1 Piyɛr 5:14 - Dɔnɔn kə̂ Siki: Tar kə̂ aw arə təbbə

¹⁴ Maji karə ə-ddaje naan lapiya, ə-toje nɛ̂n mbi naan tokə dəwje kə̂ ndikije naan njaa. Mə-wul-lɔm nayn kə se, sese tɔyn kə̂ ə-toje to dəwje lə Kristə.

1 Piyɛr 5:14 Iomraidhean Croise

Matiye 5:47

 bbo ngakɔnse njaa bba ə-ddajede lapiya a, ddi kə̂ dang boy â ə-ddaje wa? Dəwje kə̂ gərəje Lubba ang kara aw ddaje tokə baann tɔ.

Tar kə̂ Maji kə̂ Jan dda makəturu tə̂ 14:27

«Marəse mə-wul-lɔm. Mə-wul-lɔm ləm njaa marəse. Marə mə-wul-lɔm le nayn kəse tokə mə-wul-lɔm lə dəwje kə duninya tə̂ ang. Əjəje tar ang ddəm arəje bbəəl ddase ang ddəm.

Tar kə̂ Maji kə̂ Jan dda makəturu tə̂ 16:33

M-pa nɛ̂njeenn tɔyn marəse karə məse wul lɔm ddəw tə̂ ləm. A kooje ndoo duninya tə̂. A maji karə uwaje arəje ngəng, mba əman m-tətə duninya nəənn kə ddɔ mban.»

Tar kə̂ Maji kə̂ Jan dda makəturu tə̂ 20:19

Ndɔ-kuwa-rɔ tə̂ le njaa, njê-njaje go Jeju tə̂ isije mə kəy tə̂ lo-kul tə̂. Dutuje ta-kəy le kə kele dɔde tə̂, mba n̂-bbəəlje njê-kɔnje dɔ Jiipije. A Jeju tee ar horode tə̂ pa nan: «Mə-wul-lɔm ee kə se.»

Tar kə̂ Maji kə̂ Jan dda makəturu tə̂ 20:26

Ndɔ siri goe tə̂ a, njê-njaje go Jeju tə̂ mbɔnje naan mə kəy tə̂, a Toma ee horode tə̂. Dutuje ta-kəy dɔde tə̂ kə kele. A Jeju tee ar horode tə̂ ngaâ pa nan: «Mə-wul-lɔm ee kə se.»

Rɔmɛnje 1:7

M-dda makəturu nəənn marə sese kə̂ eeje Rɔm, sese tɔyn kə̂ Lubba ndikise ngaâ bbarse arə ə-ddeeje to dəwje laa. Maji karə Bɔjeje Lubba kə Əbbə-dəwje Jeju-Kristə, n̂-ddaje kə se mə-maji ngaâ darəje məse wul lɔm.

Rɔmɛnje 16:16

Ə-toje mbi naan ə-ddaje nɛ̂n naan lapiya to lapiya kə̂ maji tɔyn. Egilisije lə Kristə tɔyn ddase lapiya.

Rɔmɛnje 8:1

Bbasinɛn nəənn, dəwje kə̂ ddaje mə-kâra kə Jeju-Kristə, sariya to dɔde tə̂ ang ngaa.

1 Kɔrɛntinyɛje 1:30

Ddəw mə-maji tə̂ lə Lubba â ə-ddaje nɛ̂n mə-kâra kə Jeju-Kristə kə̂ to kəm-karɛ kə̂ in rɔ Lubba tə̂. Kristə le dda arə n-ddeeje gatə gatə kəm Lubba tə̂, narə n-ngəm rɔje dang ngaâ nɔruje mə-majang tə̂.

1 Kɔrɛntinyɛje 16:20

Njê-mə-kunnje tɔyn kə̂ eeje nəənn ddase lapiya. Ə-ddaje naan lapiya ə-toje nɛ̂n mbi naan tokə ngakɔn-naan.

2 Kɔrɛntinyɛje 13:12

Maji karə ə-ddaje naan lapiya, ə-toje nɛ̂n mbi naan to lapiya kə̂ maji tɔyn. Dəwje lə Lubba tɔyn ddase lapiya.

2 Kɔrɛntinyɛje 5:17

Mba yeenn bba, bbo dəw dda mə-kâra kə Kristə a, dəw le ddee to dəw kə̂ n̂-ddɛɛ̂ tokə siki ngaa. Nɛ̂nje kə̂ ləw ndayje mban, a ooje: Nɛ̂n kə̂ siki ddee ngaa.

Epɛjinyɛje 6:23

Maji karə Lubba kə̂ Bɔ kə Əbbəjeje Jeju-Kristə ddaje arə njê-mə-kunnje isije kə mə-wul-lɔm, karə n̂-ndikije naan ngaâ darəde mə-kunn.

1 Tesalonisinyɛje 5:26

Ə-ddaje lapiya ngakɔnje tɔyn to lapiya kə̂ maji tɔyn.

1 Piyɛr 1:2

Lubba kə̂ Bɔ mbərəse undase dang, ddəw kâra baa kə nɛ̂n kə̂ n̂-gɔl tokə kete, ddəw tə̂ lə Ndil-mə-nda karə ooje ta Jeju-Kristə ngaâ karə məse tokose arə nɛ̂n-yərəw ɔruse ang. Maji karə Lubba dda kə se mə-maji nya ddəm narə məse wul nya ddəm.

3 Jan 1:14

Mba munda məm to mâ təl kooi bbasinɛn baa, a ja tɔn tam dɔ tarje tə̂ənn bbay.