1 Piyɛr 5:9 - Dɔnɔn kə̂ Siki: Tar kə̂ aw arə təbbə

⁹ Maji karə ə-ddaje saa singa, ddəw kuwa kə̂ ta kuwa mə-kunn ləse karə ngəng tə̂. A maji karə ə-gərəje to gar ndooje kə̂ aw ooje nəənn le, ngakɔnse kə̂ duninya tə̂ tɔyn aw ooje tɔ.

1 Piyɛr 5:9 Iomraidhean Croise

Luku 22:32

A əman, m-duju Lubba mba tar ləi ta karə mə-kunn ləi oso ang ngaâ karə bbo ə-təl rɔm tə̂ a, ə-dda arə ngakɔinje ingaje singa.»

Tar kə̂ Maji kə̂ Jan dda makəturu tə̂ 16:33

M-pa nɛ̂njeenn tɔyn marəse karə məse wul lɔm ddəw tə̂ ləm. A kooje ndoo duninya tə̂. A maji karə uwaje arəje ngəng, mba əman m-tətə duninya nəənn kə ddɔ mban.»

Kulaje 14:22

Mə bbeje tə̂ənn, n̂-ndəjəje njê-mə-kunnje karə duwaje mə-kunn ləde darə ngəng. N̂-paje nan: «Maji karə joo ndoo nya mba kandə nɛ̂n mə Bbe-kɔn tə̂ lə Lubba.»

1 Kɔrɛntinyɛje 10:13

Nɛ̂n-nanje kə̂ nanse to nɛ̂nje kə̂ aw ingaje dəwje. Lubba to gatə gatə, nâ kinya ddəw karə nɛ̂n nanse uta singase ang. Bbo nɛ̂n-nan to a, nâ karəse singa karə uwaje arə ngəng ngaâ nâ karəse ddəw karə ə-teeje məɛ tə̂ kə ddang.

Epɛjinyɛje 4:27

Inyaje ddəw arəje Əsu aal isi dɔse tə̂ ang.

Epɛjinyɛje 6:16

Uta tɔyn, mə nɛ̂nje tə̂ tɔyn, uwaje mə-kunn ləse tokə dər. Baann bba a tɔlje nɛ̂n puru-kɔndɔrɔje lə Nje-mə-majang le kə ddang.

Kolosinyɛje 2:5

Tɔkɔrɔ njaa, mee horose tə̂ kə da-rɔm njaa ang. A, ndilim ee horose tə̂. Rɔm nəələm nya mba moo a, kula ləse aw nja kə dɔgɔlɛ̂ ngaâ aw uwaje məse kə̂ unnje arəje Kristə le arə ngəng.

1 Tesalonisinyɛje 3:3

Baann bba karə mə nɛ̂n-singaje tə̂ kə̂ aw ingase nəənn, dəw kâra təl kə guku ang. Mba ə-gərəje kə majɛ̂ to, nɛ̂n-singaje kə̂ baann le a kingajeje njaa.

1 Timɔte 6:12

Maji karə ə-dda ddɔ kə̂ maji mba ngəm nɛ̂n mə-kunn ləi ta uwa təbbə kə̂ to kə ndɔ kə ndɔ kə̂ Lubba bbari mbɛɛ̂ le, kar tə̂ kə̂ ə-pa kə tai nɔn njê-tar-najije tə̂ kə̂ banya to unn məi arə Jeju-Kristə le.

2 Timɔte 3:12

Dəwje kə̂ ddaje mə-kâra kə Jeju-Kristə ngaâ ndikije ta kula gəl rɔde naan tə̂ ang, dəwje a kulaje kəmde ndoo tə̂.

2 Timɔte 4:7

M-dda ddɔ kə̂ maji, mayn ngɔru m-tee mban, m-ngəm mə-kunn ləm.

Ebərəje 11:33

Ddəw mə-kunn tə̂ â n̂-tətəje tɔkə bbe-kɔnje kə ddɔ. N̂-ddaje nɛ̂n kə̂ gatə gatə ngaâ dingaje nɛ̂n kə̂ Lubba unn ndue ta karəde, n̂-tɔje ta ənamje.

Ebərəje 12:8

Bbo sese nundase mba tɔju nɛ̂n se ddəw tokə naw dda kə kəsə ngannɛ̂ tɔyn le ang a, ə-toje to ngann-məɛ̂ njaa ang, ə-toje to ngannje kə̂ dəw gərə bɔdede ang.

Jakə 4:7

Yeenn a, maji karə ooje ta Lubba, ubbaje nangə kə Əsu a, nâ kaynse kaw ddəw əw.

1 Piyɛr 1:6

Mba yeenn bba, le to tar ləse ta karə ooje gar ndooje dang dang bbasinɛn nəənn mba marə gɔju kar njaa kara aw isije kə rɔ-nəəl.

1 Piyɛr 2:21

Nɛ̂ɛnn njaa Lubba bbarse mbɛɛ̂, mba Kristə njaa kara oo ndoo mba tar ləse. N̂-dda baann to nɛ̂n-kɔju-marɛ̂ mba tɔju nɛ̂n se ddəw.

1 Piyɛr 3:14

Uta tɔyn bbo ooje ndoo mba nɛ̂n-dda kə̂ gatə gatə kə̂ ə-ddaje a, maji arəse. Maji karə nɛ̂n kə̂ dəwje aw bbəəlje a, ə-bbəəlje ang, arəje məse unda dɔ binya ang.

1 Piyɛr 4:13

A maji karə ə-ddaje rɔ-nəəl, mba aw ooje ndoo kə Kristə, ta bbo ndɔ kə̂ ooje piti laa a, sese kara rɔse nəəlse nya.

Apokalisi 1:9

Əman ngokɔnse Jan, moo ndoo kə se kâra baa. Əman kə sese tɔyn n-ddeeje to dəwje kə̂ mə Bbe-kɔn tə̂ lə Jeju ngaâ jaw juwaje jarə ngəng ddəw tə̂ laa. Duwam dulam dɔ dərə-ba tə̂ kə̂ ria nan Patəmos mba tar lə Lubba kə̂ mila mbəre ddəm mba tar-naji lə Jeju kə̂ maw pa ddəm.

Apokalisi 6:11

Yeenn ngaâ darəde tɔkə kubbu kə̂ nda, kə̂ ngal kâra kâra tɔyn. Ngaâ, n̂-pa darəde karə n̂-nginanje ngaji, karə kɔr nje-kula marədeje kə kɔr ngakɔndeje utu naan bba. Mba dede kara dâ tɔlde tokə ləde tɔ.

Apokalisi 7:14

Milɛ̂ tə̂ m-pa nan: «Əbbəmje, əi â ə-gərə.» Yeenn ngaâ n̂-pa narəm nan: «To dəwje kə̂ ndayje mə tɔkə nɛ̂n-singaje tə̂. N̂-tokoje kubbuje ləde kə məsə ngonn batə darə nda.