2 Kɔrɛntinyɛje 1:17 - Dɔnɔn kə̂ Siki: Tar kə̂ aw arə təbbə

¹⁷ Bbo m-ndiki ta dda tokə baann a, to nɛ̂n-dda ndam baa wa? Wase nɛ̂nje kə̂ m-ndiki ta dda le toje to nɛ̂nje kə̂ da-rɔ tə̂ bba karə m-təl m-pa nan: «An än» ddəm «Ân an» ddəm wa?

2 Kɔrɛntinyɛje 1:17 Iomraidhean Croise

Matiye 1:19

Jojɛpə kə̂ to nje-mɔrɔ laa le to dingaw kə̂ gatə gatə ngaâ ndiki ta tee kə tarɛ̂ kə ddaka kəm dəwje tə̂ ang. Yeenn bba, n̂-ndiki ta kinyɛ̂ hɔy baa.

Matiye 5:37

A maji karə ə-paje nan: ‹Ye njaa, ye njaa› wase ‹Ye ang, ye ang›. A bbo ilaje marə tar dɔɛ̂ tə̂ a, to tar kə̂ in rɔ Nje-Mə-Majang tə̂.»

Tar kə̂ Maji kə̂ Jan dda makəturu tə̂ 8:15

Aw ə-gangəje sariya tokə lə dəwje. A əman, m-gangə sariya dɔ dəw tə̂ kâra ang.

2 Kɔrɛntinyɛje 1:12

Nɛ̂n kə̂ jaw junda nɛ̂n guje to kəjə ləje kə̂ aw ɔru naji ləje pa-nja tə̂ ləje dɔ nangə tə̂ nəənn, uta tɔyn, pa-nja ləje horose tə̂. Lubba dda arə n-nja horose tə̂ kə mə-nda kayn ddəm jula nɛ̂n naan tə̂ ang ddəm. Nɛ̂ɛnn le to ddəw kəm-karɛ tə̂ lə dəwje ang, to ddəw mə-maji tə̂ lə Lubba.

2 Kɔrɛntinyɛje 11:18

Dəwje nya aw undaje gude ddəw nɛ̂n tə̂ kə̂ da-rɔ tə̂. Mba yeenn bba, əman kara mâ kunda gum tɔ.

Galatəje 1:16

Noo maji kəmɛ̂ tə̂ ta karə m-gərə Ngonnɛ̂ ngaâ karə mila mbər tar laa marə dəwje kə̂ toje to Jiipije ang. Karɛ̂ tə̂ənn le m-duju dəw ndəjə ang ddəm

Galatəje 2:2

Maw nunn, mba Lubba â pa arəm karə maw. Lo tə̂ənn, mɔru gəl Tar kə̂ Maji kə̂ maw mila mbəre marə dəwje kə̂ toje to Jiipije ang le. Mɔru gəle marə tɔkəje kə̂ dɔ Egilisi tə̂ marə mbɔn-naan tə̂ kə̂ m-dda kə de dang tɔ. M-dda baann mba m-ndiki karə kulaje ləm kə̂ takənɛn kə yəje kə̂ bbokənɛn kara toje to kulaje kə̂ baa ang.

1 Tesalonisinyɛje 2:18

Mba yeenn bba, n-ndiki ta təl kaw rɔse tə̂. Ngaâ əman Pɔl njaa m-sangə ddəw gɔl banya nya ta kaw. A Satan ɔkuje ddəw.

Jakə 5:12

Uta tɔyn, ngakɔnʼmje, maji karə undaje yo kə ri dara ang ddəm nangə ang ddəm undaje marə yo-kunda dang ang. A maji karə bbo nɛ̂n kə̂ to ye njaa a, ə-paje nan: «Ye njaa», bbo nɛ̂n kə̂ to ye ang a, ə-paje nan: «Ye ang». Baann bba Lubba a gangə sariya dɔse tə̂ ang.