1 Piyɛr 5:12 - Dɔnɔn kə̂ Siki: Tar kə̂ aw arə təbbə

¹² Silas kə̂ mooe to ngokɔnje kə̂ asə karə munda məm dɔɛ̂ tə̂ â marə dda marə tarje nəənn makəturu tə̂ karə mula nɛ̂n marəse, mba ndəjə nɛ̂n se ddəm mba pa nɛ̂n karəse to mə-maji lə Lubba kə̂ tɔkɔrɔ njaa â ə-naynje ddəwe tə̂ənn ddəm.

1 Piyɛr 5:12 Iomraidhean Croise

Tar kə̂ Maji kə̂ Jan dda makəturu tə̂ 21:21

Piyɛr le ooe a, duju Jeju nan: «Əbbə-dəwje, a ne, ddi bba a kingɛ̂ wa?»

Kulaje 11:23

Barnabas le ddee tee ngaâ oo mə-maji kə̂ Lubba dda kə njê-mə-kunnje le a, inga rɔ-nəəl nya ngaâ ndəjəde karə dundaje məde tɔyn dɔ Əbbə-dəwje tə̂.

Kulaje 15:22

Njê-kaw-kulaje, dəwje kə̂ dɔ Egilisi tə̂ kə Egilisi le dooje maji ta mbərə marə dəwje horode tə̂ karə dawje kə Pɔl de kə Barnabas Antiyos. Dəwje kə̂ n̂-mbərəde le to Judə kə̂ daw bbarɛ̂ nan Barsabas kə Silas. Ngakɔnje kə̂ joo nəənn le njê-mə-kunnje oojede to dəwje kə̂ asəje njaa.

Kulaje 20:24

Moo təbbə ləm to nɛ̂n kəmʼm tə̂ ang. Nɛ̂n kə̂ m-ndiki njaa to ənga dda kula kə̂ Əbbə-dəwje Jeju inya jim tə̂ ndərəng kɔsu kɔnyɛ̂. Kula le to kula kila mbər Tar kə̂ Maji kə̂ to mə-maji lə Lubba.

Rɔmɛnje 5:2

Ddəw tə̂ lə Jeju kə̂ junnje məje jarɛ̂ le â Lubba dda nɛ̂n kə je mə-maji ngaâ n-naynje ddəwe tə̂. Yeenn bba, jaw ddaje rɔ-nəəl, mba jundaje məje to jeje kara ja kingaje piti lə Lubba.

1 Kɔrɛntinyɛje 15:1

Ngakɔnʼmje, m-ndiki ta kole məse dɔ Tar tə̂ kə̂ Maji kə̂ mila mbəre marəse ngaâ ə-taaje, aw uwaje arə ngəng le.

2 Kɔrɛntinyɛje 1:19

Mba Jeju-Kristə Ngonn lə Lubba, kə̂ əman kə Silas kə Timɔte, jila mbər tar laa bbe ləse le, n̂-ddee ta pa nan «An än» ddəm «Ân an» ddəm ang. Tar laa tɔyn njaa to «An än» dɔrɔ.

2 Kɔrɛntinyɛje 1:24

To kɔn bba jaw jɔn dɔse ddəw mə-kunn tə̂ ləse ang. Uwaje mə-kunn ləse arəje ngəng mban. Yeenn bba n-ndiki ta karə jeje ddəm sese ddəm n-ddaje kula kə naan jarə rɔse nəəlse.

Epɛjinyɛje 3:3

Lubba tɔjum nɛ̂nje kə̂ n̂-gɔl ta dda kə̂ naynje lo-kiyɛ̂ tə̂. M-pa tar dɔ nɛ̂nje tə̂ənn ngaji marəse kete makəturu tə̂ nəənn mban.

Epɛjinyɛje 6:21

M-ndiki karə ə-gərəje tar dɔ kisi tə̂ ləm kə dɔ nɛ̂nje tə̂ kə̂ maw dda. Tisikə kə̂ to ngokɔnʼm kə̂ m-ndike ngaâ to dəw kə̂ aw dda kula lə Əbbə-dəwje kə dɔgɔlɛ̂ a pa tar dɔ nɛ̂nje tə̂ tɔyn karəse.

