2 Kɔrɛntinyɛje 1:1 - Dɔnɔn kə̂ Siki: Tar kə̂ aw arə təbbə

¹ Əman Pɔl kə̂ Lubba ndiki tə̂ karə m-ddee to nje-kaw-kula lə Jeju-Kristə, əman kə ngokɔnje Timɔte, n-dda makəturu nəənn jarə Egilisi lə Lubba kə̂ to Kɔrɛntə ddəm jarə dəwje lə Lubba kə̂ isije nangə tə̂ kə̂ Akay tɔyn ddəm.

2 Kɔrɛntinyɛje 1:1 Iomraidhean Croise

Kulaje 16:1

Pɔl tee Dɛrbə kə Listərə. Marə nje-nja go Jeju tə̂ kə̂ ria nan Timɔte ee mə bbe tə̂ənn le. Kɔɛ̂nje to Jiipi ngaâ to nje-mə-kunn, a bɔɛ̂je to Gɛrɛkə.

Rɔmɛnje 15:26

Mba njê-mə-kunnje kə̂ Maseduwann ddəm njê kə̂ Akay ddəm ndikije ta mbɔn nɛ̂n kuman nɛ̂n njê-mə-kunnje kə̂ Jerujalɛm kə̂ toje to njê-ndooje.

Rɔmɛnje 16:21

Timɔte kə̂ to nje-kula marəm ddase lapiya. Lusiyus kə Jajɔn de kə Sosipatɛr kə̂ n̂-toje to nujuje ləm, n̂-ddase lapiya tɔ.

Rɔmɛnje 16:5

Ə-ddaje lapiya Egilisi kə̂ to mə kəyje tə̂ ləde le tɔ. Ə-ddaje lapiya Əpaynɛtə ngokɔnʼm kə̂ m-ndike nya, kə̂ to dɔngɔr dəw kə̂ Aji tə̂ kə̂ unn məɛ̂ arə Kristə.

1 Kɔrɛntinyɛje 10:32

Maji karə ə-ddaje marə nɛ̂n kə̂ a dda karə Jiipije wase Gɛrɛkəje wase Egilisi lə Lubba osoje ang.

1 Kɔrɛntinyɛje 16:10

Bbo Timɔte ddee a, ə-ddaje arə nisi horose tə̂ kə bbəəl ang. Mba naw dda kula lə Əbbə-dəwje tokə ləm tɔ.

1 Kɔrɛntinyɛje 16:15

Ngakɔnʼmje, ə-gərəje to Ɛstepanas de kə njê kə̂ kə̂y laa n̂-toje to dəwje kə̂ Akay kə̂ dɔngɔr kə̂ ooje məde tə̂ ngaâ dumanje njê-mə-kunnje nya.

1 Kɔrɛntinyɛje 16:24

M-ndikise tɔyn ddəw mə-kâra tə̂ kə̂ n-ddaje kə Jeju-Kristə.

1 Kɔrɛntinyɛje 6:11

Marə dəwje horose tə̂ toje tokə baann ləw. A Lubba tokose, nundase dang. Narə ə-ddeeje to dəwje kə̂ gatə gatə kə ri Əbbəjeje Jeju-Kristə ddəw tə̂ lə Ndil-mə-nda.

2 Kɔrɛntinyɛje 1:19

Mba Jeju-Kristə Ngonn lə Lubba, kə̂ əman kə Silas kə Timɔte, jila mbər tar laa bbe ləse le, n̂-ddee ta pa nan «An än» ddəm «Ân an» ddəm ang. Tar laa tɔyn njaa to «An än» dɔrɔ.

2 Kɔrɛntinyɛje 1:23

Kəm Lubba tə̂, m-pa tar kə̂ tɔkɔrɔ marəse. Bbo mərə ngəm a, narə moy kə ddang. M-təl maw Kɔrɛntə ang, mba m-ndiki ta kula kəmse ndoo tə̂ ang.

2 Kɔrɛntinyɛje 11:10

Ddəw tar tə̂ kə̂ tɔkɔrɔ lə Kristə kə̂ to məm tə̂ le, m-pa nan: Dəw kâra a kɔkəm ddəw karə munda gum kə tar nəənn nangə tə̂ kə̂ Akay ang.

