1 Piyɛr 5:7 - Dɔnɔn kə̂ Siki: Tar kə̂ aw arə təbbə

⁷ Maji karə inyaje nɛ̂nje tɔyn kə̂ aw jɔku kəjə ləse mə jia tə̂, mba naw naa lo kə dɔse tə̂.

1 Piyɛr 5:7 Iomraidhean Croise

Matiye 6:27

«Nân bba horose tə̂, a kasə kila ndɔ ngaji njaa be dɔ ndɔ tə̂ laa kə̂ duninya tə̂, ddəw kəjə-tar tə̂ wa?

Matiye 6:28

Mba ddi bba aw əjəje tar mba kubbuje wa? Aaje ddəw kə̂ kakəje kə̂ muû aw nduje nɛ̂n. Daw ddaje kula ang ddəm dujuje nɛ̂n ang ddəm.

Matiye 6:31

«Yeenn a, maji karə əjəje tar ang, ta pa nan: Ddi â ja kusa wa? Ddi â ja kay wa? Kubbu ddi â ja kula wa? Əjəje tar mba nɛ̂njeenn ang.

Marke 4:38

A Jeju to aw tibbi kutu tɔkə to tə̂ le. N̂-gətə dɔɛ̂ kə nɛ̂n-gətə-dɔ. Yeenn ngaâ njê-njaje goe tə̂ uruje əkii ndoleje nɛ̂n nan: «Nje-nɛ̂n-tɔju, nayn kə̂ ja ta nayn kə kɔrɔ̂ nəənn osoi tə̂ ang wa?»

Luku 12:22

Goe tə̂ a, Jeju pa arə njê-njaje goe tə̂ nan: «Mba yeenn bba, m-pa marəse: Əjəje tar təbbə ləse mba nɛ̂n-kusa tase ang ddəm mba kubbu kə̂ ta kula rɔse tə̂ ang ddəm.

Luku 12:26

«Bbo nɛ̂n kə̂ ngaji baa kara asəje ta dda ang a, mba ddi bba kəjə-tar aw uta dɔse mba kəsə nɛ̂nje wa?

Tar kə̂ Maji kə̂ Jan dda makəturu tə̂ 10:13

Dəw kə̂ aw dda to kula-narɛ le, tar lə batəje le ɔɛ̂n ang.

Pilipinyɛje 4:6

Maji karə əjəje tar mba marə nɛ̂n kâra ang. A mə nɛ̂nje tə̂ tɔyn, ə-dujuje Lubba nɛ̂n kə̂ ə-ndikije. A duju tə̂ kə̂ aw dujeje le arɛ̂je wooyo tɔ.