Kolosinyɛje 1:7

Epaparas kə̂ to nje-kula marəje kə̂ n-ndike nya le â tɔjuse nɛ̂ɛnn. Naw dda kula mba tar le, to nje-kula lə Kristə kə̂ aw dda kula laa kə dɔgɔlɛ̂.

Kolosinyɛje 4:7

Ngokɔnje Tisikə kə̂ m-ndike nya â a pa tar kisi ləm kə̂ misi tɔyn karəse. N̂-to nje-kula marəm kə̂ aw dda kula lə Əbbə-dəwje kə dɔgɔlɛ̂.

Kolosinyɛje 4:9

Marə ngokɔnje Onejim kə̂ n-ndike nya ngaâ aw dda kula kə dɔgɔlɛ̂ aw saa tɔ. N̂-to dəw kə̂ bbeê ləse. Dede â dâ paje tar nɛ̂nje tɔyn kə̂ aw nja nəənn karəse.

1 Tesalonisinyɛje 1:1

Əman Pɔl kə Silas kə Timɔte, n-dda makəturu nəənn jarə njê-mə-kunnje kə̂ Egilisi tə̂ kə̂ Tesalonikə, kə̂ toje to dəwje lə Lubba kə̂ Bɔ ddəm lə Əbbə-dəwje Jeju-Kristə ddəm. Maji karə Lubba arə məse wul lɔm ngaâ n̂-dda kə se mə-maji.

2 Tesalonisinyɛje 1:1

Əman Pɔl kə Silas kə Timɔte, n-dda makəturu nəənn jarə njê-mə-kunnje kə̂ Egilisi tə̂ kə̂ Tesalonikə, kə̂ toje to dəwje lə Bɔjeje Lubba kə lə Əbbə-dəwje Jeju-Kristə.

Ebərəje 13:22

Ngakɔnʼmje, m-dujuse karə ə-tɔje wurse ooje nɛ̂n ndəjəje nəənn. Mba makəturu kə̂ mula nɛ̂n marəse nəənn ngal ang.

1 Piyɛr 1:13

Mba yeenn le bba, maji karə kəjə dda kula dɔrɔ â to dɔse tə̂, arje dɔ gɔlse tə̂ ta undaje məse dɔ nɛ̂n tə̂ kə̂ maji kə̂ Lubba a karəse ndɔ tə̂ kə̂ Jeju-Kristə a kunda lo tee kəm dəwje tə̂.

1 Piyɛr 4:10

Sese kâra kâra tɔyn, Lubba arəse gusu dang dang. Yeenn a, maji karə umanje nɛ̂n naan. Baann bba â ddeeje to njê-ngəmje nɛ̂nje dang dang kə̂ maji kə̂ Lubba inya jise tə̂ ddəw mə-maji tə̂ laa.

2 Piyɛr 1:12

Mba yeenn bba, m-gərə to ə-gərəje nɛ̂njeenn le ngaâ aw ngəmje tar kə̂ tɔkɔrɔ kə̂ ingaje le kə majɛ̂ njaa, a mâ kole məse dɔɛ̂ tə̂ kə ndɔ tɔyn.

2 Piyɛr 2:15

Dinyaje ddəw kə̂ ndɔju, a n̂-ndəəmje ddəw. Ddəw kə̂ Balaam kə̂ to ngonn lə Bosɔr unn â dunnje. Ne kə̂ n̂-ndiki tə̂ ta kinga kuka nɛ̂n-dda kə̂ gatə gatə ang le.

3 Jan 1:12

Demetrus to dəw kə̂ dəwje tɔyn paje tar laa maji. Tar kə̂ tɔkɔrɔ kə̂ naw nja ddəwe tə̂ kara pa tar-naji laa tɔ. Jeje kara jaw pa tar-naji laa kə majɛ̂. Ə-gərə to tar-naji ləje to tar kə̂ tɔkɔrɔ.

Judə 1:3

Ngakɔnʼmje, m-ndiki nya ta dda makəturu karəse ɔju dɔ kaji kə̂ Lubba ajije tɔyn kâra baa. A bbasinɛn, moo maji ta kula kə makəturu nəənn mba karə arəse singa, karə ə-ddaje ddɔ mba ngəm nɛ̂n tar mə-kunn kə̂ Lubba arəje nyɔm le.