2 Kɔrɛntinyɛje 9:2

M-gərə kəjə kə̂ maji kə̂ to məse tə̂ arə maw munda nɛ̂n gum marə dəwje kə̂ Maseduwann, m-pa nan, kaal baa njaa, Egilisije kə̂ Akay gɔlje rɔde ta karə nɛ̂n. Ngaâ bbo karə nɛ̂n kə̂ to məse tə̂ le dda arə nya lə Egilisije ddaje bbo ta karə nɛ̂n tɔ.

Galatəje 1:1

Əman Pɔl, m-to nje-kaw-kula. To dəwje â bbarəmje karə m-ddee to nje-kaw-kula le ang ddəm ddəw tə̂ lə marə dəw ang ddəm. Jeju-Kristə kə Lubba kə̂ Bɔ kə̂ ndol Jeju kə̂ oy â n̂-bbarəmje.

Galatəje 3:26

Mba sese tɔyn ə-ddeeje to ngann lə Lubba ddəw məse tə̂ kə̂ unnje arəje Jeju-Kristə le.

Epɛjinyɛje 1:1

Əman Pɔl kə̂ Lubba ndiki tə̂ karə m-ddee to nje-kaw-kula lə Jeju-Kristə, mula kə makəturu nəənn marə dəwje lə Lubba kə̂ ooje məde tə̂ kə Jeju-Kristə kə̂ isije Epɛjə.

Pilipinyɛje 1:1

Əman Pɔl kə Timɔte kə̂ n-to bbərə-kulaje lə Jeju-Kristə n-dda makəturu nəənn jula nɛ̂n jarə dəwje tɔyn kə̂ isije Pilipi kə̂ toje to njê-mə-ndaje ddəw tə̂ lə Jeju-Kristə. Jula nɛ̂n jarə njê-kɔnje dɔ Egilisi kə diyakərəje tɔ.

1 Tesalonisinyɛje 1:1

Əman Pɔl kə Silas kə Timɔte, n-dda makəturu nəənn jarə njê-mə-kunnje kə̂ Egilisi tə̂ kə̂ Tesalonikə, kə̂ toje to dəwje lə Lubba kə̂ Bɔ ddəm lə Əbbə-dəwje Jeju-Kristə ddəm. Maji karə Lubba arə məse wul lɔm ngaâ n̂-dda kə se mə-maji.

1 Tesalonisinyɛje 3:2

Ngaâ jula ngokɔnje Timɔte jarəse. Ne le naw numanje kula tə̂ lə Lubba mba kila mbər Tar kə̂ Maji lə Kristə. Julɛ̂ bba karə n̂-dda narə ingaje singa ddəm karə uwaje arəje ngəng ddəw mə-kunn tə̂ ləse ddəm.

2 Tesalonisinyɛje 1:1

Əman Pɔl kə Silas kə Timɔte, n-dda makəturu nəənn jarə njê-mə-kunnje kə̂ Egilisi tə̂ kə̂ Tesalonikə, kə̂ toje to dəwje lə Bɔjeje Lubba kə lə Əbbə-dəwje Jeju-Kristə.

1 Timɔte 1:1

Əman Pɔl, m-to nje-kaw-kula lə Jeju-Kristə, mba Lubba kə̂ Nje-kajije kə Jeju-Kristə kə̂ jundaje məje dɔɛ̂ tə̂ â darəmje ddəw.

2 Timɔte 1:1

Əman Pɔl, m-to nje-kaw-kula lə Jeju-Kristə, mba Lubba njaa ndiki tə̂ ngaâ bbarəm karə mila mbər tar təbbə kə̂ nunn ndue ta karə dəwje ddəw tə̂ lə Jeju-Kristə.

Titə 1:1

Əman Pɔl, m-to bbərə-kula lə Lubba ddəm nje-kaw-kula lə Jeju-Kristə ddəm. Lubba unnum to nje-dda karə dəwje kə̂ Lubba mbərəde unnje məde arɛ̂ ngaâ karə n̂-gərəje tar kə̂ tɔkɔrɔ bba ta n̂-ngəmje rɔde mba Lubba.

Pilemɔn 1:1

Əman Pɔl kə̂ dilam kəy-kula tə̂ mba tar lə Jeju-Kristə, əman kə ngokɔnje Timɔte, n-dda makəturu nəənn jari, əi Pilemɔn kə̂ ə-to nje-kula marəje kə̂ n-ndikii nya,

Ebərəje 13:23

M-ndiki ta karə ə-gərəje to dɔru ngokɔnje Timɔte kəy-kula tə̂ mban. Bbo n̂-ddee njangə a, əman je saa ja kaw koose.