̂. N-gərə to əi, ə-to dəw kə̂ maji tɔyn kə̂ Lubba â ulai.»

Tar kə̂ Maji kə̂ Jan dda makəturu tə̂ 8:58

Jeju ilade tə̂ nan: «Tɔkɔrɔ m-pa marəse, kete bba karə Abaraham to, Əman, M-to mban.»

Kulaje 15:22

Njê-kaw-kulaje, dəwje kə̂ dɔ Egilisi tə̂ kə Egilisi le dooje maji ta mbərə marə dəwje horode tə̂ karə dawje kə Pɔl de kə Barnabas Antiyos. Dəwje kə̂ n̂-mbərəde le to Judə kə̂ daw bbarɛ̂ nan Barsabas kə Silas. Ngakɔnje kə̂ joo nəənn le njê-mə-kunnje oojede to dəwje kə̂ asəje njaa.

Kulaje 16:1

Pɔl tee Dɛrbə kə Listərə. Marə nje-nja go Jeju tə̂ kə̂ ria nan Timɔte ee mə bbe tə̂ənn le. Kɔɛ̂nje to Jiipi ngaâ to nje-mə-kunn, a bɔɛ̂je to Gɛrɛkə.

Kulaje 18:5

Silas de kə Timɔte dinje Maseduwann n̂-teeje a, Pɔl unn rɔɛ̂ tɔyn mba tɔju tar lə Lubba. N̂-pa narə Jiipije nan Jeju le njaa to Mesi.

Kulaje 8:36

Daw dawje bbay a, n̂-teeje ta marə maann tə̂ ngaâ enuku le pa nan: «Maann â nəənn, a ddi bba ɔku ddəw karə minga batɛm wa?» [

Kulaje 9:20

ngaâ njangə baa a, Sɔl aw ila mbər kəy mbɔn-naanje tə̂ lə Jiipije pa nan Jeju to Ngonn lə Lubba.

2 Kɔrɛntinyɛje 1:1

Əman Pɔl kə̂ Lubba ndiki tə̂ karə m-ddee to nje-kaw-kula lə Jeju-Kristə, əman kə ngokɔnje Timɔte, n-dda makəturu nəənn jarə Egilisi lə Lubba kə̂ to Kɔrɛntə ddəm jarə dəwje lə Lubba kə̂ isije nangə tə̂ kə̂ Akay tɔyn ddəm.

1 Tesalonisinyɛje 1:1

Əman Pɔl kə Silas kə Timɔte, n-dda makəturu nəənn jarə njê-mə-kunnje kə̂ Egilisi tə̂ kə̂ Tesalonikə, kə̂ toje to dəwje lə Lubba kə̂ Bɔ ddəm lə Əbbə-dəwje Jeju-Kristə ddəm. Maji karə Lubba arə məse wul lɔm ngaâ n̂-dda kə se mə-maji.

2 Tesalonisinyɛje 1:1

Əman Pɔl kə Silas kə Timɔte, n-dda makəturu nəənn jarə njê-mə-kunnje kə̂ Egilisi tə̂ kə̂ Tesalonikə, kə̂ toje to dəwje lə Bɔjeje Lubba kə lə Əbbə-dəwje Jeju-Kristə.

1 Timɔte 3:16

Tɔkɔrɔ njaa, tar mə-kunn kə̂ n̂-tee kə gəle kə ddaka le to nɛ̂n kə̂ ngəng nya. Tarɛ̂ le tokə be: Kristə unn da-rɔ dəw, Ndil-mə-nda pa tar-naji laa nan n̂-to gatə gatə, anjəje ooeje, dəwje ilaje mbər tar laa horo gəl-dəwje tə̂, dəwje kə̂ dɔ nangə tə̂ unnje məde arɛ̂, Lubba unnɛ̂ aw saa darâ lo piti tə̂ laa.

Ebərəje 1:11

Nɛ̂njeenn tɔyn a gotoje, a əi, ə-nayn kə ndɔ tɔyn. Dara kə nangə a ngisije tokə lə kubbu.

