1 Piyɛr 5:3 - Dɔnɔn kə̂ Siki: Tar kə̂ aw arə təbbə

³ Maji karə ə-sirije dəwje kə̂ banya kə̂ Lubba inyade jise tə̂ le ang. Ə-ddeeje to nɛ̂n-kɔju-marɛ̂ kəmde tə̂.

1 Piyɛr 5:3 Iomraidhean Croise

Tar kə̂ Maji kə̂ Jan dda makəturu tə̂ 13:15

Mba to nɛ̂n-kɔju-marɛ̂ â m-dda m-tɔjuse karə sese kara ə-ddaje tokə m-dda kə se le tɔ.

Kulaje 20:28

Maji karə undaje kəmse dɔ rɔse tə̂ kə dɔ nɛ̂n-kuulje tə̂ kə̂ Ndil-mə-nda undase karə ə-ngəmjede. Ə-ngəmje Egilisi kə̂ Lubba ndoko kə məse njaa le.

1 Kɔrɛntinyɛje 11:11

A kə̂ kisi tə̂ ləje nɔn Əbbə-dəwje tə̂, dingaw goto a, dɛnɛ̂n goto tɔ, dɛnɛ̂n goto a, dingaw goto tɔ.

1 Kɔrɛntinyɛje 3:5

Apolos to nân wa? Pɔl to nân wa? N̂-toje to njê-kulaje lə Lubba baa kə̂ ooje məse tə̂ ddəw tə̂ ləde. Nân nân kara dda kula ddəw gusu tə̂ kə̂ Əbbə-dəwje arɛ̂.

1 Kɔrɛntinyɛje 3:9

Mba jeje kə Lubba jaw juman naan kula tə̂ ngaâ ə-toje tokə lə ndɔɔ lə Lubba, sese ə-toje tokə lə kəy lə Lubba.

2 Kɔrɛntinyɛje 1:24

To kɔn bba jaw jɔn dɔse ddəw mə-kunn tə̂ ləse ang. Uwaje mə-kunn ləse arəje ngəng mban. Yeenn bba n-ndiki ta karə jeje ddəm sese ddəm n-ddaje kula kə naan jarə rɔse nəəlse.

2 Kɔrɛntinyɛje 4:5

Jeje njaa jaw jila mbər tar ləje ang. Jeju-Kristə kə̂ to Əbbə-dəwje â jaw jila mbər tar laa. Jaw dda rɔje to njê-kulaje ləse ɔju dɔ Jeju.

Pilipinyɛje 3:17

Ngakɔnʼmje, maji karə sese tɔyn njaa ə-ndajije kula ddam. Jeje n-toje to nɛ̂n-kɔju-marɛ̂. Yeenn a, arəje kəmse to kə dɔ dəwje tə̂ kə̂ pa-nja ləde to tokə pa-nja ləm kə̂ n-nja nɛ̂n.

Pilipinyɛje 4:9

Nɛ̂n kə̂ m-ndose, nɛ̂n kə̂ ingaje wase nɛ̂n kə̂ m-dda kə̂ ooje tarɛ̂ kə mbise ddəm kəmse ddəm le, maji karə ə-ddaje. Lubba kə̂ Nje-mə-wul-lɔm a nayn kə se.

1 Tesalonisinyɛje 1:7

Yeenn a, ə-ddeeje to nɛ̂n-kɔju-marɛ̂ lə njê-mə-kunnje kə̂ Maseduwann kə lə njê kə̂ Akay tɔyn.

2 Tesalonisinyɛje 3:9

Tɔkɔrɔ, jee kə ddəw ta dujuse karə umanjeje njaa. A n-ndiki ta dda rɔje to nɛ̂n-kɔju-marɛ̂ karə ə-ndajijeje.

1 Timɔte 4:12

Maji karə dəw ooi to ngonn baa kəmɛ̂ tə̂ ang. A maji karə njê-mə-kunnje ooije to nɛ̂n-kɔju-marɛ̂ ddəw tar tə̂ kə̂ tai tə̂, ddəw kula-ddai tə̂, ddəw ndiki tə̂ kə̂ ə-ndiki dəwje, ddəw məi tə̂ kə̂ unn arə Jeju kə ddəw rɔi tə̂ kə̂ aw ngəm kə majɛ̂.

Titə 2:7

mə nɛ̂nje tə̂ tɔyn. Əi njaa kara, maji karə ə-to nɛ̂n-kɔju-marɛ̂ ddəw kula-ddai tə̂ kə̂ maji. Ə-tɔju nɛ̂n kə dɔgɔlɛ̂ ta ə-ndam nɛ̂n ang.

1 Piyɛr 2:9

A sese, ə-toje to dəwje kə̂ Lubba mbərəse, ə-toje to njê-poloje lə tɔkə mbay. Ə-toje to gəl-dəwje kə̂ majije tɔyn, dəwje kə̂ Lubba uka dɔse ta karə ilaje mbər nɛ̂nje kə̂ maji nya kə̂ n̂-dda, ne kə̂ n̂-bbarse narə inje lo ndul tə̂ ə-teeje lo-karɛ tə̂ kə̂ dum dɔ dəwje le.