1 Piyɛr 5:2 - Dɔnɔn kə̂ Siki: Tar kə̂ aw arə təbbə

² Ddəw kâra baa tokə njê-ngəmje nɛ̂n-kuulje, maji karə ə-ngəmje dəwje kə̂ banya kə̂ Lubba inyade mə jise tə̂ le kə majɛ̂. Lubba ndiki karə ə-ngəmjede kə mə-ndiki ləse njaa bbo tokə nɛ̂n kə̂ duwase kə singa bba karə ə-ddaje nɛ̂ɛnn le ang. Ə-ddaje nɛ̂ɛnn le mba kinga nɛ̂n narɛ ang. Maji karə ə-ddaje kə mə-kâra.

1 Piyɛr 5:2 Iomraidhean Croise

Luku 12:32

Sese kə̂ ə-toje tokə lə nɛ̂n-kuulje kə̂ banya ang le ə-bbəəlje ang, mba Bɔsese oo maji ta karəse Bbe-kɔn le.»

Kulaje 20:29

M-gərə kə majɛ̂ to gom tə̂ a, dəwje kə̂ toje tokə ənjakəmnjarje kə̂ maji ang a ddeeje kandəje horose tə̂ ta ddase maji ang.

Kulaje 21:13

A Pɔl ila tə̂ nan: «Mba ddi bba aw nɔnje ngaâ aw ddaje arə məm aw gangə maann wa? Bbo n̂-tɔm kə kula wase n̂-tɔləm Jerujalɛm mba ri Əbbə-dəwje Jeju njaa kara m-ndiki tə̂.»

Rɔmɛnje 1:15

Mba yeenn bba, mee kə bbo ta kila mbər Tar kə̂ Maji nəənn karəse, sese kə̂ eeje Rɔm tɔ.

1 Kɔrɛntinyɛje 9:7

Ndɔ kâra dəw andə mbamba tə̂ a, narɛ laa njaa uka nɛ̂n rɔɛ̂ wa? Nân bba ndɔɔ binyə a, usa kandɛ̂ ang wa? Wase nân bba uul nɛ̂n a, ay mba nɛ̂n-kuul le ang wa?

1 Timɔte 3:3

Maji karə n̂-to bbərə lə koto ang, n̂-to nje-ddɔ kə dəwje ang, n̂-to dəw kə̂ wul pee, n̂-to dəw kə̂ ndiki kɔl ang, n̂-to dəw kə̂ ndiki narɛ nya ang.

1 Timɔte 3:8

Ddəw kâra baa, maji karə diyakərəje toje to dəwje kə̂ ulaje gəl rɔde naan tə̂ ang, dəwje kə̂ tar kə̂ tade tə̂ to joo joo ang, n̂-toje to njê-kayje koto nya ang, maji karə n̂-toje to dəwje kə̂ bbo kinga narɛ kə dɔgɔlɛ̂ ang ddade ang.

Titə 1:11

Maji karə uwa tade, mba daw tujuje kəjə lə dəwje tɔyn kə̂ mə nujuje tə̂ kâra kâra. Daw tɔjuje nɛ̂n kə̂ asə karə dəw tɔju ang mba kinga nɛ̂n narɛ kə dɔgɔlɛ̂ ang.

Titə 1:7

Dəw kə̂ dɔ Egilisi tə̂ to nje-ngəm nɛ̂n lə Lubba. Yeenn a, maji karə tar to dɔɛ̂ tə̂ kâra ang. Maji karə noo rɔɛ̂ bo ang, n̂-to nje-wungu ang, n̂-to bbərə lə koto ang, n̂-to nje-ddɔ kə dəw ang, maji karə bbo kinga narɛ kə dɔgɔlɛ̂ ang ddɛɛ̂ ang.

Titə 2:14

Nunn rɔɛ̂ njaa narə yo mbaje, mba kɔruje mə majang tə̂ ngaâ ta toko nɛ̂n-yərəw ləje karə n-toje to dəwje laa njaa ddəm karə n-toje to dəwje kə̂ bbo dda kulaje kə̂ maji to məde tə̂ nya ddəm.

Titə 3:1

Ole mə njê-mə-kunnje tɔyn arə n̂-bbəəl tɔkə mbayje kə njê-kɔn-bbeje. Maji karə dooje tade ta n̂-toje ngɔsi mba dda nɛ̂n tɔyn kə̂ maji.

Pilemɔn 1:14

A m-ndiki ta kinyai dda marə nɛ̂n kə dɔm baa ang. M-ndiki ta kuwai kə singa bba karə ə-dda marə nɛ̂n arəm ang. Maji karə ə-dda nɛ̂n le kə mə-ndiki ləi njaa.

Ebərəje 12:15

Aaje kə majɛ̂ arəje marə dəw dda arə mə-maji lə Lubba due ang, bba karə dəw kâra ddee tokə marə kam kə̂ atə kə̂ aw ndu horo dəwje tə̂ ang. Dəw kə̂ baann le aw ddee kə tar horo dəwje tə̂ ddəm aw tuju dəwje ddəm.

2 Piyɛr 2:3

Bbo nɛ̂n-kinga a ddade nya ngaâ dâ kərəjese taa nɛ̂n nɛ̂nje ləse. A sariya kə̂ dɔde tə̂ to ngɔsi ngɔsi ləw baa ngaâ mbɔr ang a, dâ kubbaje tuju.