Ebərəje 13:8

Jeju-Kristə nayn kə lo-to laa njaa takənɛn, bbokənɛn kə ndɔ kə ndɔ.

1 Piyɛr 5:12

Silas kə̂ mooe to ngokɔnje kə̂ asə karə munda məm dɔɛ̂ tə̂ â marə dda marə tarje nəənn makəturu tə̂ karə mula nɛ̂n marəse, mba ndəjə nɛ̂n se ddəm mba pa nɛ̂n karəse to mə-maji lə Lubba kə̂ tɔkɔrɔ njaa â ə-naynje ddəwe tə̂ənn ddəm.

2 Piyɛr 1:17

Mba kar tə̂ kə̂ jee nɛ̂n saa dɔ ddingiri tə̂ kə̂ maji tɔyn le, Lubba kə̂ Bɔ pite ngaâ walɛ̂ kar tə̂ kə̂ ne Lubba kə̂ nje-tɔkə-mbangə n̂-pa mə piti tə̂ laa nan: Dəw nəənn to ngonnəm kə̂ m-ndike nya, minga rɔ-nəəl nya ddəw tə̂ laa. Ngaa ndu kə̂ in darâ le, jeje njaa joo kə mbije.

1 Jan 1:3

Nɛ̂n kə̂ joo kə kəmje ddəm kə mbije ddəm le, jaw pa jarəse tɔ, karə sese kara ə-ddaje mə-kâra kə je. Mə-kâra ləje to mə-kâra kə̂ to horoje tə̂ kə Bɔ ddəm to horoje tə̂ kə Ngonnɛ̂ Jeju-Kristə ddəm.

1 Jan 5:20

Jeje, n-gərəje to Ngonn lə Lubba ddee ngaâ arəje kəm-karɛ karə n-gərəje Lubba kə̂ tɔkɔrɔ. Ngaâ n-ddaje mə-kâra kə Lubba kə̂ tɔkɔrɔ ddəw tə̂ lə Ngonnɛ̂ Jeju-Kristə. Ne â n̂-to Lubba kə̂ tɔkɔrɔ, ne â n̂-to təbbə kə̂ to kə ndɔ kə ndɔ.

2 Jan 1:9

Dəw kə̂ nayn dɔ nɛ̂n-tɔju tə̂ lə Kristə ang, aw ddəw əw, n̂-mbətə Lubba ngaa. Dəw kə̂ nja go nɛ̂n-tɔju tə̂ lə Kristə to dəw kə̂ dda mə-kâra kə Bɔ ddəm Ngonn ddəm.

Apokalisi 1:11

Ndu le pa nan: «Nɛ̂n kə̂ aw oo nəənn, ə-dda makəturu tə̂ ta ula nɛ̂n arə Egilisije kə̂ siri nəənn: Ula nɛ̂n arə Egilisi kə̂ Epɛjə, Ismirnə, Pɛrgam, Tiyatir, Sardə, Piladɛlpi kə Lawodise.»

Apokalisi 1:17

Mooe a, m-tee moso kɔ gɔlɛ̂ tə̂ tokə dəw kə̂ oy. A nila jia kə̂ kɔl dɔm tə̂ ngaâ n̂-pa nan: «Ə-bbəəl ang, m-to dɔngɔr dəw ddəm dɔbɔyn dəw ddəm.

Apokalisi 1:8

Əbbə-dəwje Lubba pa nan: «M-to Alpa ddəm Omega ddəm. M-to ne kə̂ n̂-to bbokənɛn, ne kə̂ n̂-to ləw kə ne kə̂ naw ddee. M-to nje-singa-mɔngu.»

Apokalisi 2:18

«Ə-dda makəturu ula nɛ̂n arə anjə kə̂ Egilisi tə̂ kə̂ Tiyatir: «Tar kə̂ Ngonn lə Lubba, ne kə̂ kəmɛ̂ aw ndoko tokə lə puru ngaâ gɔlɛ̂ ndɔnrɛn tokə lə andə-narɛ pa â nəənn: